2 Reyes 10:6 - Dios Iwene

⁶ Yötja̧lökwe, yemidanö kwiyalusöja wȩyudö weinobe jobadönö, baikwö: —Isabenö bakobe ötjökwö ja̧dö, chömöayedö kwö̧jaduwitjö̧ma, ja̧danö weti̧ kwa̧ja̧kwaduwobö kwomukwataduwitjö̧ma, baikwö wetaduwakwö: —Kwuluwo̧duwi Acabmine itji̧mu tupadanö jojodö tjuubiya ko̧ko̧dö kwichejebaduwo, ja̧danö itekwai, babedajayena Jezreel comunidadbe chö̧jobekwö kwichaduwo, —jö̧ba̧lö wȩyudö weinobe. Ja̧ möle la'aka luwo̧ Acabmine itji̧mu tupadanö jojodö setentabedöma, Samaria comunidad la'aka luwedökwö tjö̧jinobe, ja̧danö jobadö Samaria luwedöma jobadönö da̧pedö tjö̧jinobe.

2 Reyes 10:6 ပူးပေါင်းရင်းမြစ်များ

2 Reyes 10:5

Yöba̧lakwawajadö, la'aka luwo̧ eju teada̧lakwawa luwo̧bi, comunidad la'aka luwo̧bi, ju'wedö comunidad luwedöbi, Acab itji̧munö teada̧lakwawa luwedöbi yötja̧li̧ wȩyudö wetjinobe Jehunö: —Ökwödöma ökwöda kwömöayedösa. Bakwo̧nöbi la'aka luwo̧ baibanö dujunökakwedösa. Ökwöda kwösödi̧danö ja̧köbo Jehu, ja̧danö okobe jwiinö ökwödönö weköbi̧ma, otiwanö da̧ja̧kwakwedösa, —jö̧ba̧lö.

2 Reyes 10:7

Ja̧danö, Jehu iwȩyudaja̧ tjedenama, juluwanö okobe deinö tjuluwo̧mine itji̧mu ömadönö do̧batö, tjuubiya tjubulatinobe, ja̧danö tjuubiya wi̧lȩyubiyanö anö, Jezreel comunidadbe wetjinobe, Jehunö.

2 Reyes 10:9

Ja̧danö, ikena möle dewachenama, labebö jojodö tjöba a'o jamatö yöa̧linobe jojodönö: —Chömöledö, ökwödöma kwuluwo̧mine Joram wei̧ kabatibinöködöja, ötjödasa chuluwo̧nö katatibobö omukwatinasa, ja̧danö omukwatajo̧ jo̧banö kwabö lobinasa̧. Jo̧kwajabetjö̧ Joramnö kwabö loawama, ökwödö jawamaökö, ja̧tjö wene jwibadöja. Jo̧kwaijayonö, ötjöma bidö ju'wedö Acab itji̧munö kwabö lobinö̧kö̧sa, tida bidönö kwabö lobinama?

2 Reyes 9:32

Yöja̧lökwe, möakwö ventanasa'do jö̧jobekwö edinobe, ja̧danö jwöinobe, —Bakobe ötjökwö pjabatö ja̧döma, didöda? —jö̧ba̧lö. Ja̧danö jwöiawö̧, Jezabel jömöayedö ömadötjö du̧ju̧tajaö̧kö̧, wamedukwaö̧kö̧ ventanasa'dotjö tjedinobe Jehu ö̧jobekwö, —Ökwönö pjadatakwedösa, —jö̧ba̧lö.

Diosnö ösödo̧ Job mikwo̧ usula emawina jawa 21:19

—Ja̧danö yöka̧laduwobe, –Diosma sulabedönöda lȩebököjayonö, jobadönö lȩebo jö̧a̧li̧ jawa ko̧ko̧dö lödo̧, tupakwönönö labinö tji̧tji̧mu tupadanö jojodönö lȩebakobetjö̧, –jö̧ba̧lö. Jo̧kwaijayonö baikwö yötawaduwakwö chömöledö, itji̧mu tupadanö jojodönömaökö, sulabenö ja̧bo̧nöda Dios lȩebobö jo̧be chömöledö, lȩebökwe, –Sulabenö ja̧ti̧ökwe, ötjönö lȩbȩbo̧ Diosma, –jö̧ba̧lö öwaisachibakobetjö̧.

Mateo 12:30

Tupakwö yöawinobe Jesúsma: —Okobe deinö ötjö chömöledöböködöma, isabenö chöpöjojodö tjö̧jobe, ja̧danö okobe deinö ötjökwö otidöködöma, isabenö otiwanö chotidapji jö̧ba̧lö tjöbeba̧lö otidadö.

Lucas 9:50

abebö a̧ja̧kwökwe Jesúsma atadinobe: —Jejenö weköboböma sula. Baikwö yötawa: Ökwödö kwöpöjojodöböködöma, isabenö ökwödönö pjabatadö tjö̧jobe. Jo̧kwajabetjö̧ isabenö ökwödönö pjabato̧ jo̧bama. Jo̧kwajabetjö̧, ökwödönö pjabato̧obetjö̧, jo̧banö kwöpöjödaduwoko— jö̧ba̧lö atadinobe Jesúsma.

Deuteronomio 5:9

La'akatjöda o̧'wo jawa bȩbachibö kwösödaduwoböma jwiobe, baikwö yötawa: Ötjödasa Isabenö Jo̧ Diosma, ja̧danö kwösödaduwi̧ a̧'delo̧sa, ötjönöda kwösödaduwo jö̧ba̧lö. Ju'wibi isabenö lȩbebo̧sa, baikwö yötawa: Ötjönö öpöjödadönö isabenö lȩbebo̧sa̧, öpöjödadönöbi, tji̧tji̧munöbi, tjö̧'dödönöbi, tjö̧'dö̧dö tji̧tji̧munöbi lȩbebo̧sa, tja'dödö ötjönö tjöpöjödobetjö̧.