Ja̧danö, o̧'wo jawa ösödö, idöda tji̧tji̧mu ömadönöbi ya̧dönöbi kwabö juwö tjiyinobe. Ja̧danö tupakwö baledakwa̧ yöbawadönö abebö tja̧ja̧kwinobe, ja̧danö mea boawa sulabenö ja̧tjinobe. Isabenö okobe jwiinö Isabenö Jo̧ öpöjödi̧ jawa ja̧badö batjibanö tjiyawinobe israel jojodöma, Isabenö Jo̧ jwiinö jobadönö ödameakwawenanö baibanö.
2 Reyes 17:31 - Dios Iwene31 ja̧danö avitas jojodöma tjösödawö̧ Nibhaz ötjabökwe o̧'wo jawabi, Tartac ötjabökwe o̧'wo jawabi tjotidinobe, ja̧danö otidajadö jobadönö ösödö tjö̧jinobe. Ja̧danö Sefarvaim jojodöma Adramelec ötjabökwe o̧'wo jawabi, Anamelec ötjabökwe o̧'wo jawabi tjotidinobe, ja̧danö otidajadö, jobadö Sefarvain jojodö tjösödawö̧nö ösödö, idöda tji̧tji̧munö kwabö juwö tjiyinobe. အခန်းကိုကြည့်ပါ။ |
2 Reyes 17:31
8 ပူးပေါင်းရင်းမြစ်များ
Ja̧danö, Israel jojodönö tjitebotjö öbibö labebajo̧, balekwedönö ju'wedö tjitebo jojodönö ichejebö ujuninobe Asiria la'aka luwo̧ma, jobadöda Samarianöbi, ö'öbö comunidadnöbi tjö̧jakobetjö̧. Babilonia comunidad jojodönöbi, Cuta comunidad jojodönöbi, Ava comunidad jojodönöbi, Hamat comunidad jojodönöbi, Sefarvaim comunidad jojodönöbi ichejebinobe Asiria la'aka luwo̧ma, ja̧danö ichejebiawö̧, idöda tjitebo baibanö Samaria comunidadnöbi, ju'wi ö'öbö comunidadtenianöbi tjö̧jinobe.
Jo̧kwaijayonö, jobe ö̧jemi ja'ötjö, baikwö baledinobe: Ju'wi möle iteda ösödökwe Nisroc eju okwa tebachö, ösödökwe o̧'wo jawa ösödemi ja'ötjö, itji̧mu Adramelec mikwo̧bi, Sarezer mikwo̧bi kwölöte'onö dȩdȩbö lotjinobe tjabe'donö, ja̧danö dȩdȩbö lobajadö, jobetjö labebö dötjibajinobe Ararat nijibe. Jemi ikenama Senaquerib itji̧ Esarjadon mikwo̧ma, abe'do ö̧jinemi Asiria jojodötjö inesö la'aka luwo̧ baibinobe.
—Jobekwö Dios ökwödönö wei̧ yöbawö wetaduwakwö, ja̧bö kwö̧jaduwobö chömöledö, ja̧danö teada̧lönö kwö̧jaduwo, ökwödöbi, kwitji̧muduwibi ba̧kwelöjatebö yötawi̧danö ja̧bö kwö̧jaduwakobetjö̧. Jau chömöledö, jejenö kwuluwo̧duwi Isabenö Jo̧ Dios wei̧ a̧ja̧kwö kwö̧jaduwitjö̧ma, ökwödönö ösödakobe, –Jweinö chösödi̧danö otiwanö a̧ja̧kwö ju̧kwadö, –jö̧ba̧lö, ja̧danö ba̧kwelöjatebö ökwödönö pjaatakwo̧, otiwanö kwö̧jaduwakobetjö̧.
Jau chömöledö, jobadö tjösödinadanöma kwösödaduwoko kwuluwo̧duwi Isabenö Jo̧ Diosnö chömöledö, baikwö yötawa: Jobadö tjösödawö̧nö ösödö ja̧tji̧ma, jwiinö suli̧ jawa ösödö ja̧badö, inesö suli̧ Isabenö Jo̧ öpöjödi̧ jawa. Jau chömöledö, isabenö jwiinö sulabenö ja̧bö tjösodobe o̧'wo jawa tjösödawö̧nö, idöda tji̧tji̧munöbi juwö tjiyobe, tjösödawö̧nö̧ iyawa baibanö chömöledö, jobadö tjösödi̧danö kwösödaduwoböma kwisakwaduwoko, la'akatjöda.
ကြော်ငြာတွေ