2 Corintios 6:13 - Dios Iwene

¹³ jo̧kwajabetjö̧ chi̧tji̧munö yöta̧li̧danö yöta̧laduwakwö chömöledö, ökwödönö dösödi̧danö balekwa mikwa kwösödaduwo ökwödönöbi jö̧ba̧lö.

2 Corintios 6:13 ပူးပေါင်းရင်းမြစ်များ

Marcos 11:24

Jo̧kwaobetjö̧ yöta̧laduwakwö, Diosnö yöba̧lö akebaduwena kwomukwataduwo, Jau Diosma isabenö ötjö atebi̧ma a̧ja̧kwö ja̧bo̧, jö̧ba̧lö. Jejenö kwomukwataduwitjö̧ma akebaduwi̧ma ja̧akwo̧ Diosma.

Gálatas 4:12

Budekwödanö yötawaduwakwö chömöledö, ötjödanö ökwödöbi bakibaduwo Moisés iwȩyudina omukwatökönö. Jau chömöledö, ötjöma ökwödö judío jojodöböködödanö ichejekwo̧ batibijatö chömöledö, ja̧ jawa omukwatökönö. Ökwödönö yötawinenama, ötjönö suli̧ kwöwaedinaduwokobe chömöledö.

Gálatas 4:19

¡Ökwödö pebadö chi̧tji̧mudanöbedöwe! Wanedö yötawa chömöledö: Jitji̧nö jemakwuju jitji̧nö jemakwa̧ abönö usula jemawi̧danö, ötjöma ökwödönö omukwatö chi̧tji̧muwe jö̧ba̧lö yemidanö usula chemawobe chömöledö, Cristo omukwati̧danö omukwatadö bakibaduwenanö kabatö.

1 Tesalonicenses 2:11

Kwöwaisaduwa chömöledö, bakwo̧ iteda i̧tji̧munö yöawi̧danö yödawijatö ökwödönö.

1 Juan 2:1

Chö̧ja̧wo̧dö chösödawö̧, böjanö yötawi̧ma, Sulabenö ja̧böma kwö̧jaduwoko, jö̧ba̧lö, yöbawö chiwȩyuda. Jo̧kwaijayonö sulabenö ja̧köbaduwena biya̧ yötawi̧ kwomukwataduwo. Jesucristoma Dios öba a'o jo̧. Jo̧bama jwiinö otiwo̧. Ja̧danö, jo̧bama ökwödönö pjabatö te'ada̧lo̧. Ja̧danö chö̧ja̧wo̧dö, sulabenö ja̧denama Jesucristoma Diosnö aebobe ja̧ sulabenö ja̧daja̧ma söbebö loobö. Ja̧danö, Jesucristoma Diosnö aebiökwe sulabenö ja̧köbaduwi̧ma söbebö loobe.

1 Juan 3:18

Chö̧ja̧wo̧dö chösödawö̧, sule yöba̧lödama yöda̧laduwoko, Dios ile niebi̧danö dö̧ja̧wo̧dönö ile nibebö dö̧jaduwo, jö̧ba̧löma. Yöba̧lödama yöda̧laduwoko, i̧seböbi di̧sebaduwo, dö̧ja̧wo̧dönö pjabatö do̧'wo̧ luwo̧nö isabenö lȩlö̧jino edö.

1 Juan 3:7

Chi̧tji̧mu, yötawaduwakwö. Isabenö bakwo̧ Dios wei̧ a̧ja̧kwö jo̧ma, sulabenö ja̧bökönö jo̧. Jo̧bama Cristo sulabenö ja̧bökönö ö̧jinadanö sulabenö ja̧bökönö jo̧. Jo̧kwaijayonö ju'wedö jelobekwö omukwatö yötjawobe. Jobadöma ökwödönö sulabenö ja̧köbaduwobö ötjibotö jö̧ba̧lö yötjawobe. Chö̧ja̧wo̧dö, jobadö yötjawi̧ma kwa̧ja̧kwaduwoko. Jobadö jelobekwö omukwatö yötjawi̧ a̧ja̧kwökönö otiwanö ja̧bö kwi̧'yaduwo chö̧ja̧wo̧dö.

3 Juan 1:4

Isabenö chi̧tji̧mu, Dios isabenö ji̧ iwene a̧ja̧kwö tji̧'yobe, jö̧ba̧lö, yötjawi̧ cha̧ja̧kwena cho̧'wo̧ ösöwanö chö̧jobe. Jejenö cho̧'wo̧ ösöwanö chö̧jemitjö o̧penönö cho̧'wo̧ ösöwanö chö̧joböma jwiobe.