2 Reyes 13:25 - Dios Iwene

²⁵ Jemi ikenama, Joacaz itji̧ Yoasma Siria la'aka luwo̧ Ben Adadkwö ölakwabikwawö ujuluwinobe. Ajayinö Ben Adad abe'do Hazael Yoas abedo Joacazkwö ölakwabikwawinenama, jo̧batjö 'döebinobe israel niji comunidadbiyama, ja̧danö ja̧ 'döebinemi comunidadbiyama yemidanö 'döebinobe Yoasma, yemidanö israel niji comunidadbiya baibanö. Wapötakwanö Ben Adadkwö ölakwabikwawö ujuluwinobe Yoasma, ja̧danö jobekwö itebo comunidadbiya tjebatö, yemidanö israel niji comunidad baibanö eminobe.

2 Reyes 13:25 ပူးပေါင်းရင်းမြစ်များ

1 Reyes 20:29

Ja̧danö, jelemutjö bakwöta möle baledibanö, badekwakwawanö ölakwabikwawökönö tjö̧jinobe, israel ölakwabikwawa jojodöbi, siria ölakwabikwawa jojodöbi. Jadanö, jelemutjö dötölataja mölema, jamatö tjölakwabikwawinobe, ja̧danö israel jojodöma siria jojodönö tjujuluwinobe. Jwiinö tjujuluwinobe siria jojodönö, bakwöta möle, siria jojodötjö tjömasapiyanö kwebachö ölakwabikwawa jojodönö cien milbedönö kwabawö lotjinobe.

2 Reyes 10:32

Ja̧danö, jobekwö a̧ja̧kwökönö ö̧jiökwe, israel jojodönö lȩebinobe Isabenö Jo̧ma. Ja̧ möle jenanö, Siria la'aka luwo̧ Hazael israel jojodönö ujuluwobö iyinobe, israel nijitjö jelobebi, jelobebi 'döebenanö baibanö. Jobekwö israel niji ja'yuwachibanö weinobe. Ja̧ Hazael 'döebenemima, baikwö laeobe:

2 Reyes 10:33

Jordan ojwetjö jawo̧ laebobekwöchobe niji 'döebinobe, Gadsaso jojodö tjitebo nijibi, Rubensaso jojodö tjitebo nijibi, Manasessaso jojodö tjitebo nijibi. Dios wei̧ a̧ja̧kwökönö tjö̧jiökwe, Arnon wabeko ö'öbö jȩmi comunidad Aroertjö, Galaad nijibe, ja̧danö Basan nijibe baibanö, Hazaelma juluwajo̧ 'döebobö weinobe.

2 Reyes 13:24

Siria la'aka luwo̧ Hazael ö'wö baibaja̧ ikenama, webö ö̧jinemi itji̧ Ben Adadma Siria la'aka luwo̧ baibinobe.

2 Reyes 13:3

Jobekwö sulabenö ja̧tjiökwe, Israel jojodönö ödameakwinobe Isabenö Jo̧ma, ja̧danö jobadönö ödameakwobetjö̧, Siria la'aka luwedö Hazael mikwo̧bi, Hazael itji̧ Ben Adad mikwo̧bi yemidanö yemidanö jobadönö tjujuluwobö weinobe.

2 Reyes 13:5

Jo̧kwajabetjö̧, pjabato̧nö weinobe Isabenö Jo̧ma, israel jojodö tjö̧jibinö pjaatobö, ja̧danö Siria jojodö tjujulutjö ji̧bajadö, yemidanö idöda tjejubiyanö otiwanö tjö̧jinobe israel jojodöma.

2 Reyes 14:25

Isabenö Jo̧, Israel jojodö tjösödökwe Dios yöawi̧ yöbawo̧ Gat-hefer comunidad jojo Jonasma yöawinobe, —Diosma pjaatakobe, israel niji 'dötjebinemi nijitjö, yemidanö israel niji baibanö tjemobö, —jö̧ba̧lö. Ja̧danö, ja̧ Jonas yöawina badekwachinö, ja̧ 'dötebinemi niji yemidanö ujuluwinobe Jeroboanma, Lebo-hamat comunidadtjö, Mar Muerto jwaibalawabe ichibanö, ja̧danö ja̧ nijima yemidanö Israel niji baibinobe.