2 Reyes 16:11 - Dios Iwene

¹¹ Jobekwö Damascotjö weiökwe, ö'weje pjabato̧ Uriasma bakwainö i̧wȩyudaja̧danö iyawapjo otidinobe, ja̧danö Acaz Damascobetjö ȩwa̧jö ichibakwa̧ abönö otidö kaatibinobe.

2 Reyes 16:11 ပူးပေါင်းရင်းမြစ်များ

2 Reyes 16:10

Jobekwö pjabatö ichiökwe, Juda la'aka luwo̧ Acazma Damasco comunidadbe i̧'yinobe, Asiria la'aka luwo̧ Tiglat-pilesernö edobö. Ja̧danö, jo̧banö edö i̧'yenama, Damasconö ji̧ tjösödökwenö iyawapjo edinobe. Edajo̧ ösödinobe Acazma, —Chitebotjöbi jobekwö dotido, —jö̧ba̧lö, ja̧danö okobe jwiinö ja̧ otikwa wȩyukwa'ye wȩyudö weinobe ö'weje pjabato̧ Uriasnö, Jerusalentjö bakwainö otidakobetjö̧.

2 Reyes 16:12

Ja̧danö, la'aka luwo̧ Acaz Damascobetjö ȩwa̧jenama, iyawapjo edinobe, ja̧danö ichibö, ja̧ iyawapjotjö jwiinö ubinö iyawabi kwabö juwö iyinobe, ja̧danö trigoso̧pja iyawabi japjotjö iyinobe, ja̧danö owawa iyawabi japjonö toebinobe, ja̧danö ösökwö ja̧kwawa iyawo̧ ökwösobu ja̧ iyawapjonö sa̧sa̧inobe.

2 Reyes 16:14

Ja̧danö, broncetjö otikwapjo, Isabenö Jo̧ öba a'o ji̧napjoma, 'yayapjotjö Dios ejutjö ö'wejenö ji̧nobe, jo̧kwajabetjö̧ ja̧ damösapjo jobetjö pjolatö ujuninobe Acazma, ja̧danö iteda weinapjotjö u'dakwöchobe ujuninobe.

2 Reyes 16:16

Ja̧danö, jobekwö weökwe, weaja̧danö ja̧inobe ö'weje pjabato̧ Uriasma.

2 Reyes 21:4

Ju'wibi, a̧dekwanö Isabenö Jo̧ ejutjöbi, ju'wedö tjösödawö̧nö iyawemi otidö ujuninobe. Jau, Jeruselennö jȩju, Isabenö Jo̧ ejuma, Isabenö Jo̧ Dios yöa̧lineju, —Beju Jerusalennö jȩjuma, ötjöda cheju baibanö 'da̧batö chujunajabe, —jö̧ba̧lö, jo̧kwaijayonö ju'wedö tjösödawö̧nö iyawemi jobe otidö ujuninobe Manasesma.

2 Reyes 21:7

Isabenö jwiinö sulabenö ja̧bö ö̧jinobe Manasesma. Asera ötjaboko jo̧'wo jawa otidajo̧, a̧dekwanö Isabenö Jo̧ eju okwa ujuninobe. Ja̧ ejuma, Isabenö Jo̧ma ajayinö Davidnöbi, itji̧ Salomonnöbi yöawinobe, —Okobe jwiinö israel nijitjö, bejuda, ja̧danö bemi comunidad Jerusalenda 'da̧batö chujunajabe, ba̧kwelöjatebö ötjöda cheju baibanö, ja̧danö ba̧kwelöjatebö chitebo comunidad baibanö.

Isaías 8:2

Ja̧danö, jobekwö kwi̧wȩyudonö, ötjöma du̧ju̧taja jweinö yöbawadönö wetocha, kwi̧wȩyudaja̧ edajadö, –Isabenö Dios weaja̧danö i̧wȩyudinobe Isaiasma, –jö̧ba̧lö yötjawakwedönö. Jobadö wetakwawö̧ma, bidö, Diostjö jojodötjö ö'weje pjabato̧ Urias mikwo̧bi, Jerebequias itji̧ Zacarias mikwo̧bi, —jö̧ba̧lö weinobe.

Daniel 3:7

Jejenö weiawö̧, yöawaja̧danö lo̧awa jawa ökwöi̧ tja̧ja̧kwenama, okobe deinö jobe ko̧ko̧kwajadöma nijakwö bȩbachibö tjösödinobe la'aka luwo̧ Nabucodonosor orotjö otidö ujuninökwe jojo o̧'wo̧ jawanö.

Gálatas 1:10

¿Dakwö kwomukwataduwa chömöledö? ¿Jojodöda yötawi̧ tjösödo jö̧ba̧lö chisakwobeji̧? Chisakwökö chömöledö, Diosda yötawi̧ ösödo jö̧ba̧lö isakwo̧sa. Ja̧danö, ¿jojodö ötjönö tjösödo jö̧ba̧lö chisakwobeji̧? Chisakwökö chömöledö, jejenö chisakwitjö̧ma, isabenö Cristo ömöayo̧ chö̧joko jö̧ta̧lena.