2 Corintios 9:11 - Dios Iwene

¹¹ Jau chömöledö, baikwö labebö lobö yötawa: Diosma otiwanö ökwödönö iyobe, a̧'dȩlökönö pjabatö kwiyaduwobö, ja̧danö kwiyaduwi̧ Jerusalénnö ju̧kwadö Jesúsnö ösödadönö diyenama, Diosnö ösödakwawa baibakobe, otiwa jö̧ba̧lö.

2 Corintios 9:11 ပူးပေါင်းရင်းမြစ်များ

Mateo 20:15

Jejenö omukwatö chujunoböma ¿suliji̧? Sulökö chömöledö. Ötjöda chitea baladaobetjö̧, ötjöda omukwatö chujuni̧danö chimidobö jo̧be. Ötjöma jobadönö otiwanö chiyobetjö̧, ¿kwo̧'wo̧ sulinö kwedaduwobeji̧? jö̧ba̧lö atadinobe batjo la'aka luwo̧ma.

Mateo 25:17

Dos mil iyajökwebi ja̧danö, dos mil ujuna̧linatjö, waisanö otidobetjö̧ cuatro mil baibanö otidinobe.

Romanos 12:8

ju'wedönö tjujuluwachibanö yöawo jö̧ba̧lö iyinatjö̧ma, tjujuluwachibanö yöawobö jo̧be. Ja̧danö, ju'wedönö iyo jö̧ba̧lö iyinatjö̧ma, a̧'dȩlökönö iyobö jo̧be, luwo̧ jawa otidö ö̧jo jö̧ba̧lö iyinatjö̧ma, otiwanö te'ada̧lönö luwo̧ jawa otidobö jo̧be, ju'wedönö lȩlö̧jinö edo jö̧ba̧lö iyinatjö̧ma, o̧'wo̧ ösöwanö lȩlö̧jinö edobö jo̧be.

1 Corintios 1:5

Diosma isabenö öwaetjöda ökwödö kwö'da̧deduwitjö i̧sebinobe, Cristo jawa wenema, isabenö wene jö̧ba̧lö chömöledö. Cristokwö dötewinö kwuju̧kwaduwobetjö̧, Diosma isabenö okobe jwiinö otiwa jawa iyinobe ökwödönöma, okobe jwiinö yöawakwawabi yökawaduwobö, ja̧danö okobe jwiinö waisakwawabi kwöwaisaduwobö.

2 Corintios 4:15

Jejenö omukwatö, usula demawijayonö kabatibökönö jwaikwöda yöbawö dö̧jobe chömöledö. Jau chömöledö, okobe jwiinö usula demawi̧ma, ökwödönö pjadatotö jö̧ba̧lö usula demawobe, tupakwönönö ba̧jekwadö jojodönö Dios mikwa jwiinö otiwanö iyenama, otiwanö iyo̧ja jö̧ba̧lö ba̧jekwadö Diosnö tjösödakobetjö̧, ja̧danö okobe deinö Diosnö otiwanö tjomukwatakobetjö̧.

2 Corintios 8:16

Chömöledö, Diosma isabenö otiwanö pjaatinobe Titonö, ökwödönö pjatatobö chösödi̧danö, Titobi bakwainö ökwödönö pjaatobö ösödo jö̧ba̧lö, ja̧danö jejenö pjaatinobetjö̧, Diosnö ösödö ateba, otiwa jö̧ba̧lö.

2 Corintios 8:19

Ja̧danö, ju'wibi yötawa jo̧banö chömöledö, Jesúsnö ösödadö ko̧ko̧kwö tjö̧baji̧tenia ju̧kwadöma jo̧banö 'da̧batö tjujuninobe, jobadö tjiminö Jerusalénnö ju̧kwadönö iyawa balada jawa pjaatobö. Jau chömöledö, ja̧ balada iyawa dotidobe, Duluwo̧nö ösödakwawa baibakobetjö̧, ja̧danö dömöledönö pjaatakwawa dösödi̧ öwawakobetjö̧.

2 Corintios 9:12

Jau chömöledö, Jerusalénnö ju̧kwadönö pjaatakwawa baladama isabenö Dios ömöledönö pjaatakwawa ji̧, jwitji̧ jawa iyö, jo̧kwaijayonö sule ja̧damaökö. Jau chömöledö, jemi tupakwö kwiyaduwi̧ma Diosnö tjösödobö baibakwa̧ ji̧, kwiyaduwiawö̧, ba̧jekwadö Diosnö tjösödakobetjö̧, otiwanö pjabato̧ja jö̧ba̧lö.