2 Reyes 10:1 - Dios Iwene

¹ Israel la'aka luwo̧bina Acab itji̧mu tupadanö jojodötjö, setentabedö Samaria comunidadnö tjö̧jinobe. Jo̧kwajabetjö̧ Jehuma kwiyalu öjiya wȩyudö weinobe, Samaria comunidad la'aka luwedönöbi, ju'wedö luwedönöbi, Acab itji̧mu tupadanö jojodönö teada̧lakwawa luwedönöbi, baikwö:

2 Reyes 10:1 ပူးပေါင်းရင်းမြစ်များ

1 Reyes 13:32

Jau chitji̧mu, Isabenö Jo̧ weökwe, Betel comunidadnö ji̧ iyawöte baledakwa̧ yöawinobe, ja̧danö israel nijitjö u'dakwö jȩmi niji ba̧kwemeachibanö möemitenia ösödakwawejubiya baledakwa̧ yöawinobe. Ötjöma chöwaisa, jejenö yöawinama, jweinö yöawinobe jö̧ba̧lö, isabenö yöawinadanö baledakobe. Ja̧danö ja wene chösödobetjö̧, ötjönö kwo̧tja̧duwenama, bite iteba'okwö ötjö chiteba'obi kwo̧tja̧duwobö chösöda, —jö̧ba̧lö iteda itji̧munö weinobe.

1 Reyes 16:24

Jemi ikenama, Samaria mösa'o midö eminobe Omrima, ja̧danö emajo̧, ja'otjö iteda webö ö̧jemi comunidad otidinobe. Ajayinö ja̧'oma, Semer mikwo̧ itea'o mösa'o ji̧nobe, jadanö Omrima jo̧banö platatjö sesenta y seis kilo imidinobe, iteda itea mösa'o baibakobetjö̧. Ja̧danö, comunidad otidenama, mösa'o ajayi luwo̧ Semer mikwo̧ iminö imidinobe otidaja̧ comunidad, Samaria jö̧ba̧lö.

1 Reyes 16:28

Ja̧danö, Omrima ö'wö baibinobe, ja̧danö ö'wö babibajo̧nö tjo̧tjinobe, Samaria comunidadtjö. Ja̧danö, Omri la'aka luwo̧ ö̧jinemi, itji̧ Acabma Israel inesö la'aka luwo̧ baibinobe.

1 Reyes 21:29

—Chöba a'otjö Acab –Mikwawö̧kö̧sa, –jö̧ba̧lö i̧sebaja̧ kwedaji̧? Baikwö yötawakwö, lȩtebakwa yötawajökwe, chöba a'otjö, –Mikwawö̧kö̧sa, –jö̧ba̧lö, o̧'wo tjo̧achi̧ i̧sȩbö jo̧, ja̧danö jejenö ö̧jobetjö̧, iteda ina 'ya̧alayima ömöledönö lȩtebökakwo̧sa, itji̧da la'aka luwo̧ ö̧jenada, okobe deinö ömöledönö söbebö lobö lȩtebocha, —jö̧ba̧lö yöawinobe Isabenö Jo̧ma, Eliasnö.

2 Reyes 5:3

Jobekwö 'dö̧achioko, juluwuju Naaman ilekwonö yöja̧linobe, —Samaria comunidadtjö Dios yöawi̧ yöbawo̧ juluwo̧ ö̧jobe chuluwuju, ja̧danö jo̧ba öba a'o chuluwo̧ Naaman ö̧jitjö̧ma, otiwo jö̧a̧lena chuluwuju. Jau, jo̧ba öba a'ö ö̧jitjö̧ma, chuluwo̧ Naaman lepratjö ö'wöchi̧ otidö loena, —jö̧ba̧lö yöja̧linobe Naaman ilekwonö.

Deuteronomio 16:18

Tupakwö yöawinobe Moisesma, israel jojodönö: —Chömöledö, kwiteboduwi bakwasokwena niji ba̧kwȩmeachibanö, okobe jwiinö kwiteboduwi comunidadteniatjö lȩekwa luwedönöbi, ju'wedö luwedönöbi 'da̧batö kwujunaduwo, tjömöledö wene yötjawi̧ a̧ja̧kwö, jweinö lȩekwa yötjawakobetjö̧.

Josué 15:56

Jezrel comunidadbi, Jocdeán comunidadbi, Zanoa comunidadbi,

Jueces 10:4

Jo̧ba Yairma itji̧mu ömadö treintabedönö ujuna̧linobe, ja̧danö jobadöma tjabe'donö pjatjatinobe, israel jojodö tjuluwedö ja̧nö. Jobadö treintabedö Yair itji̧muma, bakwo̧nökwena tjajwikwena bulo oma'anö kwetjachinobe, ja̧danö bakwo̧nökwena Galaad niji comunidadkwena la'aka luwedö tjö̧jinobe. Ja̧ treinta comunidadbiya wetjinemima, babe mölȩ baibanö Yair comunidadbiya jö̧ba̧lö ötjabobe, Yair itji̧mu jobe ja̧nö wetjinobetjö̧.

Jueces 12:14

Jo̧ba Abdonma itji̧mu ömadönö cuarentabedönö ujuna̧linobe, ja̧danö ö̧'dö̧dö ömadönö treintabedönö ujuna̧linobe. Okobe deinö Abdon itji̧mubi, ö̧'dö̧döbi bakwo̧nökwena tjajwi bulokwena tjujuna̧linobe, ja̧danö tjajwikwena oma'anö wanö kwebachiatjinobe. Jo̧ba Abdonma jelemutjö wapötakwa o̧biya baledibanö israel la'aka luwo̧ ö̧jinobe,

Jueces 8:30

Ja̧danö, Gedeonma ilekwamu ba̧jȩkwadönö ujuna̧linobe, ja̧danö itji̧mu ömadönö setentabedönö 'ya̧ebinobe.