2 Reyes 15:12 - Dios Iwene

¹² Ajayinö Zacarias a'dömine Jehu israel la'aka luwo̧ baibenama, Isabenö Jo̧ma Jehunö yöbawö ujuninobe, —Ökwö kwitji̧mu tupadanö jojodöbi luwedö tjö̧jobö wetakwo̧sa, kwitji̧bi, kwö̧'dö̧bi, kwö̧'dö itji̧bi, kwö̧'dö̧ ö̧'döbi inesö la'aka luwedö batjibanö, la'aka luwo̧ iteakanö tjöbamatobö chiyakwo̧sa, —jö̧ba̧lö yöbawö ujuninobe Isabenö Jo̧ma. Ja̧danö, Isabenö Jo̧ yöawi̧ badekwachinö, baledinobe.

2 Reyes 15:12 ပူးပေါင်းရင်းမြစ်များ

2 Reyes 10:10

Isabenö baikwö yötawaduwakwö, bi̧ya baledaja̧ edö, kwöwaisaduwobö jo̧be, okobe jwiinö Isabenö Jo̧ yöawina, Acab ömöledönö baledakwa̧ jawa Isabenö Jo̧ yöawinama, isabenö okobe jwiinö badekwachakobe. Jau, yöawina jawa, iteda ömöayo̧ Eliasnötjö yöawina jawatjö, bakwöta jawabi waekwökönö, okobe jwiinö badekwachakobe, —jö̧ba̧lö yöa̧linobe Jehuma.

2 Reyes 10:30

Isabenö Jo̧ weina a̧ja̧kwö, okobe deinö Acabmine ömöledönö söbebö loinobe, ja̧danö ja̧ weina a̧ja̧kwiökwe, Jehunö yöawinobe Isabenö Jo̧ma: —Wetina a̧ja̧kwö, otiwanö chösödi̧danö okobe deinö Acab ömöledönö söbebö loköbajabe, chomajadenö jo̧banö baledakwa̧ omukwatö chujuninadanö badekwachinö. Ja̧danö, ja̧ wetina kwa̧ja̧kwinobetjö̧, isabenö otiwanö pjatatakwo̧sa ökwönö, ja̧danö la'aka luwo̧ kwö̧jinemi, ökwö kwitji̧mu tupadanö jojodöbi luwedö tjö̧jobö wetakwo̧sa, kwitji̧bi, kwö̧'dö̧bi, kwö̧'dö itji̧bi, kwö̧'dö̧ ö̧'döbi inesö la'aka luwedö batjibanö, la'aka luwo̧ iteakanö tjöbamatobö chiyakwo̧sa, —jö̧ba̧lö yöbawö ujuninobe Isabenö Jo̧ma.

2 Reyes 13:1

Juda la'aka luwo̧ Joas öjayi, ida̧ökö veintitres o̧biya baledibanö webö ö̧jenama, Jehu itji̧ Joacaz mikwo̧ma Israel la'aka luwo̧ baibinobe, ja̧danö diecisiete o̧biya baledibanö, Samaria comunidadnö ja̧nö webö ö̧jinobe.

2 Reyes 13:10

Juda la'aka luwo̧ Joas öjayi, ida̧ökö treinta y siete o̧biya baledibanö webö ö̧jenama, Joacaz itji̧ Yoas mikwo̧ma Israel la'aka luwo̧ baibinobe, ja̧danö dieciseis o̧biya baledibanö, Samaria comunidadnö ja̧nö webö ö̧jinobe.

2 Reyes 13:13

Ja̧danö, Yoasma ö'wö baibinobe, ja̧danö webö ö̧jinemi, itji̧ Jeroboanma Yoas iteaka la'aka luwo̧ ö̧bakanö öbamatinobe. Ja̧danö, Samaria comunidadtjö, ju'wedö israel la'aka luwedönö o̧tjawemi, Yoasnö tjo̧tjinobe.

2 Reyes 14:29

Ja̧danö, Jeroboanma ö'wö baibinobe, ja̧danö a'dödö ajayinö israel la'aka luwedöbinadökwö tjo̧tjinobe. Ja̧danö, Jeroboan webö ö̧jinemi, itji̧ Zacariasma israel la'aka luwo̧ baibinobe.

2 Reyes 15:11

Jobekwö ja'yubenö laebobe Zacarias Israel la'aka luwo̧ ö̧jina jawa. Ju'wibi ja̧bö ö̧jinobe Zacariasma, ja̧danö ja̧ ja̧bö ö̧jina jawama, Israel la'aka luwedö tjö̧jina'ye mikwa'yenö laebobe.

Marcos 13:31

Isabenö, mölejȩbi böjȩbi 'dö̧ibajijayonö ötjö chiwenema la'akatjöda 'dö̧ibajökakwa̧— jö̧ba̧lö yöbawijetö Jesúsma öba̧ja̧di̧ waisachadönö.

Juan 10:35

Ja̧danö, Diosma jweinöda yöbawo̧. Jweinöda yöawinobe, Ökwödöma ötjö jojodö tjuluwedö chö̧ji̧danö ja̧döja, ökwödöbi jojodö tjuluwedö ja̧dököbaduwobetjö̧, jö̧ba̧lö. Jo̧kwaobetjö̧ jejenö Dios iwenetjö laebitjö̧ma, Ökwödöma Diosdanö ja̧döja, jö̧ba̧lö,

Juan 19:24

Jo̧kwaobetjö̧ idödada yötja̧linobe: —Bido̧ma dikȩ'eboko. Inawiya ikwawö dalewo bido̧ emakwo̧nö döwaiso— yötja̧linobe. Jejenö yötja̧linama, Dios iwene laebi̧danö badekwachinö yötja̧linobe. Damötjö baikwö tjiwȩyudinobe: Jobadöma ötjö chökamisi tjemobö tjiyabikwawakwedö. Ja̧danö ötjö chökamisi emakwo̧nö tjöwaisobö inawiya ikwawö tjalewakwedö, jö̧ba̧lö laebobe Dios iwenema, damötjö tjiwȩyudinama.

Hechos 1:16

—Chömöledö, damötjö da'dömine Davidma, iteda o̧'wo̧ luwo̧ okwanö Dios O̧'wo̧ Luwo̧ öba̧ja̧da̧lonö yöbawö wȩyudijetö Judasnöma, Jesúsnö do̧batö tje'ewotö jö̧ba̧ladönö öbibö i̧'yakwo̧nöma. Damötjö jejenö laebijetö Dios iwenetjö, Davidmine iwȩyudinama. Ja̧ wene isabenö badekwachinobe, Judas sulabenö iyö loawa wene— yöbawijetö Pedroma—.

1 Samuel 3:19

Ja̧danö, jemi tupakwö Samuelma otiwanö ö̧da̧peachinobe, ja̧danö Isabenö Jo̧ma isabenö Samuelkwö ö̧jinobe. Ja̧danö Diosma isabenö pjaatinobe, okobe jwiinö Samuel yöawi̧danö badekwachinö baledobö, Samuel tupakwö baledakwa̧ jawa yöawi̧ma.