2 Reyes 15:37 - Dios Iwene

³⁷ Ju'wibi, Jotam la'aka luwo̧ ö̧jonö, Isabenö Jo̧ jamatö weinobe, Siria la'aka luwo̧ Rezin mikwo̧bi, Israel la'aka luwo̧ Peka mikwo̧bi Juda nijibe ichö tjölakwabikwawobö.

2 Reyes 15:37 ပူးပေါင်းရင်းမြစ်များ

2 Reyes 10:32

Ja̧danö, jobekwö a̧ja̧kwökönö ö̧jiökwe, israel jojodönö lȩebinobe Isabenö Jo̧ma. Ja̧ möle jenanö, Siria la'aka luwo̧ Hazael israel jojodönö ujuluwobö iyinobe, israel nijitjö jelobebi, jelobebi 'döebenanö baibanö. Jobekwö israel niji ja'yuwachibanö weinobe. Ja̧ Hazael 'döebenemima, baikwö laeobe:

2 Reyes 15:27

Juda la'aka luwo̧ Uzias ö̧jayi, cincuenta y dos o̧biya baledibanö ida̧ökö webö ö̧jenama, Remalias itji̧ Peka mikwo̧ma israel la'aka luwo̧ baibinobe, ja̧danö la'aka luwo̧ babibajo̧, veinte o̧biya baledibanö, Samaria comunidadtjö webö ö̧jinobe.

2 Reyes 15:36

Jobekwö ja'yubenö laebobe Jotam Juda la'aka luwo̧ ö̧jina jawa. Ju'wibi nöinö ja̧bö ö̧jinobe Jotamma, ja̧danö ja̧ ja̧bö ö̧jina wenema, Juda la'aka luwedö tjö̧jina'ye mikwa'yenö laebobe.

2 Reyes 15:38

Ja̧danö, Jotamma ö'wö baibinobe, ja̧danö ö'wö babibajo̧nö a'dödökwö tjo̧tjinobe, a'dö David itebo comunidad ötjabena. Ja̧danö, webö ö̧jinemi Jotam itji̧ Acaz mikwo̧da Juda la'aka luwo̧ baibinobe.

2 Reyes 16:5

Ja̧danö, Acaz Juda la'aka luwo̧ ö̧jonö, Siria la'aka luwo̧ Rezin mikwo̧bi, Israel la'aka luwo̧ Peka miwko̧bi Juda nijibe ölakwabikwawö tjichinobe, ja̧danö Acaznö tjujuluwotö jö̧ba̧lö Jerusalen comunidad tjötjösawinobe, jo̧kwaijayonö tjujuluwobö jwiinobe.

Isaías 7:1

Juda niji inesö la'aka luwo̧ Acaz mikwo̧ webö ö̧jena baledina jawa baikwö laebobe. Acazma ajayi inesö la'aka luwo̧ Uzias mikwo̧ ö̧'dö̧ ö̧jinobe, ja̧danö ikena la'aka luwo̧ Jotan mikwo̧ itji̧ ö̧jinobe, ja̧danö jo̧ba Acas inesö la'aka luwo̧ ö̧jemi ja'ötjö, siria niji la'aka luwo̧ Rezin mikwo̧bi, israel niji la'aka luwo̧ Peka mikwo̧bi tjömöayedö ölakwabikwawa jojodökwö Jerusalen comunidadbe tjichibinobe, Jerusalennö ju̧kwadönö tjujuluwobö. Jo̧kwaijayonö, tjujuluwobö jö̧tja̧lima waekwinobe. Baikwö laebobe ja̧ baledina jawama:

Isaías 7:8

Jau, chöba a'otjö juluwöködö jobadö bö̧je luwedöma, baikwö yöta̧la: Siria nijitjö la'aka comunidadma, sule Damasco comunidadda, ja̧danö Damasco comunidad la'aka luwo̧ma, sule Rezin mikwo̧da. Ja̧danö israel niji baikwö yöta̧la, ja'yubeda lekwajabetjö̧ tjöpöjojodöma söbebö lotjakobe israel nijima, israelsaso ötjabawö̧ma deinö baibanö.

Lucas 21:28

Jejenö baledakobe chömöledö, ja̧danö jejenö baledakwa̧ jamatö baledenama, ju'wedö yetjabijayonö yekabiduwa chömöledö. Jejenö baledenama, ökwödöma kwo̧'wo̧ ösöwachibanö a̧laibö möakwö kwedaduwo, ida̧ökö ökwödönö kwö̧jibaduwinö chemakwa̧ yöneawachibobetjö̧— jö̧ba̧lö yöawinobe Jesúsma.

Deuteronomio 28:48

kwöpöjojodöduwi tjömöayedö bakibaduwanö otidö kwö̧jaduwakwedöja. Jau chömöledö, jo̧banö ösödökönö kwö̧jaduwiökwe, Isabenö Jo̧ma kwöpöjojodöduwinö ökwödönö tjujuluwobö weakobe, ja̧danö tjömöayedö ja̧nö, a̧wi̧chi̧ tjöbö, ojwiyo o̧ti̧ tjöbö, kamiji̧do̧ jwibö, okobe jwiinö ju'wi kwiteaduwibi jwibö usula kwemawaduwakedöja. Ju'wedö tjömöayedö ja̧nö, jwiinö 'diinö otidö kwö̧jaduwobö weakobe Diosma, jwiinö ökwödönö söbebö loenanö kabatö.

1 Samuel 3:12

Ja̧ chi̧sebakwa̧ mölȩ badekwachenama, isabenö Elinöbi, ömöledönöbi lȩtebocha, ja'yubebi junibökönö okobe jwiinö yötawinadanö badekwachinö.