2 Corintios 7:15 - Dios Iwene

¹⁵ Ja̧danö, Tito yöawi̧ otiwanö kwa̧ja̧kwaduwobetjö̧, jo̧ba yöawi̧ kwösödinaduwa wene omukwatö, ajayinö ökwödönö ösödinatjö bajalekwönönö nöinö ökwödönö ösödobe Titoma chömöledö. Jau chömöledö, Tito yöawi̧ a̧ja̧kwö, Aaa, bitema Dios yöawi̧ jweinö yöbawo̧ jö̧ba̧lö, yöawi̧danö otiwanö yebabinö a̧ja̧kwö ja̧köbinaduwobe.

2 Corintios 7:15 ပူးပေါင်းရင်းမြစ်များ

Génesis 43:30

Jejenö jö̧ba̧lö o̧'wo̧ tjo̧bekwibijetö Joséma, chö̧jawo̧we, jö̧ba̧lö. Ömöna, ömöledö tjö̧jelö labeibö tebachibijetö iteda ö̧lȩkobe. Jȩko̧nö tebachibö budekwijetö.

1 Reyes 3:26

Jejenö weioko, tjemu a̧dekwanö ojo'doma, jwiinö jo̧'wo tjo̧achibinobe jitji̧nö, ja̧danö o̧'wo tjo̧achö yöja̧linobe, —Chuluwo, ja̧maökö, tjemunö kwabö lobökönö, wainö jelujunö kwiyo. Jau chuluwo̧, la'akatjöda kwabö loköboko, jelujunö kwiyo, —jö̧ba̧lö jo̧'wo tjo̧achö ajebinobe. Ja̧danö, jejenö yöja̧lonö, jelujuma yöja̧linobe, —Yöka̧laja̧ma jwea chuluwo̧, ö'wejenö kwubulato, ja̧danö ötjöbi, isujubi bakweminö ditji̧mu debadö dö̧jakwedösa, —jö̧ba̧lö yöja̧linobe.

Diosnö ösödo̧ Job mikwo̧ usula emawina jawa 21:6

Jau chömöledö, isabenö yetjaibanö baledökwesa, ötjöbi chöbaledi̧ jawa omukwatö, jwiinö yebabinö jo̧sa, yebabinö omukwatö tjö̧bawo̧sa.

Isaías 66:2

Okobe jwiinö mölejȩnö ji̧bi, bö̧jȩnö ji̧bi, ötjöda chotidijatö chömöledö, ja̧danö okobe jwiinö kwedaduwi̧ma, ötjö chiteada edadöja. Jo̧kwajabetjö̧ cheju baibanö kwiyaduwobö jwibadöja chömöledö. Jobekwö ötjö Isabenö Jo̧ma yötawaduwakwö. Ju'wibi baikwö yötawaduwakwö: Ötjö otiwanö edö pjatatakwawö̧ma, bidö: Tjomajadenö, —Mikwawöködösa, —jö̧ba̧lö omukwatadö, yötawi̧ a̧ja̧kwö, yebabinö tjö̧bawö, sulabenö tjomukwati̧ kabatibö balewachadöma.

Juan 16:21

Wanedö yötawa: Bakwuju, metu'wo niokoma yelösöda budekwabuju jemi̧ möle baibobetjö̧. Jo̧kwaijayonö tjemunö jemaja̧ ikena omukwatökuju ja̧ niaja̧ma. Jo̧'wo̧ ösöwanö juju, jitji̧nö ile nibebö— yöbawijetö—.

Hechos 16:29

Jejenö jö̧a̧liökwe te'ada̧lakwawa jojoma bakwo̧nö webijetö dejewa'yu̧nö nötedö iyobö. Nötedö iyökwe omönanö Pablo, Silas tjö̧bajȩko̧nö tebachijetö. Tebachö Pablo, Silas tjöba a'otjö nijinö de'bo'bonö bamatö tjö̧bawö bi̧jetö jwiinö yeabobetjö̧.

1 Corintios 2:3

Ja̧danö, ökwödökwö chichibenama, chujulu jwibo̧, ja̧danö yebabinö tjö̧bawo̧ chichibijatö.

