Jo̧kwaijayonö, jwiinöma ökwödötjö 'dötebökakwo̧sa, ina israel jojodötjö bakwaso luwedö kwö̧jaduwobö wetakwo̧sa, ötjö chömöayo̧mine Davidnö ösödö chomukwatobetjö, ja̧danö ötjö omudawö chujuninemi Jerusalen comunidad ösödö chomukwatobetjö, ökwödö David itji̧mu tupadanö jojodö ina bakwaso luwedö kwö̧jaduwobö wetakwo̧sa, —jö̧ba̧lö yöawinobe Isabenö Jo̧ma, Salomonnöma.
2 Reyes 17:18 - Dios Iwene18 Ja̧danö jobekwö sulabenö ja̧tjiökwe, jwiinö jobadönö ödameakwinobe Isabenö Jo̧ma, ja̧danö ö̧jelö labebö loinobe, ja̧danö israel jojodötjö sule Juda jojodöda ina tjitebo nijinö tjö̧jinobe. အခန်းကိုကြည့်ပါ။ |
2 Reyes 17:18
23 ပူးပေါင်းရင်းမြစ်များ
Jo̧kwaijayonö, ju'wedö domulataja jawasaso Salomontjö 'dötebijayonö, ina bakwaso la'aka luwo̧ ö̧jobö wetocha. Jau, Salomon abe'do chömöayo̧mine Davidnö otiwanö omukwatö ösödo̧sa, ja̧danö okobe jwiinö israel niji sasokwena nijitjö ötjöda chitebo baibanö 'da̧batö chujuninemi Jerusalen comunidad otiwanö omukwato ösödo̧sa, jadanö ja omukwatö, ina bakwaso luwo̧ ö̧jobö wetakwo̧sa Salomonnö.
Jo̧kwaijayonö jwiinö 'dötebökakwo̧sa, Salomon itji̧ la'aka luwo̧ ö̧ji̧ma, ina bakwaso la'aka luwo̧ ö̧jobö chujunibakwo̧sa. Jau, Jerusalen comunidad 'da̧batö chujunajabe, ötjö Isabenö Jo̧ chitebo comunidad baibanö, ja̧danö chömöayo̧mine David itji̧mu tupadanö jojodö ba̧kwelöjatebö jobe Jerusalentjö chöba a'otjö luwedö tjö̧jobö chösödobetjö̧, ina jobe bakwaso la'aka luwo̧ ö̧jobö wetakwo̧sa.
Ja̧danö, Salomon itji̧ Roboannö kabatibajadö, okobe deinö israel jojodötjö u'dakwö ju̧kwadöma Nebat itji̧ Jeroboannö tja̧ja̧kwinobe, —Egipto nijibetjö ȩwa̧jabe Jeroboanma, —jö̧ba̧lö, ja̧danö a̧ja̧kwajadö, jo̧banö jwötjinobe, ko̧ko̧kwö tjö̧jobe ichobö. Ikenama, Nebat itji̧ Jeroboannö 'da̧batö tjujuninobe, okobe deinö israel jojodötjö inesö la'aka luwo̧ ö̧jobö. Israel jojodötjö, sule Judasaso jojodöda David itji̧mu tupadanö jojodönö tjösödinobe, —David itji̧mu tupadanö jojodö tjömöayedösa, —jö̧ba̧lö.
—Isabenö bö̧jȩnö ju̧kwadötjö bakwo̧bi deobe chuluwo̧, bakwainö ja'yubebi sulabenö jabökönö jo̧ma, ja̧danö ju'winö kwömöledö israel jojodöma isabenö kwöpöjödi̧ jawa sulabenö ja̧tjakwedö chuluwo̧. Ja̧danö, sulabenö ja̧tjiökwe, isabenö jobadönö kwödameakwakwo̧ja chuluwo̧, jadanö tjöpöjojodö jobadönö tjujuluwobö kwiyakwo̧ja. Ja̧danö, juluwajadö, tjitebobe öbibö tjȩwa̧jakwedö israel jojodönö, ödö tjitebobeö̧kö̧, yö̧ne tjitebobeö̧kö̧.
Jo̧kwaijayonö, Isabenö Jo̧ma lȩlöjinö edinobe Israel jojodönö, ja̧danö lȩlöjinö edö, otiwanö pjaatinobe. Ajayinö Abrahamnöbi, Isaacnöbi, Jacobnöbi yöbawö ujunina wene omukwatö, öba a'otjö israel jojodö sulabenö ja̧bö tjö̧jijayonö, jobadönö bakobe söbebö loobö öpöjödinobe Isabenö Jo̧ma, ja̧danö babe mölebi baibanö, ina öba a'otjö a'dewö lobö̧kö̧ israel jojodönö.
