2 Corintios 8:23 - Dios Iwene

²³ Jobadöma kwiteboduwibe tji̧'yakwedö chömöledö, ja̧danö ökwödötjö ju'wedöma, idöma didöjayedöjö jö̧ba̧lö tjomukwatitjö̧ma, baikwö atadakwawa yötawa: Titoma, bakobe ötjökwö otido̧, ja̧danö ötjö ökwödönö pjabatö chotidi̧danö, Titobi bakobe ötjökwö otidobe ökwödönö pjabatö. Ja̧danö ju'wedö Titokwö kwebachadöma, ko̧ko̧kwö tjö̧baji̧tenia ju̧kwadö Jesúsnö ösödadö wetjinawö̧ chömöledö. Jobadönö wetjinobe, ko̧ko̧kwö tjö̧baji̧tenia ju̧kwadö tjiminö kwetjacho jö̧ba̧lö, ja̧danö jobadöma otiwanö ja̧bö ju̧kwadö. Jobadö ja̧bö tjö̧ji̧ edö jojodö tjösödakobe, ja̧danö ju'wibi Duluwo̧ Cristonö otiwanö tjomukwatakobe, isabenö bidö tjuluwo̧ma otiwo̧ jö̧ba̧lö.

2 Corintios 8:23 ပူးပေါင်းရင်းမြစ်များ

Lucas 5:7

Ba̧i̧ yelösöda nöinö tjö̧lajibinobe, ja̧danö jejenö tjö̧la̧jibiawö̧, tjömöledö jelowinö la̧jadönö jwötjinobe, ichö pjatjatobö. Ichö, jobadöbi ba̧i̧ tjaninobe isowi okwa, jo̧kwaijayonö ina yelösöda tjöba̧jekwinobe ba̧i̧ma, isowibiya meajenanö baibanö.

Juan 13:16

Isabenö yötawa. Ömöayedöma tjuluwo̧nötjö o̧penönö mikwawöködö ¿jö̧tö? Ja̧danö, weinökwema jo̧banö webo̧nötjö o̧penönö mikwawö̧kö̧, ¿jö̧tö?— jejenö yöawinobe Jesúsma, wanedö yöbawö.

1 Corintios 11:7

Baikwö labebö lobö yötawa chömöledö: Diosma jojoso̧nö otidinobe, Diosdanö ichejekwo̧nö, ¿jö̧tö? Ja̧danö, jojoso̧ma uu umuchekwobö jwia, Diosdanö ichejekwi̧ i̧sekwobetjö̧, ja̧danö Dios inesö ujulu i̧sekwobetjö̧. Ja̧danö, ömadö jejenö Dios ujulu tji̧sekwijayonö, ya̧döma ömadö tjujulu i̧sekwadö chömöledö,

2 Corintios 12:18

Belö ötjökwö kwebachajiabo̧ Titonö kwiteboduwibe i̧'yobö atebijatö, ja̧danö jelo̧ döjawo̧nö jo̧bakwö wetijatö, ¿jö̧tö? Jo̧ba Titoda ¿ökwödönötjö iteda eminaji̧? Eminokobe chömöledö, jo̧bama ötjö chomukwati̧danö bakwainö omukwatö, ötjö ja̧bö chö̧ji̧danö bakwainö jo̧babi ja̧bö ö̧jinobe, ¿jö̧tö?

2 Corintios 7:6

Jo̧kwaijayonö, Diosma o̧'wo̧ tjo̧achadönö tjujuluwachibanö pjabato̧ chömöledö, ja̧danö ökwödönö pjaatinobe. Jau chömöledö, do̧'wo̧ luwo̧nö ujuluwachibanö pjabatö, döjawo̧ Tito ichobö weinobe Diosma.

2 Corintios 8:16

Chömöledö, Diosma isabenö otiwanö pjaatinobe Titonö, ökwödönö pjatatobö chösödi̧danö, Titobi bakwainö ökwödönö pjaatobö ösödo jö̧ba̧lö, ja̧danö jejenö pjaatinobetjö̧, Diosnö ösödö ateba, otiwa jö̧ba̧lö.

2 Corintios 8:18

Ja̧danö, Titokwö jelo̧nö wedakobe kwiteboduwi Corintiobe chömöledö, Jesúsnö ösödo̧ döjawo̧nö. Jo̧bama Titokwö bakobe otidö, ökwödönö pjaatakobe, ja̧ balada kwoko̧ko̧daduwobö. Jo̧banö baikwö yötawa: Okobe deinö bemi niji ko̧ko̧kwö tjö̧baji̧tenia ju̧kwadö Jesúsnö ösödadö tjöwaisökwe jo̧bama, otiwa jawa wene otiwanö yöbawo̧ jö̧ba̧lö.

2 Corintios 8:19

Ja̧danö, ju'wibi yötawa jo̧banö chömöledö, Jesúsnö ösödadö ko̧ko̧kwö tjö̧baji̧tenia ju̧kwadöma jo̧banö 'da̧batö tjujuninobe, jobadö tjiminö Jerusalénnö ju̧kwadönö iyawa balada jawa pjaatobö. Jau chömöledö, ja̧ balada iyawa dotidobe, Duluwo̧nö ösödakwawa baibakobetjö̧, ja̧danö dömöledönö pjaatakwawa dösödi̧ öwawakobetjö̧.

