2 Reyes 15:27 - Dios Iwene

²⁷ Juda la'aka luwo̧ Uzias ö̧jayi, cincuenta y dos o̧biya baledibanö ida̧ökö webö ö̧jenama, Remalias itji̧ Peka mikwo̧ma israel la'aka luwo̧ baibinobe, ja̧danö la'aka luwo̧ babibajo̧, veinte o̧biya baledibanö, Samaria comunidadtjö webö ö̧jinobe.

2 Reyes 15:27 ပူးပေါင်းရင်းမြစ်များ

2 Reyes 15:1

Israel la'aka luwo̧ Jeroboan ö̧jayi, veintisiete o̧biya baledibanö ida̧ökö webö ö̧jenama, Juda la'aka luwo̧ Amasias itji̧ Uziasma Juda la'aka luwo̧ baibinobe.

2 Reyes 15:13

Juda la'aka luwo̧ Uzias ö̧jayi, treinta y nueve o̧biya baledibanö ida̧ökö webö ö̧jenama, Jabes itji̧ Salum mikwo̧ma israel la'aka luwo̧ baibinobe, ja̧danö la'aka luwo̧ babibajo̧, sule jawo̧ bakwo̧da webö ö̧jinobe.

2 Reyes 15:2

La'aka luwo̧ baibenama, dieciseis o̧biya ujuna̧linobe Uziasma, ja̧danö cincuenta y dos o̧biya baledibanö, Jerusalen comunidadnö ja̧nö webö ö̧jinobe. Uzias ojo'doma, Jerusalen comunidad jojosuju, Jecolias mikwuju.

2 Reyes 15:23

Juda la'aka luwo̧ Uzias ö̧jayi, cincuenta o̧biya baledibanö ida̧ökö webö ö̧jenama, Manahem itji̧ Pekaia mikwo̧ma israel la'aka luwo̧ baibinobe, ja̧danö la'aka luwo̧ babibajo̧, dötölataja o̧biya baledibanö, Samaria comunidadtjö webö ö̧jinobe.

2 Reyes 15:25

Ja̧danö, dötölataja o̧biya baledibanö webö ö̧jemi ja'ötjö, ömöayo̧ ölakwabikwawadötjö luwo̧ Pekamikwo̧bi, ju'wedö ömöayedö Galaad jojodötjö cincuentabedöbi omukwatö tjujuninobe, tjuluwo̧ Pekaianö kwabö lotjobö. Ja̧danö, omukwatö tjujunaja̧danö, Pekaia Samaria comunidadnö iteda eju 'diinö tjöekwobe ö̧jemi ja'ötjö, tjuluwo̧ Pekaianö kwabö lotjinobe. Jobekwö iteda uluwo̧nö kwabö loinobe Pekama, ja̧danö uluwo̧nö kwabö lobajo̧, webö ö̧jinemi Pekada israel la'aka luwo̧ baibinobe.

2 Reyes 15:26

Jobekwö ja'yubenö laebobe Pekaia israel la'aka luwo̧ ö̧jina jawa. Ju'wibi nöinö ja̧bö ö̧jinobe Pekaiama, ja̧danö ja̧ ja̧bö̧ ö̧jina wenema, Israel la'aka luwedö tjö̧jina'ye mikwa'yenö laebobe.

2 Reyes 15:28

Pekama Isabenö Jo̧ öba a'otjö sulabenö ja̧bö ö̧jinobe, ajayinö ji̧na Jeroboan o̧'wo jawa otidinawö̧nö kabatibökönö. Jeroboanma sulabenö o̧'wo jawa otidajo̧, israel jojodö otidajawö̧nö tjösödobö weinobe, ja̧danö Pekabi Jeroboan otidinawö̧nö kabatibökönö, bakwainö israel jojodö sulabenö ja̧tjobö weinobe.

2 Reyes 15:37

Ju'wibi, Jotam la'aka luwo̧ ö̧jonö, Isabenö Jo̧ jamatö weinobe, Siria la'aka luwo̧ Rezin mikwo̧bi, Israel la'aka luwo̧ Peka mikwo̧bi Juda nijibe ichö tjölakwabikwawobö.

2 Reyes 15:8

Juda la'aka luwo̧ Uzias ö̧jayi, treinta y ocho o̧biya baledibanö ida̧ökö webö ö̧jenama, israel la'aka luwo̧ Jeroboan itji̧ Zacariasma israel la'aka luwo̧ baibinobe, ja̧danö jawo̧dö jelemutjö bakwo̧ baledibanö, Samaria comunidadnö ja̧nö webö ö̧jinobe.

Isaías 7:1

Juda niji inesö la'aka luwo̧ Acaz mikwo̧ webö ö̧jena baledina jawa baikwö laebobe. Acazma ajayi inesö la'aka luwo̧ Uzias mikwo̧ ö̧'dö̧ ö̧jinobe, ja̧danö ikena la'aka luwo̧ Jotan mikwo̧ itji̧ ö̧jinobe, ja̧danö jo̧ba Acas inesö la'aka luwo̧ ö̧jemi ja'ötjö, siria niji la'aka luwo̧ Rezin mikwo̧bi, israel niji la'aka luwo̧ Peka mikwo̧bi tjömöayedö ölakwabikwawa jojodökwö Jerusalen comunidadbe tjichibinobe, Jerusalennö ju̧kwadönö tjujuluwobö. Jo̧kwaijayonö, tjujuluwobö jö̧tja̧lima waekwinobe. Baikwö laebobe ja̧ baledina jawama:

Isaías 7:4

Acaznö badekwajo̧, yökawonö: –Teada̧lönö ja̧nö, yebabökönui. Kwomajadenö tjö̧bawökönö, idö juluwöködö la'aka luwedönö yebabökönö kwö̧jo. Jau Acaz, jobadö siria niji la'aka luwo̧ Rezinbi, israel la'aka luwo̧ Pekabi jwiinö tjö̧dameakwijayonö, juluwöködö, sule ökwöla ubö̧'a, juluwanö tiibö̧'adanö ichejekwadö. Isabenö jobadöma ökwönö suli̧ tjöwaedotö jö̧ba̧lö omukwatö tjujunajabe,

Isaías 7:9

Jau Acaz, israel niji la'aka comunidadma, sule Samaria comunidadda, ja̧danö Samaria comunidad la'aka luwo̧ma, sule Peka mikwo̧da, jo̧kwajabetjö̧ jobadönö yekaboböma jwiobe Acaz. Jau Acaz, jobadönö yebabökönö, jwaikwöda ötjö Isabenö Jo̧ Diosnöda kwo̧'wo wana̧lö kwö̧jo, 'diinö kwö̧jakobetjö̧. Isabenö 'diinö kwö̧jaduwobö jo̧be Acaz, jo̧kwaijayonö ötjönö kwo̧'woduwi wana̧lökönö kwö̧jaduwitjö̧ma, 'diinö kwö̧jaduwö̧kakwedöja, –jö̧ba̧lö yökawo Acaznö, —jö̧ba̧lö weinobe Isaiasnö.