2 Corintios 2:9

Jau chömöledö, belö ökwödönö wȩyudö wetijatö, jo̧ba sulabenö ja̧binanö lȩkebaduwobö. Jejenö chiwȩyudenama, weti̧ kwa̧ja̧kwaduwojobö jö̧ba̧lö chiwȩyudijatö, okobe jwiinö weti̧ a̧ja̧kwö ja̧köbaduwojobö jö̧ba̧lö, ja̧danö otiwanö weti̧ a̧ja̧kwö ja̧köbinaduwobe chömöledö.

2 Corintios 6:12

Chömöledö, ökwödö Corintio jojodönö ösödöma kadatibokobe chömöledö, jo̧kwaijayonö ökwödöda ökwödönö ösödö kabatibadöja,

Efesios 6:5

Babema jojodö tjömöayedö, midö tjeminawö̧nö, bakwo̧nökwena yötawa. Böjȩtjö kwuluwo̧duwi wei̧ a̧ja̧kwö, otiwanö omukwatö, Chotido, jö̧ba̧lö, ösödanö otidaduwi. Ja̧danö, böjȩtjö kwuluwo̧duwi wei̧danö kwotidaduwenama omukwataduwi, Böjȩtjö chuluwo̧ wei̧ chotidi̧danö Cristo wei̧bi ja̧danö chotidobe, jö̧ba̧lö.

Filipenses 1:8

Jau chömöledö, isabenö ökwödönö chösödaduwakwö. Isabenö chösödi̧ edö waiso̧ma Diosda, Cristo Jesús ökwödönö ösödi̧danö chösödaduwakwö jö̧ba̧lö.

Filipenses 2:12

Jo̧kwajabetjö̧ ökwödönö yötawaja̧danö ja̧bö kwö̧jaduwo chösödawö̧ chömöledö. Isabenö belö ökwödökwö chö̧jayima, ötjö yötawi̧danö ja̧bö kwö̧jinaduwobe chömöledö, ja̧danö ja̧tjö bajalekwönönö babe jelobetjö wȩyudö yötawi̧ ja̧bö kwö̧jaduwo chömöledö. Ja̧danö, Diosnö otiwanö yebabinö ösödö, jwaikwöda Duluwo̧ Dios wei̧ ja̧bö kwö̧jaduwo, Dios kwö̧jibaduwinö ja̧ina kwi̧sebaduwakobetjö̧.

Colosenses 3:12

Ökwödöma Dios ömöledöbedöja chömöledö, jo̧bama ökwödönö ösödö omudawö ujuninobe, iteda ömöledö bakibaduwanö. Jo̧kwajabetjö̧ wanedö yötawa: Lȩlö̧jinö edawabi, otiwanö pjabatö ja̧awabi, ju'wedönötjö o̧penönö jö̧kö̧sa jö̧ba̧lö omukwatakwawabi, dösölö̧jinö ja̧awabi, tjo̧'wo̧ 'dibachibö me'dawachibökönö ja̧awabi kamijido̧ 'dutjawi̧danö 'dukawaduwo chömöledö.

2 Tesalonicenses 3:14

Ökwödötjö bakwo̧ böjanö diwȩyudaja̧ma a̧ja̧kwökönö öpöjöditjö̧ma, jo̧banö kwedaduwo, a̧ja̧kwö̧kö̧ jö̧ba̧lö. Ja̧danö, jo̧bakwö bakobe kwö̧jaduwoko, tabakwö ö̧jakobetjö̧.

1 Juan 3:17

Jau chö̧ja̧wo̧dö. Dö̧ja̧wo̧dönö ile nibebö pjadatobö jo̧be. Ja̧danö, böjȩnö ö̧jobö jawa juna̧lo̧ma öjawo̧ jwibo̧nö lȩlö̧jino edobö jo̧be, jo̧banö pjabatö iyö. Jo̧ba juna̧lo̧ma öjawo̧ jwibo̧nö pjaatökötjö̧ma Diosnö ösödökena. Öjawo̧ jwibo̧nö pjaatokobetjö̧ wajuwanö i̧sekwobe, Dios ile niebinadanö ile nibebökösa, jö̧ba̧lö. Ja̧danö, jejenö pjaatokobetjö̧ Diosnöbi öpöjödobe ichejekwa, Dios jojodönö ile niebi̧danö jojodönö ile nibebö ö̧jokobetjö̧.