2 Reyes 17:12 - Dios Iwene

¹² Isabenö Jo̧ jweinö jobadönö weinajayonö, —O̧'wo jawa kwösödaduwoko, —jö̧ba̧lö jweinö weinajayonö, yayonö o̧'wo jawa sulabenö ösödö tjö̧jinobe israel jojodöma.

2 Reyes 17:12 ပူးပေါင်းရင်းမြစ်များ

1 Reyes 21:26

Jau, jwaikwöda Isabenö Jo̧ öpöjödi̧ jawa ja̧obö isakwobetjö̧, Isabenö Jo̧ damötjö israel jojodö tjöba a'otjö a'dewö loinawö̧ amorreos jojodö ja̧bö tjö̧jinadanö sulabenö ja̧inobe Acabma. Jobadöma inesö sulabedö o̧'wo jawa ösödö tjö̧jinobe, ja̧danö Acabbi jwiinö sulabenö ja̧bö, o̧'wo jawa ösödinobe.

2 Reyes 17:11

ja̧danö möemitenia jobadönö kwabö juwö tjiyinobe, töba a'otjö Isabenö Jo̧ a'dewö loinawö̧ sulabenö ja̧bö tjö̧jinadanö. Jwiinö sulabenö ja̧tjinobe israel jojodöma, Isabenö Jo̧ jobadönö ödameakwenanö baibanö.

2 Reyes 17:40

Ja̧danö, jelobetjö ichajadö Asiria luwo̧ ichejebinawö̧ israel nijinö ju̧kwadöma, ja̧ weina tja̧ja̧kwo jö̧tja̧linobe, jo̧kwaijayonö ja̧ weina a̧ja̧kwökönö, ajayinö tjö̧jinadanö ju'wedö diosbedönö ösödö tjö̧jinobe.

Éxodo 20:2

—Ötjöma Isabenö Jo̧sa, Kwösödaduwökwe Diossa. Ötjödasa Egiptotjö lakebaduwinö pjabatinama, Egipto jojodö wetjawö̧ otidö kwö̧jaduwitjö. Baikwö wetaduwakwö:

Éxodo 34:14

Ötjönö, Isabenö Jo̧nöda kwösödaduwo, ju'wedö tjo̧'wo jawa tjöwa̧na̧lawö̧nö kwösödaduwoko. Ötjö chimima, ö'wiabinö edo̧ Diossa, jö̧ba̧lö. Jo̧kwaobetjö̧ ötjönöda kwösödaduwobö weta.

Deuteronomio 12:4

—Jobadö jelobetenia kwabö juwö tjösödawö̧nö ösödö tjö̧ji̧danö, kwabö juwö kwösödaduwoko kwuluwo̧duwi Isabenö Jo̧ Diosnö chömöledö.

Josué 23:7

—Ja'yubebi bemi canaan niji ju̧kwadökwö pjabacha̧lö kwö̧jaduwoko chömöledö, ja̧danö ja'yubebi tjösödawö̧ Diosbedö jö̧ba̧lö tjomukwatawö̧nö kwösödaduwoko. Jau chömöledö, ja'yubebi tjösödawö̧nö kwösödaduwoko, tjimibiyabi yöba̧lökönaduwi, ja̧danö tjiminö yöbawö junökönaduwi, ja̧danö wetji̧ a̧ja̧kwökönaduwi, ja̧danö jobadönö bȩbachibö ösödökönaduwi.