2 Corintios 5:3 - Dios Iwene

³ jejenö 'yaya'o balekwa'o dujuna̧lenama, isabenö jwiinö otiwa'o dujuna̧lakobetjö̧. Jau chömöledö, bi'o babe dujuna̧la'o 'yo̧dekwenama, diteba'o jwibadö dö̧jökakwedösa, balekwa'o babe dujuna̧la'otjö bajalekwönönö otiwa'o dujuna̧lakobe.

2 Corintios 5:3 ပူးပေါင်းရင်းမြစ်များ

Éxodo 32:25

Ja̧danö, Moisésma Israel jojodönö edö ¡ayö! Aarónma jobadönö jweinöma öibinokobe, obadöda batjibanö. Ja̧danö, döpöjojodö bidönö edö, omukwatöködödanö ichejekwadö, jö̧ba̧lö, tjomukwatena.

2 Corintios 5:2

Jau chömöledö baikwö wanedö yötawa: Ina diteba'o böjȩsa'onö ja̧nö, ö̧ö̧ö̧, balekwa'o mölejȩbesa'o 'dudawowe jö̧ba̧lö jwödobedanö ichejekwa,

2 Corintios 5:4

Jau chömöledö, ina bi'o böjȩsa'onö dö̧jayi, usula emawö ö̧ö̧ö̧ jö̧ba̧lö jwödobe. Jo̧kwaijayonö, jejenö jwödi̧ma, ö'wö badibobö dösödobetjö̧ jejenö jwödökö chömöledö, bajalekwönönö ji̧ ja̧kwawa dujuna̧lowe jö̧ba̧lö jejenö jwödobe, ja̧danö babe woawasa'oma, ja̧kwawa jawasa'o baibanö balewachowe jö̧ba̧lö jejenö jwödobe.

Apocalipsis 16:15

Damötjö, Duluwo̧ Jesucristoma ja̧ möle baledakwa̧ma baikwö yöawijatö: A̧ja̧kwaduwitjö. Ö'wiawakwawalö̧jönö ja̧nö eda̧lö te'ada̧lakwawö ju̧kwaduwi, ötjö chichakwa̧ma. Ötjöma, naukwabo̧ ichi̧danö chichakwo̧sa, jojodö wajwitjemi okwanö. Wanedö yötawa: Bakwo̧ kamijido̧ jwibo̧, yenada juna̧lo̧ma, ju'wedö tjichitjö̧ma omönanö emibö 'duawena, kamijido̧ jwibo̧ jö̧könö. Jo̧bama taba jwiinö jo̧. Jejenö ö̧jena, bakwo̧ ötjö chichakwa̧ ö'wiawakwawalö̧jönö ja̧nö eda̧löda te'ada̧lo̧ma. Chichenama otiwanö ö̧jakwo̧, taba̧lökönö, jö̧ba̧lö wanedö yöawijatö Jesúsma, damötjöma.

Apocalipsis 3:18

Chömöledö, jejenö usulasedödanö kwö̧jaduwobetjö̧ ökwödönö pjabatö yötawaduwakwö, wanedö yöbawö. Ötjötjö orotjö kwemaduwo juna̧ladödanö bakibaduwakobetjö̧. Ja̧ oro, ökwölatjö laebaja̧ bakwai̧ oro, jwiinö mikwawi̧ oroma. Ja̧danö, ja̧ oro, ötjötjö kwemaduwi̧ oroma, Dios isabenö mikwawi̧ iyi̧ jawa wanekwachobe. Ja̧danö, kamisi̧ dewi̧ o̧di̧juma ötjötjö emibö 'dukawaduwo, otiwanö taba jwiinö kwekachaduwakobetjö̧. Ja̧danö, jowobu'be ötjötjö emö, kwöbajalebiyaduwi kwa̧bekwaduwo yemidanö otiwanö kwedaduwakobetjö̧.