2 Corintios 8:12 - Dios Iwene

¹² Jau chömöledö, isabenö iyö pjakataduwobö jö̧ka̧laduwitjö̧ma otiwa, baikwö yötawa: Isabenö iyö pjakataduwobö ösödö, kwujuna̧laduwi̧tjö kwiyaduwitjö̧ma, Diosma edö ösödakobe, jo̧bama kwujuna̧laduwi̧ öwaisobetjö̧. Jau chömöledö, Diosma sule kwujuna̧laduwi̧da edo̧, kwiyaduwi̧ otiwojobö jö̧ba̧lö, ja̧danö kwiyaduwobö kwujuna̧laduwi̧danö kwiyaduwenama, edö ösödo̧ Diosma, bidöma otiwanö pjatjatobö ösödadö jö̧ba̧lö.

2 Corintios 8:12 ပူးပေါင်းရင်းမြစ်များ

Éxodo 25:2

—Moisés, Israel jojodönö weköbo tju̧kwa teatjö tjoko̧ko̧dobö, ötjönö tjiyakwa̧ma. Bakwo̧nökwena tjomajadenö tjösödinö meitjö̧ma tjiyo jö̧ba̧lö. Ikenama ötjönö tjiyaja̧ma ökwödada emö kwujuna̧lo.

Éxodo 35:24

Ja̧danö, plata, bronce juna̧ladö ja̧ma e'ewijadötö Isabenö Jo̧nö kabebö iyö. Ja̧danö, ju'wedöma acacia towisötebiya juna̧ladöma ja̧ ötebiya iyö e'ewijadötö, Isabenö Jo̧ ejubi, eju okwa junawa jawabi tjotidakwa̧ma.

Éxodo 35:29

Ja̧danö, okobe deinö Israel jojodö tjomajadenö tjösödinö meajawö̧ma, Pjadatobö dösöda, jö̧ba̧lö ömadöbi ya̧döbi ichejebijadötö Isabenö Jo̧ Moisésnö weina jawa, tjotidakwa̧ jawama, Isabenö Jo̧nö ösödö kabebö iyö.

Éxodo 35:5

Kwiteaduwitjö 'da̧batö kwoko̧ko̧daduwo, Isabenö Jo̧nö kwiyaduwakwa̧, iteda weinama. Ja̧danö, bakwo̧nökwena kwomajadeduwinö kwösödaduwinö mei̧tjöda kwiyaduwo, biya: Oro, plata, bronce kwiyaduwo.

Proverbios 19:22

Ja̧danö, ju'wibi yötawa wanedö: Bakwo̧ ö̧jobe ömöledönö ba̧kwȩlö̧jatebö ösödabikwawö pjabato̧ma. Isabenö, jo̧ba ösödabikwawi̧ma la'akatjöda balewachökakobe. Ba̧kwȩlö̧jatebö pjaatakwo̧. Jojodöma jo̧banö nöinö tjösödökwe, bite otiwanö omukwati̧ma balewachö̧kö̧, jö̧ba̧lö. Ja̧danö, ju'wibi wanedö yötawa, du̧ju̧tajanö wanedö jawa: Bakwo̧ balada jwibo̧ma ö̧jobe. Ja̧danö jelo̧, lȩekwa yöbawo̧nö omöna yöbawo̧ ö̧jobe. Ja̧danö, ¿dite ö̧ji̧ mikwawobeda? Balada, jwibo̧ ö̧jobökö̧, omöna yöbawo̧ ö̧jobökö̧? Isabenö yötawa: Jwibo̧ ö̧ji̧danö ö̧ji̧ma mikwawobe. Omöna yöbawo̧ ö̧ji̧tjö̧ bajalekwönönö mikwawobe jwibo̧ ö̧ji̧ma, jwiijayonö.

Mateo 25:17

Dos mil iyajökwebi ja̧danö, dos mil ujuna̧linatjö, waisanö otidobetjö̧ cuatro mil baibanö otidinobe.

Mateo 25:22

Ja̧danö dos mil iyinökwebi ichö uluwo̧nö yöawinobe: Chuluwo̧, dos mil oro ö̧pi̧biya kwiyinobe ötjönö, ja̧danö edi, dos milnö kwiyinatjö, cuatro mil baibanö chotidajabe, jö̧ba̧lö.

Lucas 16:10

Tupakwö yöawinobe Jesúsma iteda öba̧ja̧di̧ waisachadönö: —Chömöledö, ja'yubeda Dios weökwe Dios wei̧danö ja̧bo̧ma, ju'wibi nöinö weena Dios wei̧danö ja̧akwo̧, ¿jö̧tö? Ja̧danö, ja'yubeda Dios weökwe Dios weöködanö ja̧bo̧ma, ju'wibi nöinö weena Dios weöködanö ja̧akwo̧, ¿jö̧tö?

2 Corintios 8:13

Jau chömöledö, kwiyaduwobö otiwa jö̧ba̧lö yötawaja̧ma, Aaa, ökwödö Corintio jojodöda usula emawö 'diinö kwotidaduwo, Jerusalénnö ju̧kwadöda otiwanö tjö̧jakobetjö̧ jö̧ba̧löma yöta̧lökö chömöledö. Bakweminö okobe deinö Jerusalénnö ju̧kwadöbi ökwödöbi otiwanö kwujuna̧laduwobö yöta̧la chömöledö.

2 Corintios 8:19

Ja̧danö, ju'wibi yötawa jo̧banö chömöledö, Jesúsnö ösödadö ko̧ko̧kwö tjö̧baji̧tenia ju̧kwadöma jo̧banö 'da̧batö tjujuninobe, jobadö tjiminö Jerusalénnö ju̧kwadönö iyawa balada jawa pjaatobö. Jau chömöledö, ja̧ balada iyawa dotidobe, Duluwo̧nö ösödakwawa baibakobetjö̧, ja̧danö dömöledönö pjaatakwawa dösödi̧ öwawakobetjö̧.

2 Corintios 9:7

Ja̧danö, kwiyaduwakwa̧ma baikwö yötawa chömöledö, okobe deinö bakwo̧nökwena kwomajadeduwinö omukwatö kwujunaduwo, kwiyaduwakwa̧ma. Ja̧danö, ökwödö kwo̧'wo̧ ösöwanö kwiyaduwobö jö̧ka̧laduwi̧danö kwiyaduwo, Aaa, chöpöjödijayonö, chiyobö jo̧be jö̧ba̧lö omukwatömaökö, ja̧danö ju'wedö kwiyaduwobö wetjawö̧maökö. Jau chömöledö, Diosma tjo̧'wo̧ ösöwanö iyadönö ösödo̧obetjö̧, jejenö kwiyaduwo.

1 Pedro 4:10

Diosma ökwödönö bakwo̧nökwena ja̧bö kwö̧jaduwobö iyinobe chömöledö, ¿jö̧tö? Jau chömöledö, ökwödönö bakwo̧nökwena iyinobe, jo̧kwajabetjö̧ ja̧ iyina jweinö omukwatö, ja̧bö kwö̧jaduwobö iyinadanö kwömöledöduwinö pjabatakwawö kwö̧jaduwo.