2 Reyes 15:7 - Dios Iwene

⁷ Ja̧danö, Uziasma ö'wö baibinobe, ja̧danö ö'wö babibajo̧nö a'dödökwö tjo̧tjinobe, a'dö David itebo comunidad ötjabena. Ja̧danö, Uzias webö ö̧jinemi, itji̧ Jotamda Juda la'aka luwo̧ baibinobe.

2 Reyes 15:7 ပူးပေါင်းရင်းမြစ်များ

2 Reyes 15:6

Jobekwö ja'yubenö laebobe Uzias la'aka luwo̧ ö̧jina jawama. Ju'wibi nöinö ja̧bö ö̧jinobe Uziasma, ja̧danö ja̧ Uzias ja̧bö ö̧jina jawama, Juda jojodö la'aka tjuluwedö tjö̧jina wȩyukwa'ye mikwa'yenö laebobe.

2 Reyes 15:8

Juda la'aka luwo̧ Uzias ö̧jayi, treinta y ocho o̧biya baledibanö ida̧ökö webö ö̧jenama, israel la'aka luwo̧ Jeroboan itji̧ Zacariasma israel la'aka luwo̧ baibinobe, ja̧danö jawo̧dö jelemutjö bakwo̧ baledibanö, Samaria comunidadnö ja̧nö webö ö̧jinobe.

1 Crónicas 3:12

Ja̧danö Joas itji̧ma Amasias mikwo̧. Ja̧danö Amasias itji̧ma Uzias mikwo̧. Ja̧danö Uzias itji̧ma Jotam mikwo̧.

Isaías 6:1

Juda niji inesö la'aka luwo̧ Uzias mikwo̧ ö'wö baibina o̧bama baikwö baledinobe: Ja̧ o̧bama, ötjö Isaiasma Isabenö Jo̧ Diosnö chedijatö. Inesö la'aka luwo̧ iteakanö ö̧bobe chedijatö, möakanö ö̧bobe chedijatö, ja̧danö inesö la'aka luwo̧ ö̧kamijido̧ ödöado̧ chedijatö. Ja̧do̧ ö̧kamiji̧do̧ otiwado̧ma jwiinö ödöa̧do̧ ji̧nobe, ja̧do̧tjö iteda eju su̧'be baibenanö.