2 Reyes 11:4 - Dios Iwene

⁴ Ja̧danö, Atalia ida̧ökö jelemutjö bakwöta o̧biya baledibanö webö jö̧jaja̧ ikena, jelemutjö döbalataja o̧ba baibenama, Diostjö jojodötjö ö'weje pjabato̧ Joiadama jwöinobe, inesö la'aka luwo̧nö teada̧lakwawa jojodö catiteos ötjabawö tjuluwedönöbi, ju'wedö inesö la'aka luwo̧ eju teada̧lakwawa jojodö tjuluwedönöbi, Dios ejube tjichobö. Ja̧danö, ichajadöma bakobe Joyadakwö otiwanö ja̧tjakwa̧ jawa omukwatö tjujuninbe, ja̧danö omukwatö junajadö jobe Isabenö Jo̧ Dios ejutjö yöbawö tjujunobö weinobe, —Isabenö omukwatö dujunaja̧danö otiwanö ja̧dakwedösa, —jö̧ba̧lö. Jemi ikenama, Ocozias itji̧ Joasnö i̧sebinobe jobadönö, —Inesö la'aka luwo̧ itji̧ma ina 'yaba̧lo̧, —jö̧ba̧lö.

2 Reyes 11:4 ပူးပေါင်းရင်းမြစ်များ

Génesis 50:25

Ikenama baikwö webijetö jobadö ömöledönö, Israel i̧tji̧munöma, yöbawö tjujunobö: —Diosma Canaán nijikwö kwȩwa̧jaduwobö öbibö ichitjö̧ma ötjö chowobiyakoma kwe'ewaduwo, jobeda kwödaduwo , jö̧ba̧lö yöba̧lö tjujunobö webijetö.

2 Samuel 20:23

La'aka luwo̧ David ömöayedötjö luwedöma bidö: Joabma okobe deinö israel jojodötjö ölakwabikwawa jojodö tjuluwo̧ ö̧jinobe. Ja̧danö, Joyada itji̧ Benaias mikwo̧ma, la'aka luwo̧nö tjöbeba̧lö teada̧ladö tjuluwo̧ ö̧jinobe.

2 Samuel 8:18

Joyada itji̧ Benaias mikwo̧ma, la'aka luwo̧nö tjöbeba̧lö teada̧ladö tjuluwo̧ ö̧jinobe. Ja̧danö David itji̧mubi, luwedö tjö̧jinobe.

1 Reyes 14:27

Jemi ikenama, ja̧ orotjö otikwa tjöekwapibiya emiökwe, Roboanma balekwapibiya broncetjö otidinobe, ja̧danö otidajo̧, ja̧ tjöekwapibiya, la'aka luwo̧ eju tjöbeba̧ladö tjuluwonö iyinobe, apjude teachakwawemi tjöbeba̧lö teada̧ladönöma.

1 Reyes 18:10

Kwuluwo̧ Isabenö Jo̧ Dios öba a'o ja̧nö, baikwö isabenö yötawakwö chuluwo̧, okobe deinö tjitebokwena jojodö ökwönö tjisakwobö weinobe chuluwo̧ Acabma, jadanö jelobetenia jojodöbi, la'aka luwedöbi, –Eliasma deobe baima, –jö̧ba̧lö yötja̧linobe. Tjitebokwena luwedö jobekwö yötja̧liökwe, chuluwo̧ Acabma jweinö yöbawö tjujunobö weinobe, –Eliasnö disakwijayonö, isabenö deobe ditebotjöma, isabenö jweinö yöbawa junadösa, omöna yöda̧lökö, –jö̧ba̧lö yöbawö tjujunobö weinobe.

2 Reyes 11:17

Ja̧danö, jemi ikenama Joyadama Isabenö Jo̧kwöbi, la'aka luwo̧ Joaskwöbi, jojodökwöbi bakobe yöbawö tjujunobö pjaatinobe, Isabenö Jo̧ ömöledö isabenö tjö̧jakwedö, jö̧ba̧lö. Ja̧danö, la'aka luwo̧ Joaskwöbi, Juda jojodökwöbi bakobe yöbawö tjujunobö pjaatinobe.

2 Reyes 11:19

Ikenama, ölakwabikwawadö tjuluwedönöbi, cariteo ötjabawö̧nöbi, teada̧lakwawa jojodönöbi, ju'wedö Juda niji jojodönöbi öibinobe Joyadama, ja̧danö inesö la'aka luwo̧ Joasnö tji'yȩjebinobe Isabenö Jo̧ ejutjö, iteda eju inesö la'aka luwo̧ ejube ichibanö. Joasnö öbibö, teada̧ladö tetjachade apjudebenö tetjatinobe Joasnö, ja̧danö inesö la'aka luwo̧ iteakanö öbamatinobe.

2 Reyes 11:3

Ja̧danö, ja̧ möle tupakwö, jelemutjö bakwöta o̧biya baledibanö Atalia webö jö̧jonö, Isabenö Jo̧ eju okwa ju̧kwawö ö̧jinobe Joasma öja'u Josabakwö.

