2 Corintios 12:18 - Dios Iwene

¹⁸ Belö ötjökwö kwebachajiabo̧ Titonö kwiteboduwibe i̧'yobö atebijatö, ja̧danö jelo̧ döjawo̧nö jo̧bakwö wetijatö, ¿jö̧tö? Jo̧ba Titoda ¿ökwödönötjö iteda eminaji̧? Eminokobe chömöledö, jo̧bama ötjö chomukwati̧danö bakwainö omukwatö, ötjö ja̧bö chö̧ji̧danö bakwainö jo̧babi ja̧bö ö̧jinobe, ¿jö̧tö?

2 Corintios 12:18 ပူးပေါင်းရင်းမြစ်များ

1 Corintios 4:21

Ja̧danö, ökwödönö edö chichenama, ¿dakwö chichobö kwösödaduwa chömöledö, labinö ökwödönö kwakwabödanö chichoböö̧kö̧, dösölö̧jinö ökwödönö ösödö chichoböö̧kö̧? Lȩtebi̧ kwa̧ja̧kwaduwitjö̧ma dösölö̧jinö ösödanö chichena, jo̧kwaijayonö kwa̧ja̧kwaduwökötjö̧ma kwakwabödanö jwebebö chichocha chömöledö.

2 Corintios 7:2

Chömöledö, jo̧da yöta̧laja̧danö, isabenö ökwödönö kwösödaduwo, ökwödönö sulabenö ja̧dokobetjö̧. Jau chömöledö, ökwödötjö bakwo̧nöbi sulabenö ja̧dijökötö, ja̧danö bakwo̧nöbi sulabenö yöda̧lijökötö omöna wene ösödo jö̧ba̧lö, ja̧danö ökwödöda demotö jö̧ba̧lö bakwo̧nöbi omöna yöda̧lijökötö chömöledö. Jau chömöledö, bakwainö otiwanö ja̧dijatö ökwödönö, jo̧kwajabetjö̧ isabenö ökwödönö kwösödaduwobö jo̧be.

2 Corintios 7:6

Jo̧kwaijayonö, Diosma o̧'wo̧ tjo̧achadönö tjujuluwachibanö pjabato̧ chömöledö, ja̧danö ökwödönö pjaatinobe. Jau chömöledö, do̧'wo̧ luwo̧nö ujuluwachibanö pjabatö, döjawo̧ Tito ichobö weinobe Diosma.

2 Corintios 8:6

Ja̧danö, ja̧ wene omukwatö, Titonö yödawijatö, yemidanö ökwödö Corintio jojodö kwiteboduwibe i̧'yobö, ökwödö kwiyaduwakwa̧ jawa pjaatobö. Jau chömöledö, belö Titoda ökwödönö pjaatinobe, ja̧ iyawa baladama 'da̧batö kwujunaduwobö, ¿jö̧tö? Jo̧kwajabetjö̧ jo̧banö yödawijatö, ja̧ Jerusalénnö ju̧kwadönö kwiyaduwobö kwomukwatinaduwa balada jawa pjaatobö, ajayinö kwomukwatinaduwadanö otiwanö kwiyaduwakobetjö̧.

1 Pedro 2:21

Jau chömöledö, kwöwaisaduwa, Diosma jejenö kwo̧'wo̧ 'dibachibö usula kwemawaduwobö ösödo̧, jejenö otiwanö ja̧bajadö usula kwemawaduwo jö̧ba̧lö Diosma ökwödönö jwöinobetjö̧. Jau chömöledö, Cristobi ökwödönö pjabatö usula emawinobe, ja̧danö Duluwo̧ jejenö usula emawinobetjö̧, ökwödö jo̧ba ömöayedöbi usula emawö kwö̧jaduwobö jo̧be. Jau chömöledö, Cristoma sulabenö ja̧bökönö usula emawinobe, ja̧danö otiwanö ja̧köbaduwakwa̧ i̧sebinobe, jo̧ba ja̧inadanö ökwödöbi ja̧bö kwö̧jaduwakobetjö̧.