2 Reyes 14:23 - Dios Iwene

²³ Juda la'aka luwo̧ Amazias ö̧jayi, quince o̧biya baledibanö ida̧ökö webö ö̧jenama, Israel la'aka luwo̧ Yoas itji̧ Jeroboan mikwo̧ma israel la'aka luwo̧ baibinobe, ja̧danö cuarenta y un o̧biya baledibanö, Samaria comunidadnö ja̧nö webö ö̧jinobe.

2 Reyes 14:23 ပူးပေါင်းရင်းမြစ်များ

2 Reyes 10:30

Isabenö Jo̧ weina a̧ja̧kwö, okobe deinö Acabmine ömöledönö söbebö loinobe, ja̧danö ja̧ weina a̧ja̧kwiökwe, Jehunö yöawinobe Isabenö Jo̧ma: —Wetina a̧ja̧kwö, otiwanö chösödi̧danö okobe deinö Acab ömöledönö söbebö loköbajabe, chomajadenö jo̧banö baledakwa̧ omukwatö chujuninadanö badekwachinö. Ja̧danö, ja̧ wetina kwa̧ja̧kwinobetjö̧, isabenö otiwanö pjatatakwo̧sa ökwönö, ja̧danö la'aka luwo̧ kwö̧jinemi, ökwö kwitji̧mu tupadanö jojodöbi luwedö tjö̧jobö wetakwo̧sa, kwitji̧bi, kwö̧'dö̧bi, kwö̧'dö itji̧bi, kwö̧'dö̧ ö̧'döbi inesö la'aka luwedö batjibanö, la'aka luwo̧ iteakanö tjöbamatobö chiyakwo̧sa, —jö̧ba̧lö yöbawö ujuninobe Isabenö Jo̧ma.

2 Reyes 13:13

Ja̧danö, Yoasma ö'wö baibinobe, ja̧danö webö ö̧jinemi, itji̧ Jeroboanma Yoas iteaka la'aka luwo̧ ö̧bakanö öbamatinobe. Ja̧danö, Samaria comunidadtjö, ju'wedö israel la'aka luwedönö o̧tjawemi, Yoasnö tjo̧tjinobe.

2 Reyes 14:1

Joacas itji̧ Yoas Israel la'aka luwo̧ ö̧jayi, ida̧ökö dötölataja o̧biya baledibanö webö ö̧jenama, Juda la'aka luwo̧ Joas itji̧ Amasias mikwo̧ma, Juda la'aka luwo̧ baibinobe.

2 Reyes 14:15

Jobekwö ja'yubenö laebobe Yoas la'aka luwo̧ ö̧jina jawama. Ju'wibi nöinö ja̧bö ö̧jinobe Yoasma, ja̧danö ja̧ ja̧bö ö̧jina jawabi, ujulu i̧sȩbina jawabi, Juda la'aka luwo̧ Amasiaskwö ölakwabikwawina jawabi, jele'yenö laebobe, Israel la'aka luwedö tjö̧jina'ye mikwa'yenö laebobe.

2 Reyes 14:16

Ja̧danö, Yoasma ö'wö baibinobe, ja̧danö Samaria comunidadtjö, ju'wedö israel la'aka luwedönö o̧tja̧jitjena, Yoasnö tjo̧tjinobe. Ja̧danö Yoas webö ö̧jinemi, itji̧ Jeroboanma Israel la'aka luwo̧ baibinobe.

2 Reyes 14:22

Ja̧danö, abe'do Amasias ö'wö baibaja̧ ikenama, ajayi Juda niji comunidad jinemi Elat yemidanö Juda niji comunidad baibanö eminobe, ja̧danö yemidanö ja̧ comunidad otidinobe Uziasma.

2 Reyes 14:24

Isabenö Jo̧ öba a'otjö sulabenö ja̧bö ö̧jinobe Jeroboanma, ajayinö ji̧na Jeroboan o̧'wo jawa otidinawö̧nö kabatibökönö. Ajayinö ji̧na Jeroboanma sulabenö o̧'wo jawa otidajo̧, israel jojodö otidajawö̧nö tjösödobö weinobe, ja̧danö Yoas itji̧ Jeroboanma, jwaikwöda ajayinö ji̧na Jeroboan otidinawö̧nö sulabenö ösödö ö̧jinobe.

2 Reyes 14:27

Israel jojodönö lȩebakwa̧ yöawinajayonö, bakobe ji̧badönö deinö söbebö lotakwo̧sa jö̧ba̧löma yöawinokobe Isabenö Jo̧ma, jo̧kwajabetjö̧ jo̧ba öba a'otjö israel jojodö ina tjö̧jakobetjö̧, Yoas itji̧ Jeroboannö pjaatinobe, israelsaso juluwachibanö webö ö̧jobö.

2 Reyes 15:1

Israel la'aka luwo̧ Jeroboan ö̧jayi, veintisiete o̧biya baledibanö ida̧ökö webö ö̧jenama, Juda la'aka luwo̧ Amasias itji̧ Uziasma Juda la'aka luwo̧ baibinobe.

1 Crónicas 5:17

Jobekwö laebobe Gadsaso jojodö tjimibiya wȩyukwa'yema, ja̧danö ja̧ wȩyukwa'yema, Juda niji inesö la'aka luwo̧ Jotam mikwo̧ webö ö̧jena, ja̧danö Israel niji inesö la'aka luwo̧ Jeroboan mikwo̧ webö ö̧jena tji̧wȩyudinobe.