Duluwo̧, kwöba a'otjö debö di̧'yapjii jö̧ba̧lö adeba̧lakwö: Ökwödönöda, ja̧danö duju̧kwemi nijibi kwemo, kwakwawanö balewö. Jejenö kwemobö kwösöditjö̧ma ökwödöma duluwo̧ faraón ömöayedö badibena, jo̧ba wei̧da dotidobö. Ja̧danö, duju̧kwemi nijima iteda jemi niji uluwo̧ baibena. Sule önebiyada dujunakwa̧ma kwiyobö adeba duluwo̧, dö̧jibinö pjaatakobetjö̧, ja̧danö nijitjö̧ pokwi̧ma pokwakobetjö̧— abeba̧liabijadötö Egiptonö ju̧kwadöma.
2 Corintios 9:10 - Dios Iwene10 Chömöledö, Diosda önebiya lödo̧nö iyo̧ma, ödobö, ja̧danö Diosda ja̧ ödaja̧tjö kwakwawa ukwobö iyo̧, ¿jö̧tö? Ja̧danö, baikwö wanedö yötawa: Ökwödö pjabatö kwiyaduwi̧ma, önebiyadanö ji̧ chömöledö, ja̧danö Diosma önebiya lödo̧nö iyi̧danö, ökwödönö iyakwo̧, ju'wedönö pjabatö kwiyaduwo jö̧ba̧lö, ja̧danö, wanedö yötawa: Kwiyaduwi̧ pokwö nöinö wa̧jobö ja̧akwo̧ Diosma. အခန်းကိုကြည့်ပါ။ |
2 Corintios 9:10
16 ပူးပေါင်းရင်းမြစ်များ
Ja̧danö, ju'wibi yötawa: Sulabenö ja̧bo̧ma balada nöinö ujuna̧lobetjö̧, ötjöma ba̧kwȩlö̧jatebö otiwanö chö̧ja̧kwo̧sa, jö̧ba̧lö omukwato̧. Jobekwö omukwatijayonö jweinö omukwatokobe, u̧kwa baladama ba̧kwȩlö̧jatebö ujuna̧lö̧kakwo̧obetjö̧, 'dö̧ibakwa̧ jawa. Jo̧kwaijayonö Dios wei̧ a̧ja̧kwo̧ma jo̧ba otiwanö ö̧ji̧ mikwa baibanö Isabenö Jo̧ma jo̧banö ba̧kwȩlö̧jatebö otiwanö iyakwo̧. Ja̧danö, Isabenö Jo̧ iyi̧ma 'dö̧ibajökönö jawa.
Ja̧danö ötjö yöta̧li̧ma, isabenö mikwawi̧ chömöledö, baikwö wanedö yötawa: Mölȩjebetjö ojwiyo o̧bi̧bi, nieve ötjabi̧ jawa tjoduwi̧bi, möakwö yemidanö tjeachajokobe, jö̧tö? Niji okwa söbibö, niji 'yoliwanö pjaati̧, batjo jawa otiwanö pokwakobetjö̧, ja̧danö otiwanö wa̧jakobetjö̧, jö̧tö? Ja̧danö, ja̧tjö̧ batjo otidadö ödebiya tjödakwedöma ödebia emadö, ja̧danö ja̧tjö kwadö jojodöma, jö̧tö? Ötjö yöbawö chujuni̧bi ja̧danö chömöledö, yöbawö chujunajabema, yöta̧laja̧danö baledökönö tjeachajokobe ötjö yötawi̧ma. Yöbawö chujunenama, omukwatö chujunaja̧danö badekwachobe chömöledö, —Bejenö baledakwa̧ yöbawö chujuna, —jö̧ba̧lö yötawenama, waekwökönö ba̧kwelöjatebö omukwatö chujunaja̧danö badekwachobe.
Tupakwö yöawinobe Jesúsma: —Chömöledö, ökwödö otiwanö ja̧köbaduwenama, sule jojodöda tjedo jö̧ba̧löma ja̧bökönaduwi. Jau chömöledö, jojodöda ökwödönö ösödö tjedobö ja̧köbaduwiökwe, mölejȩbe jo̧ Kwabe'doduwima otiwanö ja̧köbaduwaja̧ mikwa baibanöma iyökakobe, ida̧ökö jojodötjö ja̧tjaja̧ mikwa baibanö emajadö jö̧ba̧lö.
Chömöledö, Diosma iteda O̧'wo̧ Luwo̧nö ökwödönö iyobe, ja̧danö kwö'da̧deduwitjö jojodö edajitjökö jawa otidobe, ¿jö̧tö? ¿Tajawedö jejenö ja̧obeda chömöledö? Dios weina Moisés iwȩyudina ja̧köbaduwiökwe ¿jejenö ja̧bo̧ji̧? Ja̧maökö chömöledö, Dios yöawi̧ a̧ja̧kwö kwösödaduwiökweda jejenö ja̧bo̧, ¿jö̧tö?
ကြော်ငြာတွေ