1 Timoteo 6:21 - Dios Iwene

²¹ Ja̧danö ju'wedöma, Aaa, biya̧ma domukwato, waisakwawa ji̧, jö̧ba̧lö tjomukwatobetjö̧, waekwadö, Cristonö ösödö dö̧ji̧tjö 'da̧bachibö tji̧'yobetjö̧. Biya̧da yöbawö chiwȩyuda, ja̧danö Diosnö ateba, ökwödönö lȩlö̧jinö edö pjaatobö. Biya̧data.

1 Timoteo 6:21 ပူးပေါင်းရင်းမြစ်များ

Mateo 6:13

Ja̧danö, sulabenö ja̧dakwojobö jö̧ba̧lö ja̧i̧ jawa döbaledenama, dujuluwachibanö pjabati, sulabenö ja̧dapji jö̧ba̧lö. Ja̧danö inesö sulabo̧ ujulutjö dö̧jibinö pjabati, Dabe'do jö̧ba̧lö akebaduwo Kwabe'doduwi Diosnöma— jö̧ba̧lö yöawinobe Jesúsma.

Romanos 16:20

Jau chömöledö, do̧'wo̧ luwo̧nö wene jwiinö dö̧jobö pjabato̧ma Diosda, ja̧danö juluwanö söbebö loakobe döpöjojo Awetja ujuluma. Jejenö söbebö loenama, Awetjanö kwömasapaduwinö kwöja̧taduwobedanö ja̧kobe chömöledö, ökwödönö ujuluwokobetjö̧. Ja̧danö, Duluwo̧ Jesús kabatökönö mikwa jwiinö otiwa jawa iyö ökwödökwö ja̧nö pjaatobö ateba Diosnö chömöledö.

Romanos 16:23

Gayobi dokwa aebobe, jo̧ba ejunö ötjö Pablo chö̧ja babema, ja̧danö beju Gayo ejunö bemi jojodö Jesúsnö ösödadö ko̧ko̧kwö tjö̧bobe. Erastobi dokwa aebobe, jo̧bama bemi comunidad jawa balada te'ada̧lo̧. Ja̧danö döjawo̧ Cuartobi dokwa aebobe ökwödönöma.

Colosenses 4:18

Ötjö Pabloma biya̧ bajaleapo jawa chömamunö chiwȩyuda, ötjö Pabloma detawobedanö dokwa jö̧ba̧lö ateba. Chömöledö, ötjö ka̧lena chö̧bi̧ma kwo̧'wo̧ jwibibökönaduwi. Diosma ökwödönö lȩlö̧jinö edobö chösöda chömöledö. Biya̧data.

1 Timoteo 1:19

Ja̧danö kabatökönö Cristonö ösödö kwö̧jo, ja̧danö kwomajadenö kwöwaisi̧danö, jwaikwöda otiwanö ja̧bö kwö̧jo, sulabenö ja̧bökönö. Ju'wedöma tjomajadenö tjöwaisi̧danö ja̧bö tjö̧jinokobetjö̧, waekwinobe. Ja̧danö, Dios iwene tjösödo jö̧tja̧li̧ wenema kabatibö, isa̧ökö weneda tjösödinobe.

1 Timoteo 1:6

Timoteo, ju'wedöma jweinö yöawakwawa katjatibinobetjö̧, mikwawö̧kö̧ jawada yöba̧lakwawö tjö̧jobe.

1 Timoteo 6:10

Jau Timoteo, baikwö wanedö yötawa: Balada ösödakwawama, sulabe bö'diadanö ji̧, ja̧danö balada ösödakwawatjö, nöinö suli̧ pokwobedanö ichejekwa. Ja̧danö, ju'wedö nöinö balada tjujuna̧lobö tjösödobetjö̧, Cristonö ösödö dö̧ji̧tjö 'da̧bachibö tji̧'yajabe, balada tjujuna̧lobö isakwö. Ja̧danö, jejenö 'da̧bachibö tji̧'yajabema, kabatökönö jwiinö o̧'wo̧ tjo̧achadö tjuju̧kwobe.

2 Timoteo 2:18

Jobadöma jweinö yöawakwawatjö 'da̧bachibö tji̧'yajabe, ja̧danö jobadöma sulabenö yötjawobe, wobinadö 'yabibajö tjeachakwawama ida̧ökö baledinobe jö̧ba̧lö. Jejenö sulabenö yöbawö ju'wedönö suli̧ tjöwaedobe, Dios yöawi̧ ösödakwawa katjatibobö ja̧tjobetjö̧.

2 Timoteo 4:22

Duluwo̧nö ateba, ökwökwö ja̧nö kwo̧'wo̧ luwo̧nö pjaatobö. Duluwo̧ ökwönöbi, ökwökwö ju̧kwadönöbi lȩlö̧jinö edobö chösöda. Biya̧data.

Tito 3:15

Okobe deinö ötjökwö ju̧kwadöma dokwa atjebobe ökwönö Tito, ja̧danö ökwödö dömöledö Jesúsnö ösödadönö yökawo, jobadönö dokwa jö̧ba̧lö adebi̧ma. Duluwo̧ okobe deinö ökwödönö lȩlö̧jinö edobö ateba Diosnö Tito. Biya̧data.

Hebreos 13:25

Chömöledö, Diosnö ateba ökwödönö lȩlö̧jino edö pjaatobö. Tjo̧wi̧ta, biya̧da wȩyudö weta.