1 Timoteo 5:4 - Dios Iwene

⁴ Jo̧kwaijayonö, bakwuju jilekwenö wobekwinujuma ji̧tji̧mubi, jö̧'dö̧döbi tjuju̧kwitjö̧ma, jobadöda jobujunö tjite'ada̧lobö jo̧be, Dios wei̧danö. Jau Timoteo, ajayinöma tjabe'do tjojo'doma jobadönö tjite'ada̧linobe, ¿jö̧tö? Ja̧danö, babema balekwa mikwa tjojo'do jilekwenö wobekwinujunö ja̧danö tja̧'do̧ jilekwenö wobekwinujunö tjite'ada̧lobö jo̧be. Ja̧danö, jejenö te'ada̧lö tjö̧jobö ösödo̧ Diosma.

1 Timoteo 5:4 ပူးပေါင်းရင်းမြစ်များ

Génesis 47:12

Ja̧danö, Joséma kwakwawabi iyabijetö abe'donö, öpöedönö, ö̧ja̧wo̧nö, okobe deinö ömöledönö, bakwasokwena, tji̧tju̧mukwena tju̧kwa kwakwawa tjujuna̧lobö.

Génesis 47:28

Ja̧danö, Jacobma Egiptonö ji̧jetö diecisiete a̧yo̧, ciento cuarenta y siete a̧yo bo̧ ujuna̧lenanö.

Diosnö ösödo̧ Job mikwo̧ usula emawina jawa 18:19

Iteda itebotjö, bakwo̧bi iteda itji̧mu tupadanö jojodötjöma deakobe, ajayinö kwebachö ö̧jinemi nijinö, itji̧mutjö bakwo̧bi deakobe.

Proverbios 31:28

Ji̧tji̧mu̧ma jobujunö jwiinö ösödö, dojo'doma jwiinö otiwanö omukwatuju, jö̧ba̧lö, yötja̧loko. Ja̧danö, jilekwebi jobujunö ösödö, otiwanö omukwatuju chilekwoma, jö̧ba̧lö, yöa̧loko.

Isaías 14:22

Jau, isabenö Dios lȩebakobe Babilonia jojodönö, baikwö laebobe Isabenö Jo̧, Okobe Jwiinö Juluwo̧ Dios yöawi̧ma: —Ötjöma a̧la̧ibö jobadönö chölakwabikwawakwo̧sa, ja̧danö babe Babilonia comunidad imi a̧ja̧kwö, –Inesö juluwadö tjö̧jemi, –jö̧ba̧lö tjomukwatijayonö, imi söbebö lotajobedanö ja̧kobe, bakobe Babilonia jojodö tjujulu söbebö lotakobetjö̧, ja̧danö ji̧badö deinö jobadönö söbebö lotakobetjö̧. Jau, jobe ju̧kwadö tji̧tjimunöbi, tji̧tji̧mu tupadanö jojodönöbi söbebö lotocha, Babilonia comunidadma bakobe ji̧badö deinö ja̧kobetjö̧.

Lucas 2:51

Ja̧danö jemi ikenama, Jesúsma jobetjö labebö, jobadökwö Nazaretbe ȩwa̧jinobe, ja̧danö, jobadökwö ja̧nö otiwanö wetji̧ a̧ja̧kwö ö̧jinobe. Ja̧danö, ojo'do Maríama okobe jwiinö ja̧ Jerusalénnö baledina jawa jomajadenö omukwatö jö̧jinobe, ¿dakwö jö̧ba̧lo̧jö? jö̧ba̧lö.

1 Timoteo 2:3

Jejenö ja̧bö dö̧jobö otiwa, ja̧danö dö̧jibinö ja̧bo̧ Diosma jejenö ja̧bö dö̧jobö ösödo̧.

1 Timoteo 5:16

Ja̧danö jilekwe wobekwinuju jömöledötjö bakwuju Jesúsnö ösöduju jö̧jitjö̧ma, jobuju Jesúsnö ösödujuda jömöledösuju wobekwinujunö jite'ada̧lobö jo̧be, ju'wedö Jesúsnö ösödadö jobujunö tjite'ada̧lapji jö̧ba̧lö. Ja̧danö, jejenö pjajatobetjö̧, Jesúsnö ösödadöma ju'wedönö pjatjatobö tjujuna̧lakwedö, isabenö tjömöledö debadönöda.

Tito 1:11

Jobadö 'wi̧inö batjibobö jo̧be, yötjawoko jö̧tja̧li̧ jawa yötjawobetjö̧. Ja̧danö, jejenö yötjawoko jö̧tja̧li̧ jawa yötjawobetjö̧, ju'wedö jojodö okobe deinö tjömöledökwö isabenö wene katjatibobe. Jejenö sulabenö yöbawadöma otiwanö omukwatöma yöbawöködö, sule nöinö balada tjemotö jö̧ba̧löda, jojodönö omöna yöbawadö.

Jueces 12:14

Jo̧ba Abdonma itji̧mu ömadönö cuarentabedönö ujuna̧linobe, ja̧danö ö̧'dö̧dö ömadönö treintabedönö ujuna̧linobe. Okobe deinö Abdon itji̧mubi, ö̧'dö̧döbi bakwo̧nökwena tjajwi bulokwena tjujuna̧linobe, ja̧danö tjajwikwena oma'anö wanö kwebachiatjinobe. Jo̧ba Abdonma jelemutjö wapötakwa o̧biya baledibanö israel la'aka luwo̧ ö̧jinobe,