1 Timoteo 5:19 - Dios Iwene

¹⁹ Ja̧danö, ju'wibi yötawa Timoteo. Bakwo̧da Jesúsnö ösödadönö te'ada̧lakwawa luwo̧nö, Aaa, bitema sulabenö ja̧ajabe, jö̧ba̧lö yöa̧litjö̧ma, juluwanö a̧ja̧kwökönuwi yöa̧li̧ma. Jo̧kwaijayonö du̧ju̧tajaö̧kö̧, wa̧medukwaö̧kö̧, Bite sulabenö ja̧aja̧ dedajabe, jö̧ba̧lö yötjawitjö̧ma yötjawi̧ kwa̧ja̧kwo Timoteo, isabenö sulabenö ja̧obetjö̧.

1 Timoteo 5:19 ပူးပေါင်းရင်းမြစ်များ

Mateo 18:16

Jo̧kwaijayonö yökawi̧ a̧ja̧kwobö öpöjöditjö̧ma, ju'wedö kwömöledötjö bakwo̧nöö̧kö̧, du̧ju̧tajanöö̧kö̧ öbibö yemidanö 'ya̧wi, Dios damötjö weinadanö du̧ju̧tajaena, wa̧medukwaena ja̧i̧ edajadö, jo̧banö isabenö yöka̧li̧ wene jweinö yötjawakobetjö̧.

Juan 18:29

Tjichibena Pilatoma ejutjö labebö jobadönö abebö a̧ja̧kwinobe: —Bitenöma ¿tajawedö kwichejebaduwa? ¿Taji ja̧inada?— abebö a̧ja̧kwiawö̧:

Juan 8:17

Moisés iwȩyudina, ja̧bö kwö̧jaduwobö iwȩyudinatjö yöawobe, Du̧ju̧tajanö bakwainö yötjawitjö̧ma jweinö yöawakwawa jȩna, jö̧ba̧lö.

Hechos 11:30

Ikenama webijadötö Bernabénö, Saulonö ja̧ tjiyaja̧ baladama tje'ewobö, Jesúsnö ösödadönö te'ada̧lakwawa jojodönö tjiyobö.

Hechos 25:16

Jo̧kwaijayonö jejenöma chöpöjödijatö. Jö̧ta̧lijatö jobadönö, Jejenöma ökwödö romano jojodöma wedokobe. Jwötjeba̧lökwema abönö jo̧bakwö jo̧banö jwöbeba̧ladökwö bakobe ja̧nö, jo̧bama jwötjeba̧li̧ a̧ja̧kwö atadobö wedobe, jö̧ba̧lö.

2 Corintios 13:1

Jau chömöledö, babema yemidanö wa̧pötakwanö baibanö chi̧'yocha kwiteboduwibe, ja̧danö isabenö lȩtebocha ökwödötjö a̧ja̧kwökönö ina sulabenö ja̧badönö. Ja̧danö chömöledö, sulabenö ja̧badönö lȩtebenama, bakwo̧da jelo̧ ja̧ina yöawitjö̧ma juluwanö chösödökena, Dios damötjö weinadanö sule du̧ju̧tajaö̧kö̧, wa̧medukwaö̧kö̧ tjedina jawa jweinö yötjawitjö̧da lȩtebocha.

Deuteronomio 17:6

—Jo̧kwaijayonö, isabenö kwa̧ja̧kwaduwaja̧danö sulabenö tjösödojobö kwisakwaduwenama, sule bakwo̧da sulabenö ja̧tjaja̧ wene yöawitjö̧ma, lȩkebaduwobö jwiena, baikwö yötawa: Du̧ju̧tajaö̧kö̧, wamedukwaö̧kö̧ jweinö tjedaja̧ yötjawitjö̧ma, –Isabenö bite, bisuju sulabenö ja̧aja̧ dedajabe, –jö̧ba̧lö yötjawitjö̧ma, jenada yötjawi̧ kwösödaduwobö ja̧kobe, ja̧danö sulabenö ja̧bo̧nö kwabö loköbaduwobö ja̧kobe. Jo̧kwaijayonö sule bakwo̧da yöawitjö̧ma yöawi̧ kwösödaduwobö jwiakobe, ja̧danö lȩkebaduwobö jwiakobe.

