2 Reyes 17:23 - Dios Iwene

²³ bajaliyanö Isabenö Jo̧ma iteda ö̧jelö israel jojodönö a'dewö loenanö baibanö. Ja̧ a'dewö loinama, ajayinö Isabenö Jo̧ yöawinadanö badekwachinobe. Isabenö Jo̧ yöawi̧ yöbawadöma yötjawinobe, a̧jakwökönö tjö̧jitjö̧ma Dios a'dewö loakwa̧ wenema, ja̧danö yöawinadanö Israel jojodönö idöda tjitebotjö a'dewö loinobe, ja̧danö babe mölebi baibanö, ina Asiria nijinö tju̧ju̧kwobe.

2 Reyes 17:23 ပူးပေါင်းရင်းမြစ်များ

1 Reyes 13:2

Ja̧danö ichibajo̧, Isabenö Jo̧ yöawobö weaja̧ labinö jwöeba̧linobe, baikwö: —Baikwö yöawobe Isabenö Jo̧ma, böte iyawöte jawama: Ju'wi möle lekwe möle baledibaja̧ ikenama, David itji tupadanö jojo bakwo̧ Josias mikwo̧nö jemakobe, ja̧danö jo̧ba Josiasma, böte iyawöte wamenö juwö iyakobe, bötetjö otidadö tjiwe'ijuma. Jau, babe ö'weje pjabatadö böte iyawöte wamema, iyawa juwö iyawadö, jo̧kwaijayonö yadakwö Josiasma böte wame jojodö tjiwe'iju, bötenö juwö otidinadö tjiwe'iju ujuwakwo̧, —jö̧ba̧lö labinö jwöeba̧linobe.

1 Reyes 14:16

Jau jojosuju, kwilekwe Jeroboan sulabenö ja̧iökwe, jobekwö lȩebakobe Diosma israel jojodönö, kwilekwe isabenö jwiinö sulabenö ja̧inobetjö̧. Kwilekwe Jeroboanma Dios weökö jawa sulabenö ja̧inobe, ja̧danö ju'wibi iteda sulabenö ja̧aja̧danö ju'wedö israel jojodönöbi sulabenö Dios weökö jawa sulabenö ja̧tjobö weinobe, ja̧danö jejenö sulabenö ja̧tjiökwe, israel jojodönö le'dedö loakobe Isabenö Jo̧ma, —jö̧ba̧lö yöawinobe Ahiasma, Jeroboan ilekwonöma.

1 Reyes 9:7

isabenö lȩtebakwo̧sa. Jau Salomon, israel jojodönö, jobadönö chiyinemi nijitjö a'dewö lotakwo̧sa, jadanö beju, ötjöda chö̧jakweju baibanö 'da̧batö chujuninejubi katatibakwo̧sa, beju jo̧bekwö edökönö. Ja̧danö, jejenö israel jojodönö jwiinö lȩtebiawö̧, ju'wedö bö̧jenö ju̧kwadöma israel jojodönö otjakwedö, –Idö israel jojodöma Dios lȩebawö̧ mikwawöködö, –jö̧ba̧lö.

2 Reyes 13:23

Jo̧kwaijayonö, Isabenö Jo̧ma lȩlöjinö edinobe Israel jojodönö, ja̧danö lȩlöjinö edö, otiwanö pjaatinobe. Ajayinö Abrahamnöbi, Isaacnöbi, Jacobnöbi yöbawö ujunina wene omukwatö, öba a'otjö israel jojodö sulabenö ja̧bö tjö̧jijayonö, jobadönö bakobe söbebö loobö öpöjödinobe Isabenö Jo̧ma, ja̧danö babe mölebi baibanö, ina öba a'otjö a'dewö lobö̧kö̧ israel jojodönö.

