2 Reyes 13:23 - Dios Iwene

²³ Jo̧kwaijayonö, Isabenö Jo̧ma lȩlöjinö edinobe Israel jojodönö, ja̧danö lȩlöjinö edö, otiwanö pjaatinobe. Ajayinö Abrahamnöbi, Isaacnöbi, Jacobnöbi yöbawö ujunina wene omukwatö, öba a'otjö israel jojodö sulabenö ja̧bö tjö̧jijayonö, jobadönö bakobe söbebö loobö öpöjödinobe Isabenö Jo̧ma, ja̧danö babe mölebi baibanö, ina öba a'otjö a'dewö lobö̧kö̧ israel jojodönö.

2 Reyes 13:23 ပူးပေါင်းရင်းမြစ်များ

Génesis 6:3

Ikenama Isabenö Jo̧ma jö̧ba̧lijetö: —Bidö jojodönö ötjö Cho̧'wo̧ Luwo̧ma ba̧kwȩlö̧jatebö itea'da̧lokobe woba jojodödatjobetjö̧. Tjo̧wi̧, babema lekwe tjö̧joböma wetökakobe, sule cientoveinte a̧yo jenanö tjö̧jobö wetocha— jö̧ba̧lijetö Isabenö Jo̧ma.

1 Reyes 8:28

Jo̧kwaijayonö bejunöda kwö̧jököjayonö, yayonö ötjö kwömöayo̧ atebi̧ kwa̧ja̧kwobö atebakwö. Jau chuluwo̧, kwömöayo̧sa ötjöma, ja̧danö beju ökwö kweju badeibö ja̧nö, ökwönö budekwö atebakwö, jadanö atebi̧ a̧ja̧kwö pjakatobö atebakwö chuluwo̧.

2 Reyes 13:24

Siria la'aka luwo̧ Hazael ö'wö baibaja̧ ikenama, webö ö̧jinemi itji̧ Ben Adadma Siria la'aka luwo̧ baibinobe.

2 Reyes 13:4

Jobekwö nöinö balediökwe, bajaliyanö Isabenö Jo̧nö aebinobe Joacazma, lȩlöjinö edobö, ja̧danö aebiökwe, a̧ja̧kwö pjaatinobe Isabenö Jo̧ma. Jau, Isabenö Jo̧ma edö öwaisinobe israel jojodö usula tjemawi̧ma, —Siria luwedöma labinö israel jojodönö usula tjemawinö webadötö, —jö̧ba̧lö.

2 Reyes 14:26

Israel jojodö sulabenö ja̧bö tjö̧jijayonö, ina jobadönö lȩlöjinö edö, jobekwö pjaatinobe. Isabenö Jo̧ma israel jojodö usula tjemawobe edinobe, —Tjöpöjojojodö jwiinö tjujuluwiawö̧, okobe deinö tjömöayedöbi, tjömöayedöböködöbi bakobe usula emawadötö, ja̧danö bakwo̧bi jobadönö pjabato̧ma deobetö, —jö̧ba̧lö edinobe, ja̧danö lȩlöjinö edö pjaatinobe.

2 Reyes 14:27

Israel jojodönö lȩebakwa̧ yöawinajayonö, bakobe ji̧badönö deinö söbebö lotakwo̧sa jö̧ba̧löma yöawinokobe Isabenö Jo̧ma, jo̧kwajabetjö̧ jo̧ba öba a'otjö israel jojodö ina tjö̧jakobetjö̧, Yoas itji̧ Jeroboannö pjaatinobe, israelsaso juluwachibanö webö ö̧jobö.

2 Reyes 17:18

Ja̧danö jobekwö sulabenö ja̧tjiökwe, jwiinö jobadönö ödameakwinobe Isabenö Jo̧ma, ja̧danö ö̧jelö labebö loinobe, ja̧danö israel jojodötjö sule Juda jojodöda ina tjitebo nijinö tjö̧jinobe.

