2 Reyes 12:15 - Dios Iwene

¹⁵ Ja̧danö, ja̧ jawa otikwa luwedöma, otiwanö naukwökönö tjotidinobe. Jweinö tjotido jö̧tja̧li̧danö tjotidinobe ja̧ jawa otidadöma, jo̧kwajabetjö̧ jobadönö wetjinokobe, —Kwotidinaduwa wȩyukwöja kwi̧wȩyudaduwo, —jö̧ba̧lö, —Isabenö tjotido jö̧tja̧li̧danö otidadö, —jö̧ba̧lö tjöwaisobetjö̧. Jo̧kwajabetjö̧, balada iyöda tjiyinobe otikwa luwedönö, ja̧danö jobadöma otiwanö jweinö tjimidinobe tjotidakwedönö.

2 Reyes 12:15 ပူးပေါင်းရင်းမြစ်များ

2 Reyes 12:14

sule Isabenö Jo̧ eju 'yayi baibanö otikwa jawa balada baibanö, otikwa jojodönö tjimidinobe.

2 Reyes 22:7

Ja̧danö, jobadö otikwa luwedöma, jwaikwöda naukwökönö tjotido jö̧tja̧li̧danö otidadö, jo̧kwajabetjö̧ jobadönö balada iyijayonö, tjotidina 'dö̧tjȩkwina wȩyukwa'ye aebobö jwiena, —jö̧ba̧lö Hilciasnö yöa̧lobö weinobe Josiasma.

Mateo 24:45

Tupakwö yöawinobe Jesúsma öba̧ja̧di̧ waisachadönö: —Jau chömöledö, la'aka luwo̧ ömöayo̧ otiwanö iteda uluwo̧ wei̧ ja̧bö ö̧ji̧danö kwö̧jaduwo. Baikwö wanedö yötawa: Bakwo̧ la'aka luwo̧ma, jelobe i̧'yakwa̧ abönö iteda ömöayedötjö bakwo̧nö weinobe, iteda eju jawa ite'ada̧lobö, ja̧danö ju'wedö jo̧ba ömöayedönö te'ada̧lö, tju̧kwa kwakwawa tjukwo jö̧tja̧lena iyobö.

Lucas 16:1

Jesúsma iteda öba̧ja̧di̧ waisachadönö wanedö yöawinobe baikwö: —Bakwo̧ nöinö juna̧lo̧ ö̧jinobe, ja̧danö jo̧ba ömöayedötjö bakwo̧ uluwo̧ itea te'ada̧lakwawa luwo̧ ö̧jinobe. Ja̧danö, ju'wi möle jo̧banö yötja̧linobe uluwo̧nö: Kwömöayo̧ kwitea te'ada̧lakwawa luwo̧ma, otiwanö te'ada̧lö̧kö̧. 'Dö̧ekwobe kwitea baladama, jö̧ba̧lö.

2 Corintios 8:20

Jo̧kwajabetjö̧ te'ada̧lönö dotidobe chömöledö, bakwo̧bi ökwödönö bidöma tjiyina balada sulabenö otidadö jö̧ba̧lö yöba̧lo̧ma deakobetjö̧. Jau chömöledö, bemi niji tjö̧baji̧tenia ju̧kwadö Jesúsnö ösödadöma a̧'dȩlökönö otiwanö tjiyinobe, ja̧danö ökwödöma ja̧ iyawa luwedödanö dö̧jobe.

3 Juan 1:5

Chöjawo̧ chösödökwe Gayo, ökwöma Dios isabenö ji̧ yöawi̧ a̧ja̧kwö jo̧ja, dö̧ja̧wo̧dönö pjabatö, ökwö kwö̧jobekwö 'ya̧dönöma. Ja̧danö, jobadönö wajwiköbijayonö otiwanö pjakatinobe. Isabenö Gayo, jejenö pjakatena kwi̧sekwobe, Ötjöma Dios isabenö ji̧ yöawi̧ a̧ja̧kwö jo̧sa, jö̧ba̧lö.