Ja̧danö, wapötakwa o̧biya tjösawajo̧, Oseas ida̧ökö jelemutjö ö'wejemu jawa o̧biya baledibanö webö ö̧jenama, bajaliyanö Samaria comunidad ujuluwinobe Asiria la'aka luwo̧ma. Ja̧danö, juluwajo̧, ujuluwajawö̧ israel jojodönö öbibö laebinobe tjitebotjö, ja̧danö iteda itebobe öbibajo̧, Halah comunidadnöbi, Habor ojwe ö'öbö comunidad Gozannöbi, medo jojodö tjitebo comunidadbiyanöbi tjö̧jobö weinobe.
Baikwö yöawinobe Isabenö Jo̧ma: —Israel jojodönö lȩtebinadanö, Juda jojodönöbi lȩtebocha, jobadönöbi chö̧jelö a'dewö lotakwo̧sa, ja̧danö ötjöda chitebo comunidad baibanö omudawö chujuninemi Jerusalen katatibakwo̧sa, ja̧danö ötjö cheju, ötjönö tjösödakwelö jö̧ba̧lö jö̧ta̧lineju katatibakwo̧sa, —jö̧ba̧lö yöawinobe Isabenö Jo̧ma, Juda jojodönö lȩebakwa̧ jawa.
Jejenö kakatibaduwiökwe, kwuluwo̧duwi Isabenö Jo̧ Diosma pjaatökakobe chömöledö, kwöpöjojodöduwinö a'dewö loböma, ja̧danö jobadöma 'daliwadanö tjö̧jakwedö ökwödönöma, nöinö usula kwemaduwakobetjö̧. Jau chömöledö, bemi niji ajayinö ji̧nadökwö bakibaduwitjö̧ma, wanedö yötawa: jobadöma kwakwaakwawadanö batjibakwedö ökwödönö, ja̧danö sȩakadanö batjibakwedö, kwöbajaleduwi tjewawadö bakibaduwanö. Jejenö baleditjö̧ma, kwiteboduwitjö okobe deinö debö kwi̧'yaduwakwedöja chömöledö. Jau chömöledö, Kwuluwo̧duwi Isabenö Jo̧ma isabenö inesö otiwemi niji iyinobe ökwödönö, kwiteboduwi baibanö, jo̧kwaijayonö jo̧banö kabatibö bemi niji ju̧kwadökwö bakibaduwitjö̧ma, jwiinö kwöwaekwaduwakwedöja.
Ja̧danö baikwö yötawaduwakwö chömöledö, otiwa jawa ökwödönö pjaatakwa̧ yöbawö ujunina jawama, okobe jwiinö yöawinadanö badekwachajabe, jö̧tö? Ja̧danö, ju'wibi yötawaduwakwö chömöledö, sule otiwanö pjaatakwa̧ wenedama yöawinokobe chömöledö, wei̧ a̧ja̧kwökönö kwö̧jaduwitjö̧ma, lȩebakwa̧ wenebi yöawinobe chömöledö, ja̧danö a̧ja̧kwökönö kwö̧jaduwitjö̧ma, ja̧ lȩebakwa̧ yöawinabi badekwachinö lȩebakwo̧ Isabenö Jo̧ma chömöledö. Jau chömöledö, a̧ja̧kwökönö kwö̧jaduwitjö̧ma, okobe jwiinö Isabenö Jo̧ lȩebakwa̧ yöbawö ujunina jawabi badekwachinö lȩebakwo̧, jwiinö ökwödönö söbebö loenanö baibanö. Jau chömöledö, kwuluwo̧duwi Isabenö Jo̧ Diosma bemi inesö otiwemi nijima kwiteboduwi baibanö iyajabe, jo̧kwaijayonö a̧ja̧kwökönö kwö̧jaduwitjö̧ma, isabenö yöbawö ujunina badekwachinö, jwiinö ökwödönö söbebö loakwo̧.
Ja̧danö, Dansaso jojodöma Micaias otidinökwe o̧'wo jawa jobe tjitebo comunidadnö tjujuninobe, idöda tjösödökwe baibanö. Ja̧danö Levisaso jojoma tjö̧'da̧de pjabato̧ ö̧jinobe. Jo̧ba Levisaso jojoma Jonatan mikwo̧, ja̧danö jo̧bama Moises itji̧ Gerson mikwo̧ itji̧ tupadanö jojo. Ja̧danö, Jonatanbi, itji̧mu tupadanö jojodöbi jobe tjö̧'da̧de pjabatadö tjö̧jinobe, bajalianö israel jojodö tjöpöjojodöma israel jojodönö juluwö, tjitebotjö labebö tjemenanö baibanö.
ကြော်ငြာတွေ