2 Reyes 17:13

Jobekwö sulabenö ja̧bö tjö̧jiökwe, yemidanöbi, yemidanöbi iteda yöawi̧ yöbawadönö webiainobe Isabenö Jo̧ma, Israel jojodönöbi Juda jojodönöbi yötjawobö: —Sulabenö ja̧bö kwö̧jaduwi̧ kabatibö, ja̧bö kwö̧jaduwobö weti̧bi, ju'wi weti̧bi a̧ja̧kwö kwö̧jaduwo, kwa'dödönö wetina Moises i̧wȩyudinadanö, ja̧danö ju'wedö yötawi̧ yöbawinadö yötjawinadanö a̧ja̧kwö kwö̧jaduwo, —jö̧ba̧lö iteda yöawi̧ yötjawobö weinobe.

2 Reyes 17:18

Ja̧danö jobekwö sulabenö ja̧tjiökwe, jwiinö jobadönö ödameakwinobe Isabenö Jo̧ma, ja̧danö ö̧jelö labebö loinobe, ja̧danö israel jojodötjö sule Juda jojodöda ina tjitebo nijinö tjö̧jinobe.

2 Reyes 17:20

Ja̧danö jobekwö sulabenö ja̧tjiökwe, okobe deinö Israel itji̧mu tupadanö jojodönö kaatibinobe Isabenö Jo̧ma, ja̧danö jobadönö iyö loinobe, tjöpöjojodö 'dölanö ichadö jobadönö tjujuluwobö, bakobe okobe deinö israel jojodönö iteda ö̧jelö a'dewö loenanö baibanö.

2 Reyes 17:22

Ja̧danö jobekwö weawö̧, okobe jwiinö tjuluwo̧ Jeroboan sulabenö ja̧bö ö̧ji̧danö, jobadöbi sulabenö ja̧bö tjö̧jinobe. Ja̧danö Jeroboan sulabenö ja̧bö ö̧jina jawa katjatibinokobe Israel jojodöma,

2 Reyes 17:6

Ja̧danö, wapötakwa o̧biya tjösawajo̧, Oseas ida̧ökö jelemutjö ö'wejemu jawa o̧biya baledibanö webö ö̧jenama, bajaliyanö Samaria comunidad ujuluwinobe Asiria la'aka luwo̧ma. Ja̧danö, juluwajo̧, ujuluwajawö̧ israel jojodönö öbibö laebinobe tjitebotjö, ja̧danö iteda itebobe öbibajo̧, Halah comunidadnöbi, Habor ojwe ö'öbö comunidad Gozannöbi, medo jojodö tjitebo comunidadbiyanöbi tjö̧jobö weinobe.

2 Reyes 21:14

Ötjöda chömöledö batjibanö omudawö chujuninawö̧tjö ina ji̧badönö le'dedibö lotakwo̧sa, ja̧danö tjöpöjojodö jobadönö tjujuluwobö iyö lotakwo̧sa. Jobekwö iyö lotajawö̧, tjöpöjojodöma jobadönö tjujuluwakwedö, ja̧danö tjitea tjönaukwakwedö.

2 Reyes 23:27

Baikwö yöawinobe Isabenö Jo̧ma: —Israel jojodönö lȩtebinadanö, Juda jojodönöbi lȩtebocha, jobadönöbi chö̧jelö a'dewö lotakwo̧sa, ja̧danö ötjöda chitebo comunidad baibanö omudawö chujuninemi Jerusalen katatibakwo̧sa, ja̧danö ötjö cheju, ötjönö tjösödakwelö jö̧ba̧lö jö̧ta̧lineju katatibakwo̧sa, —jö̧ba̧lö yöawinobe Isabenö Jo̧ma, Juda jojodönö lȩebakwa̧ jawa.

2 Reyes 24:3

Ja̧ baledakwa̧ma Isabenö Jo̧ Diosda baledobö weinobe, iteda ö̧jelö Juda jojodönö labebö loakobetjö̧. Jau, ajayi Juda la'aka luwo̧ ji̧na Manases jwiinö sulabenö ja̧iökwe, jobekwö baledobö weinobe Isabenö Jo̧ma. Manasesma isabenö jwiinö sulabenö ja̧bö ö̧jinobe Dios öba a'otjö,

2 Reyes 25:21

ja̧danö jobe Ribla comunidadtjö, okobe deinö jobadönö kwabawö loinobe Babilonia la'aka luwo̧ma. Jobekwö laebobe Juda jojodönö tjitebotjö latjebina wenema.