2 Reyes 11:9

Ja̧danö, Joyada weaja̧danö ja̧tjinobe teada̧lakwawa luwedöma. Otikwökö möle tjötjeba̧lo jö̧ba̧ladöbi, ja̧ möle tjötjeba̧loko jö̧ba̧ladöbi tjömöayedönö öbibö ö'weje pjabato̧ Joyada ö̧jobekwö tjichibinobe.

2 Reyes 12:7

Jo̧kwaiökwe, la'aka luwo̧ Joasma ö'weje pjabato̧ Joyadanöbi, ju'wedö ö'weje pjabatadönöbi jwöinobe, ö̧jobekwö tjichobö, ja̧danö tjichibiökwe abebö a̧ja̧kwinobe: —Tajawedö ina Dios eju otiwachibanö kwotidaduwokobeda? Bemi tupakwö ja̧köbaduwakwa̧ baikwö wetaduwakwö, jojodö balada tjiyenama, ja̧ balada kwemaduwoko ökwödöma, ja̧ baladama wainö ji̧ jö̧ba̧lö, 'da̧batö kwujunaduwo, Dios eju otiwachibanö otikwa balada baibanö, ju'wedöda ja̧ baladanö tjotidakobetjö̧, —jö̧ba̧lö.

2 Reyes 23:3

Ja̧danö, jobe Isabenö Jo̧ eju okwi'o pjeanö, la'aka luwo̧ öjamatajiena öjamatinobe Josiasma, ja̧danö jobe ja̧nö Isabenö Jo̧ öba a'o yöbawö ujuninobe Josiasma, —Chuluwo̧ Isabenö Jo̧, weköbi̧ isabenö a̧ja̧kwö chö̧jakwo̧sa, ja̧bö dö̧jobö weköbi̧bi, ju'wi weköbi̧bi a̧ja̧kwö, okobe jwiinö cho̧'wonö, okobe jwiinö chomajadenö a̧ja̧kwö chö̧jobö chisakwakwo̧sa, weköbi̧danö ja̧bö chö̧jakobetjö̧. Jau chuluwo̧, okobe jwiinö bi'yenö laebi̧ weköbi̧ma, isabenö a̧ja̧kwö chö̧jakwo̧sa jö̧ba̧lö yöbawö chujunakwö, —jö̧ba̧lö Isabenö Jo̧ öba a'o yöbawö ujuninobe. Ja̧danö ju'wedö jojodöbi yöbawö tjujuninobe, —Isabenö Dios wei̧ a̧ja̧kwö dö̧jakwedösa, —jö̧ba̧lö.

1 Crónicas 9:13

Jobadöma tjömöledösaso jojodötjö luwedö tjö̧jinobe, ja̧danö tjömöledönö öbibö Babilonia nijibetjö tjetjachajinobe. Okobe deinö jobadö tjebachajinadöma, mil setecientos sesenta ö'weje pjabatadö tjetjachajinobe, ja̧danö jobadöda Dios eju jawa otidadö tjö̧jinobe.

Hechos 5:24

Jejenö yötjawi̧ a̧ja̧kwö Dios eju te'ada̧lakwawa jojodö tjuluwo̧bi, ja̧danö, Diostjö jojodötjö ö'weje la'aka pjabatadöbi, ¿dakwö baledaja̧jö? ¿dakwö ja̧dakwa̧jö? jö̧ba̧lö, omukwatijadötö.

Hechos 5:26

Jejenö jö̧a̧liawö̧ Dios eju te'ada̧lakwawa jojodö tjuluwo̧ma ömöayedökwö Jesús webawedönö do̧tjatotö jö̧ba̧lö tjöba̧ja̧dobekwö 'yi̧jadötö. 'Ya̧jadöma jobadönö do̧tjatijayonö labinö inia tjötjinö ja̧tjobö webijöködötö, jojodö tjölabipji jö̧ba̧lö, ökwödönö kwabö lotjapji jö̧ba̧lö, inawiya ikwawö.

Josué 24:25

Jejenö yötja̧lökwe, Josuema jobe Siquen comunidadtjö israel jojodökwö Dioskwö yöbawö junawa wȩyukwöja i̧wȩyudinobe, isabenö bakwo̧nökwena ja̧bö tjö̧jakwa̧ wȩyukwöjama. Ja̧danö, okobe jwiinö Dios jojodönö wei̧ jawa kwiyalu'yenö i̧wȩyudinobe, israel jojodö a̧ja̧kwö tjö̧jo jö̧ta̧li̧ weawa jawama.

1 Samuel 18:3

Ja̧danö, Jonatanma Davidkwö isabenö otiwanö ösödabikwawö tjö̧jakwa̧ wene yöbawö tjujuninobe, —Ba̧kwelöjatebö, yö̧ne dömöledö ja̧nö ösödabikwawö dö̧jakwedösa, —jö̧ba̧lö.

1 Samuel 23:18

Ja̧danö, jejenö yöa̧laja̧ ikena, yemidanö Isabenö Jo̧ öba a'otjö ösödabikwawö tjö̧jakwa̧ wene yöbawö tjujuninobe, dösölöji̧nö ösödabikwawö dö̧jökötjö̧ma, Dios lȩebobö jȩna, jö̧ba̧lö. Jemi ikenama, David Horesnö ö̧jonö, Jonatanma ejube ȩwa̧jinobe.