2 Reyes 14:19 - Dios Iwene

¹⁹ Amasias ö'wö baibina wene baikwö laebobe: Amasias ömöayedö Jerusalennö ju̧kwadötjö ju'wedö jo̧banö kwabö lotjobö omukwatö tjujuninobe, ja̧danö jo̧banö kwabö lotjakwa̧ öwaisachibajo̧, Laquis comunidadbe döibajinobe Amasiasma. Jo̧kwaijayonö, ju'wedönö wetjinobe, Amasiasnö lubö, Laquis comunidadbe tji̧'yobö, ja̧danö Laquis comunidadtjö Amasiasnö kwabö lotjinobe.

2 Reyes 14:19 ပူးပေါင်းရင်းမြစ်များ

2 Reyes 14:18

Jobekwö ja'yubenö laebobe Amasias ö̧jina jawama. Ju'wibi nöinö ja̧bö ö̧jinobe Amasiasma, ja̧danö okobe jwiinö ja̧ Amasias ja̧bö ö̧jina jawama, Juda jojodö la'aka tjuluwedö tjö̧jina wȩyukwa'ye mikwa'yenö laebobe.

2 Reyes 14:20

Ikenama, Amasiasnö kwabö lobajadö, iteba'o kabayu oma'anö tjichejebinobe Jerusalen comunidadbe, ja̧danö jobe Amasiasnö tjo̧tjinobe a'dödökwö, a'dö David itebo comunidad ötjabena.

2 Reyes 15:10

Ja̧danö, Jabes itji̧ Salum mikwo̧ma omukwatö ujuninobe, uluwo̧ Zacariasnö kwabö loobö, ja̧danö Ibleam comunidadtjö jo̧banö kwabö loinobe, ja̧danö Zacarias webö ö̧jinemi, Salumda israel la'aka luwo̧ baibinobe.

2 Reyes 15:14

Jawo̧ bakwo̧da baledaja̧ ikena, Gadi itji̧ Manahem mikwo̧ma, Tirsa comunidadtjö ichibö, Salumnö kwabö loinobe Samaria comunidadtjö, ja̧danö Salumnö kwabö lobajo̧, Manahemda israel la'aka luwo̧ baibinobe.

2 Reyes 15:25

Ja̧danö, dötölataja o̧biya baledibanö webö ö̧jemi ja'ötjö, ömöayo̧ ölakwabikwawadötjö luwo̧ Pekamikwo̧bi, ju'wedö ömöayedö Galaad jojodötjö cincuentabedöbi omukwatö tjujuninobe, tjuluwo̧ Pekaianö kwabö lotjobö. Ja̧danö, omukwatö tjujunaja̧danö, Pekaia Samaria comunidadnö iteda eju 'diinö tjöekwobe ö̧jemi ja'ötjö, tjuluwo̧ Pekaianö kwabö lotjinobe. Jobekwö iteda uluwo̧nö kwabö loinobe Pekama, ja̧danö uluwo̧nö kwabö lobajo̧, webö ö̧jinemi Pekada israel la'aka luwo̧ baibinobe.

2 Reyes 15:30

Jemi ikenama Ela itji̧ Oseas mikwo̧ma omukwatö ujuninobe, uluwo̧ Pekanö kwabö loobö, ja̧danö omukwatö junajo̧, uluwo̧bajo̧ Pekanö kwabö loinobe, ja̧danö Peka webö ö̧jinemi, Oseasda Israel la'aka luwo̧ baibinobe. Ja̧ baledina mölema, Juda la'aka luwo̧ Uzias itji̧ Jotam mikwo̧ webö ö̧jonö baledinobe, Jotamma ida̧ökö veinte o̧biya baledibanö webö ö̧jenama.

2 Reyes 18:14

Jobekwö ölakwabikwawö ichiökwe, Juda la'aka luwo̧ Ezequiasma yöa̧li̧ weinobe Laquis comunidadnö jo̧ Asiria la'aka luwo̧nö, —Chuluwo̧, weköbi̧ katatibobö jö̧ta̧linama, sulabenö chomukwatijatö. Babema chomukwati̧ balewachö, weköbi̧ cha̧ja̧kwakwo̧sa, jo̧kwajabetjö̧ ötjökwö kwölakwabikwawi̧ kakatibobö atebakwö. Ja̧danö, sulabenö ja̧tina mikwa baibanö ökwönö chimidobö weköbi̧ma, weköbi̧danö isabenö ja̧takwo̧sa, —jö̧ba̧lö yöa̧li̧ weinobe Ezequiasma. Yöa̧liökwe, Asiria la'aka luwo̧ma weinobe Juda la'aka luwo̧ Ezequiasnö, plata jawa nueve mil kilo jenanö imidobö, ja̧danö oro jawa nuevecientos kilo jenanö imidobö.

2 Reyes 18:17

Jo̧kwaijayonö, jobekwö iyajayonö, yayonö Asiria la'aka luwo̧ma iteda ömöayedönö, ölakwabikwawadötjö la'aka luwo̧nöbi, eju teada̧ladötjö la'aka luwo̧nöbi, yöawi̧ la'aka yöbawo̧nöbi weinobe, ba̧jȩkwadö ölakwabikwawadönö öbibö, Jerusalenbe 'yanö Ezequiaskwö yötja̧lakwawobö. Ja̧danö, Jerusalenbe ichibajadö, kamisi dichawemibe 'ya̧kwawama mananö tjöjamatinobe, möakwö ojwese'dotjö i̧sa̧la sotjinemi bajale ö'öbö.

2 Reyes 21:23

Ja̧danö, Amon ömöayedöma tjuluwo̧nö kwabö lotjakwa̧ omukwatö tjujuninobe, ja̧danö iteda ejunö ö̧jonö, la'aka luwo̧ Amonnö kwabö lotjinobe.

2 Reyes 9:27

Juda niji la'aka luwo̧ Ocoziasma ja̧ baledobe edinobe, ja̧danö edajo̧, iteda iteakanö döibajinobe, Bet-hagan comunidad jo̧bekwö. Ja̧danö jo̧banöbi luinobe Jehuma, ja̧danö ömöayedönö weinobe, —Ocoziasnöbi 'böbaduwinö, —jö̧ba̧lö. Ja̧danö, iteaka kolukanö a̧jonö Ocoziasnö 'bötjinobe, Ibleam comunidad pjeanö, nöchawemi Gur ötjabemi nöchawemi ja'ötjö. 'Bötjökwe, tupakwö döibajinobe, Meguido comunidadbe, ja̧danö jobe Meguido comunidadtjö ö'wö baibinobe Ocoziasma.

Josué 10:3

Jo̧kwajabetjö̧, Jerusalen comunidad la'aka luwo̧ Adonisedecma yöbawadönö weinobe ju'wedö amorreo la'aka luwedönö yötjawobö, Hebron comunidad la'aka luwo̧ Hoham mikwo̧nöbi, Jarmut comunidad la'aka luwo̧ Piream mikwo̧nöbi, Laquis comunidad la'aka luwo̧ Jafia mikwo̧nöbi, Eglon comunidad la'aka luwo̧ Debir mikwo̧nöbi yötjawobö, baikwö:

Josué 10:31

Ikenama, Libnatjö labebö, tupakwö Laquis comunidadbe i̧'yinobe Josuema, israel ölakwabikwawa jojodökwö, ja̧danö Laquisbe ichibö, comunidad tjösawö tjölakwabikwawinobe.

Josué 15:39

Laquis comunidadbi, Boscat comunidadbi, Eglón comunidadbi,