ja̧danö okobe deinö kwömöledö israel jojodöma, bakobe weti̧ a̧ja̧kwö tjö̧jakwedö, ja̧danö 'döbibajökönö, ba̧kwelöjatebö otiwanö israel nijinö tjö̧jakwedö. Jau chömöledö, jojodö towi tjujuni̧danö, ötjöda israel jojodönö chujunocha, —Duluwo̧ Diosma otiwo̧, —jö̧ba̧lö ötjönö tjösödakobetjö̧. Ja̧danö chujunajawö̧, otiwanö 'diinö tjö̧jakwedö.
2 Pedro 3:13 - Dios Iwene13 Ja̧danö, ökwödö dite'ada̧li̧ma biya̧ chömöledö, mölejȩ 'yayöjȩ, ja̧danö böjȩ 'yayöjȩ Dios otidobö te'ada̧ladösa chömöledö, Dios yöbawö ujuninadanö. Ja̧danö, ja̧ 'yayöjȩ Dios otidakwöjȩma, suli̧ma jwiakobe, Dios inesö otiwi̧da ja̧kobe chömöledö. Jo̧kwajabetjö̧ ina böjȩnö dö̧jayi, Dios ösödi̧danö ja̧bö kwö̧jaduwo chömöledö, ökwödöma mölejȩ 'yayöjȩ jojodököbaduwobetjö̧. အခန်းကိုကြည့်ပါ။ |
2 Pedro 3:13
8 ပူးပေါင်းရင်းမြစ်များ
Okobe jwiinö chitea'o mösa'o ba̧kwemeachibanö, otiwanö inia tjöbökönö tjö̧jakwedö, otiwanö söbebö lotjököwö̧ tjö̧jakwedö. Ja̧ möle, tebo awilidö lobo ötjabawö̧ma, bakobe obejadökwö dösölö̧jinö ja̧nö, tju̧kwa tjukwakwedö. Ja̧danö didibadöma, meje'ye tjukwakwedö, pakayadö tjukwi̧danö. Ja̧danö a̧ko̧'döma, laböködö ja̧nö, nijinö ba̧nö nijiso̧pja̧da tjukwakwedö. Jobekwö baledakwa̧ ötjö Isabenö Jo̧ yötawajabe, isabenö yötawaja̧danö baledakobe, jö̧ba̧lö yöawobe Diosma.
Tupakwö yöawobe Isabenö Jo̧ma: Chömöledö, mölejȩ 'yayöjȩbi, bö̧je 'yayöjȩbi chotidocha, ja̧danö chotidaja̧ma, ba̧kwelöjatebö 'dö̧bibajökönö chöba a'o ja̧kwö̧jȩ. Ja̧danö, ja̧ ba̧kwelöjatebö ji̧danö, baikwö yöbawö chujunaduwakwö, ökwödö kwi̧tji̧muduwibi ba̧kwelöjatebö chöba a'o tjö̧jakwedö, ja̧danö ba̧kwelöjatebö ökwödö israel jojodönö otiwanö tjomukwatakwedö.
Ja̧danö chömöledö, ja̧ möle badekwachenama, böjȩbi ka̧lenatjö laebakobe ichejekwa. Jau chömöledö, okobe jwiinö böjȩ jawama, suli̧ jwöachobe babema. Ja̧ suli̧ jwöachi̧ma, ka̧lena bo̧bedanö ichejekwa. Jo̧kwaijayonö, ja̧ möle badekwachenama, ka̧lena bo̧betjö laebakobe böjȩma ichejekwa, ja̧danö Diosma okobe jwiinö otiwachibanö ja̧akwo̧, ja̧ mölema.
Jau chömöledö, Duluwo̧ma dejatinö juluwo̧obetjö̧, ja̧danö jwiinö otiwo̧obetjö̧, inesö mikwawi̧ wene ökwödönö yöbawö ujunajabe, yöawi̧ ösödö, suli̧tjö dö̧jibobö, ja̧danö iteda otiwi̧ ökwödöbi dujuna̧lobö. Jau chömöledö, kwöwaisaduwa, böjȩ jojodö sulabenö tjösödi̧tjö böjȩma suli̧ jwöachobe, ¿jö̧tö? Jo̧kwaijayonö ja̧ suli̧ jwöachi̧tjö dö̧jibanö pjabato̧ Duluwo̧ma, ja̧danö böjȩ suli̧ jwöachijayonö, ökwödöma Duluwo̧ inesö otiwi̧ dujuna̧lakwedö dö̧jobe.
Jo̧kwaijayonö suli̧ jawama teatakwawokobe, jwiinö otiwi̧ jawada. Jobema, 'yayi̧ Jerusalénöma, otiwakwö sulabekwö pjaacha̧lokobe. Ja̧danö, ba̧kwȩlö̧jatebö omöna yöba̧ladöbi tebachöködö. Tjimibiya wȩyukwadöda tetjachobe, Bidöma Dios ö̧jobe tebachö ja̧dö, jö̧ba̧lö, jö̧tja̧lawö̧da. Jobadöma, tjimibiya ba̧jadö, Obeja Itji̧danö Jo̧ u̧kwa kwialu'ye okwa.
ကြော်ငြာတွေ