2 Reyes 16:2 - Dios Iwene

² Juda la'aka luwo̧ baibenama, veinte o̧biya ujuna̧linobe Acazma, ja̧danö dieciseis o̧biya baledibanö Jerusalen comunidadnö ja̧nö webö ö̧jinobe. Iteda a'dö David otiwanö ösödökwe Isabenö Jo̧ Dios öba a'o ja̧bö ö̧jinadanöma ja̧bö ö̧jinokobe Acazma.

2 Reyes 16:2 ပူးပေါင်းရင်းမြစ်များ

1 Reyes 15:3

Abias ö̧jinama, abe'do Roboan sulabenö ja̧inadanö sulabenö jainobe. A'dö David jwaikwöda ösödökwe Isabenö Jo̧ Diosnö ösödö ö̧jinadanöma ja̧bö ö̧jinokobe Abiasma.

1 Reyes 3:14

Ja̧danö ju'wibi yötawakwö Salomon: Ja̧bö kwö̧jaduwobö weti̧bi, ju'wi weti̧bi kwabe'do David a̧ja̧kwö ö̧jinadanö, ökwöbi otiwanö a̧ja̧kwö kwö̧jitjö̧ma, lekwe möle kwö̧jobö chiyakwo̧sa, —jö̧ba̧lö yöawinobe Diosma, i̧'wi̧dinö.

1 Reyes 9:4

—Ja̧danö, ökwönö weti̧ma, baikwö wetakwö Salomon: Kwabe'do David ötjö chömöayo̧ ja̧nö, omajadenö jwaikwöda otiwanö omukwatö, dötölatajanö omukwatökönö weti̧ a̧ja̧kwö ösödinadanö, ökwöbi ösödö kwö̧jobö jo̧be. Jau Salomon, okobe jwiinö weti̧ a̧ja̧kwö kwö̧jobö jo̧be, ja̧bö kwö̧jobö weti̧bi, ju'wi weti̧ jawabi.

2 Reyes 14:3

Amasiasma otiwanö Isabenö Jo̧ ösödi̧danö ja̧bö ö̧jinobe, jo̧kwaijayonö a'dö Davidmine otiwanö ja̧bö ö̧jinadanöma ja̧bö ö̧jinokobe Amasiasma. Iteda abe'do Joas ja̧bö ö̧jinadanö, bakwainö ja̧bö ö̧jinobe Amasiasma.

2 Reyes 15:3

Abe'do Amasias ja̧bö ö̧jinadanö, Uziasbi bakwainö Isabenö Jo̧ ösödi̧danö ja̧bö ö̧jinobe.

2 Reyes 15:34

Abe'do Uzias Isabenö Jo̧ öba a'o otiwanö ja̧bö ö̧jinadanö, Jotambi bakwainö otiwanö ja̧bö ö̧jinobe.

2 Reyes 18:1

Israel la'aka luwo̧ Oseas ö̧jayi, ida̧ökö wapötakwa o̧biya baledibanö webö ö̧jenama, Juda la'aka luwo̧ Acaz itji̧ Ezequias mikwo̧ma Juda la'aka luwo̧ baibinobe.

2 Reyes 18:3

Ezequiasma otiwanö ja̧bö ö̧jinobe Isabenö Jo̧ öba a'otjö, a'dö David ja̧bö ö̧jinadanö bakwainö otiwanö ja̧bö ö̧jinobe Ezequiasma.

2 Reyes 22:2

Ja̧danö, Juda la'aka luwo̧ ja̧nö, Isabenö Jo̧ öba a'otjö otiwanö ja̧bö ö̧jinobe Josiasma. A'dömine David ja̧bö ö̧jinadanö, Josiasbi jalachibökönö, jwaikwöda Dios wei̧ a̧ja̧kwö ö̧jinobe.