2 Reyes 13:14 - Dios Iwene

¹⁴ Eliseoma jwiinö 'dö̧achinobe, ja̧danö ja̧ 'dö̧achi̧tjö ö'wö baibo jö̧a̧linobe. Jobekwö ö'wöchiökwe, Israel la'aka luwo̧ Yoasma jo̧banö edö i̧'yinobe, ja̧danö öba a'o ubudekwinobe, —Chabe'do Eliseowe, israel jojodötjö kolukiyanö ölakwabikwawadödanö, ja̧danö kabayudönö wanö ölakwabikwawadödanö juluwajibo̧we, —jö̧ba̧lö.

2 Reyes 13:14 ပူးပေါင်းရင်းမြစ်များ

Génesis 48:1

Ju'wi möle, Joséma abe'donö, weköbi̧ isabenö ja̧tocha, jö̧ba̧lö, yöawinemitjö tupakwö bakwo̧ma yöbawijetö Josénö: —¡Chuluwo̧! kwabe'doma jwiinö ö'wöcha!— yöbawijetö. Jejenö yöawökwe i̧tji̧mu Manasésnö, Efraínnö öbibö 'yi̧jetö abe'do ö̧jobekwö.

Génesis 49:33

Ikenama jobadönö yöbawö kabatö kamapjonö kwabibö ö'wö babibijetö Jacobma.

Génesis 50:1

Ja̧danö, Joséma abe'do ö'wö baibajabetjö̧ iökwe jwiinö o̧'wo̧ tjo̧bekwö, budekwö abe'do ö'wö babibajo̧nö wo̧ba̧lö du̧batijetö.

2 Reyes 13:12

Jobekwö ja'yubenö laebobe Yoas la'aka luwo̧ ö̧jina jawama. Ju'wibi nöinö otidö ö̧jinobe, ja̧danö ja̧ otidö ö̧jina jawabi, ujulu i̧sȩbö, Juda la'aka luwo̧ Amasiaskwö ölakwabikwawina jawabi, jele'yenö laebobe, Israel la'aka luwedö tjö̧jina'ye mikwa'yenö laebobe.

2 Reyes 13:13

Ja̧danö, Yoasma ö'wö baibinobe, ja̧danö webö ö̧jinemi, itji̧ Jeroboanma Yoas iteaka la'aka luwo̧ ö̧bakanö öbamatinobe. Ja̧danö, Samaria comunidadtjö, ju'wedö israel la'aka luwedönö o̧tjawemi, Yoasnö tjo̧tjinobe.

2 Reyes 13:15

Öba a'o ichibiökwe, Eliseoma Yoasnö weinobe, —'Böpöbi, nayunubi emajo̧ ichejebi, —jö̧ba̧lö. Weökwe, 'böpöbi, nayunubi eminobe Yoasma.

2 Reyes 2:12

Ja̧ baledi̧ edinobe Eliseoma, ja̧danö edö jwöeba̧linobe, —Chabe'do Elias, chabe'do. Ökwö Israel niji ju̧kwadötjö inesö tjöbeba̧lö pjabato̧nö Dios emajabe!—jö̧ba̧lö. Ja̧danö, Eliseo ö̧jelö debi baibinobe Eliasma, edökenanö. Jobekwö edajo̧, o̧'wo tjo̧achö iteda ökamiji̧do̧ kȩ'ekwö loinobe, dö̧do̧lataja baibanö.

2 Reyes 20:1

Ja̧ möle jenanö, la'aka luwo̧ Ezequiasma jwiinö 'dö̧achinobe, ö'wö baibo jö̧a̧lenanö. Ja̧danö, Dios yöawi̧ yöbawo̧ Isaiasma ichibö yöawinobe, —Baikwö yöawobe Isabenö Jo̧ma ökwönö, –Juluwanö ö'wö bakibakwo̧ja, bi̧ya kwö'wöchi̧tjö kwö̧bibajökakwo̧ja, jo̧kwajabetjö̧ ö'wö bakibaja̧ ikena jawa webö yökawo kwömöledönö, —jö̧ba̧lö yöawinobe Isaiasma.

