2 Corintios 3:10 - Dios Iwene

¹⁰ Jau chömöledö, ja̧ ikena salöinö dejati̧ omukwatö, Moisés ajayinö Dios ujulu i̧sebinama isabenö salöokobedanö ichejekwa, ikena di̧sebi̧da ja̧tjö jwiinö o̧penönö salöobetjö̧.

2 Corintios 3:10 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 25:5

Deobe Job, baikwö yötawa: Diosma inesö dewinö jo̧, ja̧danö jo̧ba öba a'otjö, yö̧te jawo̧bi, si̧li̧'idöbi dejatöködödanö ichejekwadö, jö̧tö?

Isaías 24:23

Ja̧ möle yö̧te jawo̧ idejati̧ma, salöökakobe, ja̧danö möle jawo̧ idejati̧ma, dejatökönö ötabakwobedanö jakobe. Jau, ja̧ möle Isabenö Jo̧ Okobe Jwiinö Juluwo̧ Diosma Jerusalennö ö̧jakwo̧, Sion mösa'otjö webö ö̧jakwo̧, jadanö iteda ömöledötjö la'aka luwedö tjöba a'o dewinö dejatinö ö̧jakwo̧, jawo̧ idejati̧ma, idejatokobedanö ichejekwinö.

Hechos 26:13

Chuluwo̧, ja'ö chi̧'yemi ja̧wo̧ jweinö ö̧jena, omönanö mölejȩbetjö dewinö dejati̧ salöi̧ma, ja̧wo̧ dewitjö̧ o̧penönö dewinö dejati̧ salöi̧ma, tjösawibijatö ötjöbi ötjökwö ichajadöbi di̧'yenama.

2 Corintios 3:11

Jau chömöledö, ajayi jawama, lekwema ujuninokobe Diosma, ja̧danö ajayinö salöinö dejatinajayonö, ja'yubeda lekwajabetjö salöinö dejati̧ma tjo̧'omanö tiibinobe. Jo̧kwaijayonö jejenömaökö 'yayi̧ wene Dios yöbawö ujunina wenema chömöledö, ba̧kwȩlö̧jatebö ja̧kobe. Ja̧danö, ajayi jawa salöinatjö̧ma, 'yayi̧ jawama ja̧tjö o̧penönö salöinö dejatena ba̧kwȩlö̧jatebö, ja'yubenöbi tibibökönö.

2 Corintios 3:9

Jau chömöledö, ja̧ ajayi wene iyenama, Moisésma Diosda ujulu i̧sebinobe, ¿jö̧tö? Ja̧danö chömöledö, Moisés Dios wei̧ yöawenama, jojodö tjö̧jibakwa̧ wene yöawinokobe, sule woawa weneda yöawinobe, ¿jö̧tö? Jau chömöledö, woawa weneda yöawinobe Moisésma, ja̧danö woawa weneda laebijayonö, yayonö Dios dejatinö ujulu i̧sebinobe Moisésma. Ökwödö yödawi̧ma Moisés yöawinatjö bajalekwönönö mikwawi̧ wene chömöledö, ökwödö yödawi̧ wenema, jojodö sulabe jwibadö batjibobö pjaatobetjö̧. Jau chömöledö, ökwödö yödawi̧ wene ösödadönö, Diosma sulabe jwibadö batjibanö pjaatobe, jo̧kwajabetjö̧ isabenö ajayi wene, woawa wenetjö bajalekwönönö mikwawi̧ chömöledö. Jo̧kwajabetjö̧ ¿dakwö kwomukwataduwa chömöledö? Woawa wene yöbawö Moisés Dios ujulu i̧sebinatjö̧ma, ¿ökwödö jojodö tjö̧jibinö pjaatakwa̧ wene yöbawö Dios ujulu di̧sebökenaji̧? Isabenö di̧sebobe chömöledö, Moisés i̧sebinatjö bajalekwönönö öwaetjöda Dios salöinö dejatinö ujulu i̧sebadösa chömöledö.

2 Pedro 1:17

Jau chömöledö, belö Diosnö ösödakwawa'o mö'ösa'onö Duluwo̧kwö dö̧jenama, Dabe'do Diosma jo̧banö i̧sebinobe, Bitema otiwanö chomukwatökwe, jö̧ba̧lö. Jau chömöledö, otiwanö omukwati̧ i̧sebö Duluwo̧ Jesús salöinö idejatobö weinobe, ja̧danö Duluwo̧ jejenö idejatenama, ökwödöma ja̧ baledi̧ dedijatö. Ja̧danö, inesö salöinö dewobe mölejȩbetjö ökwöi̧: —Bitema ötjöda chitji̧, jwiinö chösödökwe— jö̧ba̧lö Dios yöawi̧ ökwöenama, ökwödöma ja̧ ökwöi̧ mölejȩbetjö da̧ja̧kwijatö chömöledö. Jau chömöledö, Duluwo̧kwö ja'o mö'ösa'onö dö̧jena, ja̧ baledi̧ma döbajalenö dedijatö, ja̧danö dölakiyunö da̧ja̧kwijatö. Jau chömöledö, jejenö edinadösa, ja̧danö jejenö a̧ja̧kwinadösa, jo̧kwajabetjö̧ isabenö yödawi̧ kwösödaduwobö jo̧be chömöledö.

Apocalipsis 22:5

Ja̧danö, yö̧tebi jwiobe jobema, möledanö dewinö dejatobetjö̧. Ja̧danö, la̧pa̧la̧yu̧bi̧yabi jwiobe, dewinö dejatobetjö̧. Ja̧danö, ja̧wo̧bi idejatokobe, Duluwo̧ Diosda dewinö idejatobetjö̧. Jobe ju̧kwadöma la'aka luwedödanö webö tjö̧jobe, ba̧kwȩlö̧jatebö.