Abebö a̧ja̧kwökwe, —Ötjöma jwaikwöda Isabenö Jo̧, okobe jwiinö juluwo̧ Diosnö ösödö ja̧nö, wei̧ a̧ja̧kwö jo̧sa. Jau chuluwo̧, ju'wedö chömöledö israel jojodö weköbi̧ a̧ja̧kwökönö katjatibijayonö, ja̧danö ökwönö iyawemi pjolo lotjijayonö, ja̧danö ökwö yökawi̧ yöbawadönö kwölöte'onö dȩdȩbö lotjijayonö, jwaikwöda ökwö weköbi̧ a̧ja̧kwö jo̧sa. Okobe deinö ökwö yökawi̧ yöbawadötjö, ji̧bo̧ma ötjödasa, ja̧danö babema ötjönöbi kwabö lotjobö isakwadö israel jojodöma, —jö̧ba̧lö atadinobe Eliasma.
2 Reyes 10:16 - Dios Iwene16 Ja̧danö, tebatajo̧, Jonadabnö yöa̧linobe: —Ötjökwö kwicho, ja̧danö kwedakwo̧ja, Isabenö Jo̧ wei̧ cha̧ja̧kwobö isabenö ösödo̧sa, —jö̧ba̧lö. Ja̧danö, Jonadabma bakobe Jehukwö kolukanö i̧'yinobe Samaria comunidadbe. အခန်းကိုကြည့်ပါ။ |
2 Reyes 10:16
13 ပူးပေါင်းရင်းမြစ်များ
Abebö a̧ja̧kwökwe, —Ötjöma jwaikwöda Isabenö Jo̧, okobe jwiinö juluwo̧ Diosnö ösödö ja̧nö, wei̧ a̧ja̧kwö jo̧sa. Jau chuluwo̧, ju'wedö chömöledö israel jojodö weköbi̧ a̧ja̧kwökönö katjatibijayonö, ja̧danö ökwönö iyawemi pjolo lotjijayonö, ja̧danö ökwö yökawi̧ yöbawadönö kwölöte'onö dȩdȩbö lotjijayonö, jwaikwöda ökwö weköbi̧ a̧ja̧kwö jo̧sa. Okobe deinö ökwö yökawi̧ yöbawadötjö, ji̧bo̧ma ötjödasa, ja̧danö babema ötjönöbi kwabö lotjobö isakwadö israel jojodöma, —jö̧ba̧lö atadinobe Eliasma.
Ja̧danö, teada̧lönö ö̧jo jö̧a̧linobe Jehuma, okobe jwiinö ju'wi Dios wei̧bi a̧ja̧kwö ö̧joböma. Jo̧kwaijayonö ju'wi Dios weinama, otiwanö a̧ja̧kwinokobe. Okobe jwiinö omajadenö, Israel jojodö tjösödökwe Isabenö Jo̧ Dios wei̧ a̧ja̧kwö ö̧jo jö̧a̧lijayonö, otiwanö a̧ja̧kwökönö, Jeroboan sulabenö ja̧ina, israel jojodö sulabenö ja̧tjobö weina jawama kaatibinokobe Jehuma.
Jo̧kwajabetjö̧, jwibadönö kwiyaduwenama, sulabenö dötölajatanö omukwatadö ja̧tji̧danöma ja̧köbaduwa. Jobadöma jwibadönö tjiyakwa̧ abönö, tjiyakwa̧ yöbawadö, judío jojodö ba̧nö tja̧ja̧kwa̧lakwawejubiyatjöbi, comunidad ö'wejetjöbi, okobe deinö tjiyi̧ edö, Aaa, bidöma otiwanö jwibadönö iyö pjabatadö, jö̧ba̧lö tjomukwatobö. Isabenö yötawaduwakwö chömöledö: Tjiyaja̧ mikwa baibanöma iyökakwo̧ Diosma, otiwanö iyadöja jö̧ba̧löma, ida̧ökö okobe jwiinö tjiyaja̧ mikwa tjeminobetjö̧.
Tupakwö yöawinobe Jesúsma: —Ja̧danö, Diosnö akebaduwenama, jobadö dötölatajanö omukwatadö atjebi̧danöma akebaduwa. Jobadöma tjösödobe, judío jojodö ba̧nö tja̧ja̧kwa̧lakwawejubiyatjö jamatö labinö Diosnö atjebobö, ja̧danö ba̧jekwadö jojodö kwetjachemi ö'öbönö ja̧nö, labinö Diosnö atjebobö, böjȩ jojodö Diosnö atjebi̧ tjedobö. Isabenö yötawaduwakwö chömöledö: Atjebaja̧ mikwa baibanöma iyökakwo̧ Diosma otiwanö abebadöja jö̧ba̧löma, ida̧ökö okobe jwiinö atjebaja̧ mikwa tjeminobetjö̧.
ကြော်ငြာတွေ