2 Reyes 3:3

Jo̧kwaijayonö, Baalnö ösödakwawa kaatibinajayonö, ajayinö ji̧na Israel la'aka luwo̧ Jeroboan mikwo̧ sulabenö ja̧bö ö̧jinadanö ja̧bö ö̧jinobe. Jeroboanma pakayadö o̧'wo jawa otidajo̧, israel jojodönö sulabenö weinobe, —Bidöma dösödawö̧ diosbedö, —jö̧ba̧lö jobadönö tjösödobö, ja̧danö ja̧ ösödakwawa kabatibökönö, Jorambi jwaikwöda Jeroboan sulabenö ja̧bö ö̧jinadanö ja̧bö ö̧jinobe.

Isaías 7:8

Jau, chöba a'otjö juluwöködö jobadö bö̧je luwedöma, baikwö yöta̧la: Siria nijitjö la'aka comunidadma, sule Damasco comunidadda, ja̧danö Damasco comunidad la'aka luwo̧ma, sule Rezin mikwo̧da. Ja̧danö israel niji baikwö yöta̧la, ja'yubeda lekwajabetjö̧ tjöpöjojodöma söbebö lotjakobe israel nijima, israelsaso ötjabawö̧ma deinö baibanö.

Deuteronomio 32:20

Sulabenö ja̧tji̧ökwe, –Bidö chi̧tji̧muma jwiinö sulabedö, ja'yubebi ja̧tjo̧ jö̧tja̧li̧danöma ja̧böködö, jo̧kwajabetjö̧ jobadönö pjabatökönö chö̧ja̧kwo̧sa, jobadönö baledakwa̧ma dakwö baledakwojobö jö̧ba̧lö.

Josué 23:13

Jejenö kakatibaduwiökwe, kwuluwo̧duwi Isabenö Jo̧ Diosma pjaatökakobe chömöledö, kwöpöjojodöduwinö a'dewö loböma, ja̧danö jobadöma 'daliwadanö tjö̧jakwedö ökwödönöma, nöinö usula kwemaduwakobetjö̧. Jau chömöledö, bemi niji ajayinö ji̧nadökwö bakibaduwitjö̧ma, wanedö yötawa: jobadöma kwakwaakwawadanö batjibakwedö ökwödönö, ja̧danö sȩakadanö batjibakwedö, kwöbajaleduwi tjewawadö bakibaduwanö. Jejenö baleditjö̧ma, kwiteboduwitjö okobe deinö debö kwi̧'yaduwakwedöja chömöledö. Jau chömöledö, Kwuluwo̧duwi Isabenö Jo̧ma isabenö inesö otiwemi niji iyinobe ökwödönö, kwiteboduwi baibanö, jo̧kwaijayonö jo̧banö kabatibö bemi niji ju̧kwadökwö bakibaduwitjö̧ma, jwiinö kwöwaekwaduwakwedöja.

Jueces 18:30

Ja̧danö, Dansaso jojodöma Micaias otidinökwe o̧'wo jawa jobe tjitebo comunidadnö tjujuninobe, idöda tjösödökwe baibanö. Ja̧danö Levisaso jojoma tjö̧'da̧de pjabato̧ ö̧jinobe. Jo̧ba Levisaso jojoma Jonatan mikwo̧, ja̧danö jo̧bama Moises itji̧ Gerson mikwo̧ itji̧ tupadanö jojo. Ja̧danö, Jonatanbi, itji̧mu tupadanö jojodöbi jobe tjö̧'da̧de pjabatadö tjö̧jinobe, bajalianö israel jojodö tjöpöjojodöma israel jojodönö juluwö, tjitebotjö labebö tjemenanö baibanö.