2 Corintios 8:22

Ja̧danö chömöledö, Titobi, jelo̧ yöta̧lajökwekwö kwiteboduwibe i̧'yakobe, kwiyaduwakwa̧ balada jawa pjabatö, ja̧danö jelo̧nöbi wedakobe jobadökwö i̧'yobö chömöledö, döjawo̧ Jesúsnö ösödo̧nö. Jo̧banö döwaisa, isabenö Dios wei̧ otidobö ösödo̧ chömöledö, ba̧kwȩlö̧jatebö jejenö ösödi̧ i̧sebiainobetjö̧. Jo̧bama ökwödönö a̧ja̧kwinobe, Corintio jojodöma tjömöledö Jerusalénnö ju̧kwadönö pjatjatobö ösödadö jö̧ba̧lö. Jejenö a̧ja̧kwö, o̧'wo̧ ösöwachibanö a̧ja̧kwinobe, ja̧danö ajayinö ösödinatjö bajalekwönönö, nöinö ja̧ pjaatobö ösödobe, Corintio jojodöbi otiwanö pjabatadö jö̧ba̧lö.

2 Corintios 8:6

Ja̧danö, ja̧ wene omukwatö, Titonö yödawijatö, yemidanö ökwödö Corintio jojodö kwiteboduwibe i̧'yobö, ökwödö kwiyaduwakwa̧ jawa pjaatobö. Jau chömöledö, belö Titoda ökwödönö pjaatinobe, ja̧ iyawa baladama 'da̧batö kwujunaduwobö, ¿jö̧tö? Jo̧kwajabetjö̧ jo̧banö yödawijatö, ja̧ Jerusalénnö ju̧kwadönö kwiyaduwobö kwomukwatinaduwa balada jawa pjaatobö, ajayinö kwomukwatinaduwadanö otiwanö kwiyaduwakobetjö̧.

Filipenses 2:25

Ja̧danö, Timoteonö wetakwa̧ abönö chöjawo̧ Epafroditonö wetobö jo̧be chömöledö, belö Romatjö kwiteboduwibe ȩwa̧jo jö̧ba̧lö. Jo̧ba Epafroditoma bakobe ötjökwö otidajabe chömöledö, ja̧danö ötjökwö bakobe otiwa jawa wene tjöbeba̧lö usula emawajabe. Jau chömöledö, ötjönö pjaato jö̧ba̧lö weköbinaduwökwema, ötjönö pjabatö ö̧jinobe.

Filipenses 4:3

Ja̧danö, ökwönö weta chömöledöso̧, ökwöma otiwanö ötjökwö otido̧ja, jo̧kwajabetjö̧ jobadö ötjönö pjabatinadönö ya̧dönö pjakato, bakwainö omukwatö tjö̧jo jö̧ba̧lö. Jau chömöledöso̧, jobadö ya̧döma ötjökwöbi, Clemente mikwo̧kwöbi, ju'wedö ötjökwö otiwa jawa wene yöbawö otidinadökwöbi tjotidinobe. Ja̧danö, jobadö ötjökwö otidinadönö baikwö yötawa: Dios ujuna̧la'ye, ja̧kwawa juna̧ladö tjimibiya wȩyukwa'yenö Diosma jobadö tjimibiyabi wȩyudö ödinobe, Bidöma ja̧kwawa juna̧ladö, jö̧ba̧lö.

1 Tesalonicenses 2:2

Jau chömöledö, kwöwaisaduwa, ökwödönö yöbawö di̧'yakwa̧ abönö, ina Filipos comunidadnö dö̧jayi, jobe jojodöma sulabenö ja̧tjinobe ökwödönö usula demawinö. Jo̧kwaijayonö, ida̧ökö usula demawinajayonö, Dios pjaatobetjö̧ yebabökönö ökwödönö yödawijatö Dios jawa otiwa jawa wenema. Jau chömöledö, döpöjojodö yödawokobö tjölabinajayonö, yayonö yebabökönö yödawijatö ökwödönöma.

2 Timoteo 4:10

Jau Timoteo, ajayinö ötjökwö otidina Demas mikwo̧ma, böjȩ jawa ösödobetjö̧ ötjönö le'dedibö i̧'yajabe, ja̧danö böjȩ jawa ösödobetjö̧ Tesalónicabe i̧'yajabe. Ja̧danö, ju'wibi Crescentema Galacia nijibe i̧'yajabe, ja̧danö Titoma Dalmacia nijibe i̧'yajabe,

Tito 1:4

Tito, ökwöma ötjöda chitji̧danöbo̧ja bakobe Jesúsnö ösödö dö̧jobetjö̧. Ja̧danö, böja kwialusöja wȩyudö wetakwö. Dabe'do Diosnöbi, dö̧jibinö pjabato̧ Cristo Jesúsnöbi ateba, ökwönö lȩlö̧jinö edö, kwo̧'wo̧ luwo̧ ösöwachibanö tupakwö pjatjato jö̧ba̧lö.

Filemón 1:17

Isabenö jo̧banö kwösödobö jo̧be Filemón, baikwö yötawa: Ötjö Pablonö omukwatö, Pablokwö bakobe otido̧sa jö̧ba̧lö ötjönö kwösöditjö̧ma, jo̧banöbi kwösödo, bitema Pablodanö jo̧ jö̧ba̧lö.

Filemón 1:24

Ja̧danö, ötjökwö otidadö Marcos mikwo̧bi, Aristarco mikwo̧bi, Demas mikwo̧bi, Lucas mikwo̧bi detjawobedanö dokwa atjebobe ökwödönö.

3 Juan 1:8

Jo̧kwaobetjö yötawakwö, ökwödö Jesúsnö ösödadöma jobadö yöbawö 'ya̧dönö pjadatobö jo̧be, jobadökwö bakobe Dios isabenö ji̧ iwene jojodö tja̧ja̧kwobö pjadatakobetjö̧.