Deuteronomio 19:15

Tupakwö yöawinobe Moisesma: —Chömöledö, lȩekwa luwedö tjöba a'otjö jelo̧ sulabenö ja̧ina wene yötjawenama, sule bakwo̧da, –Bite sulabenö ja̧ina chedijatö, –jö̧ba̧lö yöawitjö̧ma, lȩekwa luwedö a̧ja̧kwö lȩtjebobö jwiena, sule bakwo̧da yöawajabetjö̧. Du̧ju̧tajaö̧kö̧, wamedukwaö̧kö̧ tjedaja̧ bakwainö yötjawitjö̧da yötjawi̧ tjösödobö ja̧kobe, ja̧danö yötjawi̧ ösödö, sulabenö ja̧binanö lȩekwa yötjawobö ja̧kobe.

1 Timoteo 4:14

Ja̧danö, Dios ökwönö ja̧bö kwö̧jo jö̧ba̧lö ökwönö iyinama, iyinadanö ja̧bö kwö̧jo. Damötjö Jesúsnö ösödadönö te'ada̧lakwawa luwedö kwuunö tjömamu 'bibeba̧lö ja̧tjenama, Dios yöawi̧ yöbawadöma ökwö ja̧bö kwö̧jakwa̧ wene yötjawinobe. Ja̧danö, jejenö yötjawenama, Diosma ökwönö iyinobe, jo̧banö ösödö ja̧bö kwö̧jakwa̧ma. Ja̧ ökwönö iyina, biya̧ ja̧bö ötjönö kwösödo jö̧ba̧lö iyinama, ja'yubebi junibökönö ja̧bö kwö̧jo Diosnö ösödö.

1 Timoteo 5:17

Ja̧danö, Jesúsnö ösödadönö te'ada̧lakwawa luwedönö yötawa. Jesúsnö ösödadönö te'ada̧lakwawa luwedöma, otiwanö te'ada̧lö tjö̧jitjö̧ma, tjite'ada̧lawö̧ Jesúsnö ösödadöma jobadönö tjösödobö jo̧be, otiwanö jobadönö omukwatöbi, böjȩ tjö̧ji̧ jawa pjabatöbi. Ja̧danö, te'ada̧lakwawa luwedötjö nöinö Dios iwene yöbawö, nöinö Jesúsnö ösödadönö ba̧ja̧dö otidadönö isabenö tjösödobö jo̧be, otiwanö omukwatöbi, böjȩnö tjö̧ji̧ jawa pjabatöbi.

Tito 1:6

Te'ada̧lakwawa luwo̧ otidakwo̧ma ju'wedö jo̧banö sulabenö yötja̧loböma jwibo̧, ja̧danö ilekwo bakwujunöda juna̧lo̧, jobujukwöda jo̧. Ja̧danö, te'ada̧lakwawa luwo̧ otidakwo̧ i̧tji̧muma Jesúsnö ösödadö, ja̧danö i̧tji̧munö bidöma omukwatöködö, weawa a̧ja̧kwöködö jö̧ba̧lö ju'wedö yötja̧lököwö̧.

Hebreos 10:28

Chömöledö, domukwato damötjö, bakwo̧ Moisés wei̧ öpöjödö, Cha̧ja̧kwökö, jö̧ba̧lö, kabatibo̧nö baledina. Jo̧banö kwabö lotjobö weinobe dujutaja, wa̧medukwa yötjawena, Bitema a̧ja̧kwökö, jö̧ba̧lö. Le jwiinö edö jo̧ba a̧ja̧kwö̧kö̧nö kwabö lotjobö weinobe. Jo̧kwaobetjö̧ chömöledö, Moisés wei̧ a̧ja̧kwö̧kö̧nöbi kwabö lotjobö weinobema