2 Corintios 8:17 - Dios Iwene

¹⁷ Ja̧danö, Titonö kwiteboduwibe i̧'yobö adebenama, adebi̧ ösödinobe chömöledö, ja̧danö jo̧babi ökwödönö pjabatö i̧'yobö jwiinö ösödobetjö̧ kwiteboduwibe i̧'yakobe Titoma.

2 Corintios 8:17 ပူးပေါင်းရင်းမြစ်များ

2 Corintios 12:18

Belö ötjökwö kwebachajiabo̧ Titonö kwiteboduwibe i̧'yobö atebijatö, ja̧danö jelo̧ döjawo̧nö jo̧bakwö wetijatö, ¿jö̧tö? Jo̧ba Titoda ¿ökwödönötjö iteda eminaji̧? Eminokobe chömöledö, jo̧bama ötjö chomukwati̧danö bakwainö omukwatö, ötjö ja̧bö chö̧ji̧danö bakwainö jo̧babi ja̧bö ö̧jinobe, ¿jö̧tö?

2 Corintios 8:10

Jau chömöledö, weawa baibanöma yötawökö ja̧ iyawa jawama, jo̧kwaijayonö ja̧ iyawa isabenö ökwödönö pjaati̧ jawaobetjö̧, ötjöma ja̧ jawa chomukwati̧ma yötawobe ökwödönö. Jau chömöledö, Jerusalénnö ju̧kwadönö pjaatakwawa balada iyadötjö ökwödöda abönö omukwatö kwujuninaduwobe pjabatö kwiyaduwobö, ¿jö̧tö? Jau chömöledö, madasaba ökwödö Corintio jojodöma: Aaa, dömöledö Jerusalénnö ju̧kwadönö pjadatowe jö̧ba̧lö, belöda jamatö 'da̧batö kwujuninaduwobe baladama, jobadönö kwiyaduwoböma. Jo̧kwajabetjö̧, ja̧ kwiyaduwobö kwomukwatinaduwama, babe badekwachinö kwiyaduwobö otiwa chömöledö, babe kwiyaduwi̧ma, madasaba kwiyaduwobö kwösödinaduwadanö badekwachakobetjö̧. Jo̧kwajabetjö̧, ajayinö omukwatö kwujuninaduwi̧danö kwiyaduwobö kwujuna̧laduwi̧tjö 'da̧batö kwiyaduwitjö̧ma otiwena chömöledö.

2 Corintios 8:6

Ja̧danö, ja̧ wene omukwatö, Titonö yödawijatö, yemidanö ökwödö Corintio jojodö kwiteboduwibe i̧'yobö, ökwödö kwiyaduwakwa̧ jawa pjaatobö. Jau chömöledö, belö Titoda ökwödönö pjaatinobe, ja̧ iyawa baladama 'da̧batö kwujunaduwobö, ¿jö̧tö? Jo̧kwajabetjö̧ jo̧banö yödawijatö, ja̧ Jerusalénnö ju̧kwadönö kwiyaduwobö kwomukwatinaduwa balada jawa pjaatobö, ajayinö kwomukwatinaduwadanö otiwanö kwiyaduwakobetjö̧.

2 Corintios 8:8

Chömöledö, jejenö yötawi̧ma, weawa baibanöma yötawökö, iyaduwi jö̧ba̧lö. Jau chömöledö, ju'wedö ösödabikwawö tjiyi̧ wene yötawajabe, jobadönö a̧ja̧kwö, bakwainö jobadö ösödabikwawö tjiyi̧danö ökwödöbi ösödabikwawö kwiyaduwojobö chöwaisakobetjö̧.

Hebreos 13:22

Chömöledö, böja chiwȩyudöjanö yötawi̧ma nöi̧maökö, ja'yubeda. Ja̧danö, böjanö yötawi̧ma 'du̧wekwachibökönö ösödanö kwa̧ja̧kwaduwo. Ökwödönö lȩbebö, kwo̧'wo̧ luwo̧duwinö juluwachibanö kwi̧'yaduwobö yötawa chömöledö.