2 Reyes 17:20

Ja̧danö jobekwö sulabenö ja̧tjiökwe, okobe deinö Israel itji̧mu tupadanö jojodönö kaatibinobe Isabenö Jo̧ma, ja̧danö jobadönö iyö loinobe, tjöpöjojodö 'dölanö ichadö jobadönö tjujuluwobö, bakobe okobe deinö israel jojodönö iteda ö̧jelö a'dewö loenanö baibanö.

2 Reyes 17:23

bajaliyanö Isabenö Jo̧ma iteda ö̧jelö israel jojodönö a'dewö loenanö baibanö. Ja̧ a'dewö loinama, ajayinö Isabenö Jo̧ yöawinadanö badekwachinobe. Isabenö Jo̧ yöawi̧ yöbawadöma yötjawinobe, a̧jakwökönö tjö̧jitjö̧ma Dios a'dewö loakwa̧ wenema, ja̧danö yöawinadanö Israel jojodönö idöda tjitebotjö a'dewö loinobe, ja̧danö babe mölebi baibanö, ina Asiria nijinö tju̧ju̧kwobe.

2 Reyes 24:20

Juda jojodö sulabenö ja̧bö tjö̧jiökwe, jobadönö ödameakwinobe Isabenö Jo̧ma. Ja̧danö, lekwe möle sulabenö ja̧bö tjö̧jonö, o̧'wo 'dibachibö iteada̧linobe, jo̧kwaijayonö bajaliyanö jobadönö lȩebakwa̧ möle badekwachinobe, ö̧jelö a'dewö loakwa̧ mölema. Ja̧danö, ja̧ lȩebakwa̧ möle badekwachenama, Juda la'aka luwo̧ Sedequiasma Babilonia la'aka luwo̧ wei̧ a̧ja̧kwökönö, ömöayo̧ ö̧ji̧ kaatibinobe.

Éxodo 33:19

aebiökwe: —Moisés, kwöba a'otjö chöbaledocha ötjö jwiinö chotiwi̧ma kwedobö. Ja̧danö, baledö ötjö chimi jweinö jwöbebö yöta̧locha ökwönöma, Isabenö Jo̧ mikwawo̧sa, jö̧ba̧lö. Ja̧danö, ötjöma dösölö̧jinö edö pjatatökwenö dösölö̧jinö edö pjatatakwo̧sa, ja̧danö lȩlö̧jinö edö pjatatökwenö lȩlö̧jinö edö pjatatakwo̧sa.

Mateo 25:41

Jemi ikenama wajwitobekwöchobe ju̧kwadönö yötawocha: Ökwödö sulabedöma chö̧jelö labebaduwi. Dios Awetjanöbi, iteda ömöayedönöbi lȩebobö Dios otidö ujuninola ökwöla nöolabe 'ya̧duwi, jobetjö Dios lȩebi̧tjö kwemaduwo jö̧ba̧lö.

Deuteronomio 32:36

Jau chömöledö, Isabenö Jo̧ma iteda ömöledö israel jojodönö isabenö lȩebakobe, tjujulu jwitjenanö baibanö. Jemi ikenama, israel jojodötjö ju'wedö tjömöayedöbi, tjömöayedöböködöbi sule o̧bukwedöda tjö̧jibenama, jobadö iteda ömöayedö israel jojodönö lȩlöinö edakobe Isabenö Jo̧ma.

2 Tesalonicenses 1:9

Jobadönö söbebö loakwo̧, Dios lȩebi̧tjö kabatökönö tjemawinö, ja̧danö Duluwo̧ ö̧jelötjö, ja̧danö jo̧ba dejatinö ujulutjö ba̧kwȩlö̧jatebö 'da̧bachibö tjö̧jakwedö.

Jueces 10:16

Ja̧danö, israel jojodöma ju'wedö tjösödawö̧ o̧'wo jawa tjujuna̧lawö̧nö tjö̧'da̧detjö ikwö lotjinobe, ja̧danö jobadönö kabatibö, tjebachajö Isabenö Jo̧nö tjösödinobe. Ja̧danö, Isabenö Jo̧ma israel jojodö usula tjemawi̧ edö, jobadönö o̧'wo tjo̧achinobe, Tjo̧wita, jobadönö pjatatocha, jö̧ba̧lö.