2 Reyes 6:21

Ja̧danö, Israel la'aka luwo̧ jobadönö edenama, Eliseonö abebö a̧ja̧kwinobe, —Chabe'do Eliseo, bidönö kwabö lotakwa̧ji̧? Babeda jobadönö kwabö lotakwaji̧? —jö̧ba̧lö.

Proverbios 11:11

Ja̧danö, ju'wibi yötawa: Diosma jweinöda yöba̧lö ju̧kwadönö ösödö pjaatobetjö̧ jobadö tjiteboma otiwanö jo̧be. Jo̧bekwö jokobe sulabenö omukwatadö tjiteboma. Sulabenö omukwatadö tjiteboma sulamachibobe, jobadöma jwiinö sulabenöda yöba̧lö tjö̧jobetjö̧.

Isaías 57:1

Dios wei̧ a̧ja̧kwö jo̧ma, ö'wö babibo̧, ja̧danö ö'wö baibiawö̧, jo̧kwadanö tjedökwe. Ja̧danö jwaikwöda Diosnö ösödö ju̧kwadöma debö 'ya̧dö. Jobekwö baledi̧ edö, wajwibadö jojojodöma, tajawedö ö'wö babibadöjö, jö̧ba̧lö. Ja̧ baled̈i̧ baikwö labebö lobö yöta̧la chömöledö: Inesö ju'wedö usula tjemawakwa̧ tjöbaledapji jö̧ba̧lö, ju'wedö tju̧ju̧kwelö Dios emawö̧ chömöledö.

Marcos 6:20

Herodesma yebabinö edijetö Juannöma, Bite Juanma, jweinö omukwatö jo̧, otiwanö ja̧bö jo̧, jö̧ba̧lö. Jo̧kwaobetjö̧ webijökötö kwabö lotjobö. Ja̧danö Juan yöawi̧bi ösödijetö Herodesma. Jo̧kwaijayonö yöawi̧ a̧ja̧kwö ösödijayonö do̧batibijökötö, ¿tajijö?, jö̧ba̧lö.

Juan 11:3

Jo̧kwaiawö̧, Lázaro öpöodöma bakwo̧nö yöbawö i̧'yobö wetjinobe, jelobe, Jesús ö̧jobekwö, jo̧banö yöawobö, Duluwo̧ kwömöledöso̧ Lázaro, kwösödökwema nöinö ö'wöchobe, jö̧ba̧lö. Yöawobö wetjajökwema Jesús ö̧jobekwö 'ya̧jo̧ ichibö wetjaja̧danö yöawinobe.

Hechos 13:36

Chömöledö isabenö döwaisa, Davidminema, Dios wei̧ a̧ja̧kwö ömöledönö pjabatö webo̧ma wobijetö. Ja̧danö, wobajo̧nöma ödijadötö. Damötjö ödijadötö Davidminenöma. Jo̧bama okobe jwiinö damötjöda 'dolobijetö chömöledö. Ja̧ Dios iwenetjö laebi̧ma Davidminema itedadama wȩyudö yöawakwawijökötö.

Filipenses 2:26

Jo̧banö wetobö jö̧ta̧la chömöledö, nöinö ökwödönö edobö o̧'wo̧ tjo̧achobetjö̧. Jau chömöledö ökwödöma Epafrodito ö'wöchi̧ wene kwa̧ja̧kwinaduwobe, ja̧danö jejenö kwa̧ja̧kwaduwiökwe, Epafroditoma o̧'wo̧ tjo̧achobe, ja̧danö nöinö ökwödönö edobö ösödobe chömöledö, chömöledöma ötjönö tjo̧'wo̧ tjo̧achena jö̧ba̧lö.