1 Timoteo 4:6 - Dios Iwene

⁶ Jau Timoteo, biya̧ ökwönö yöbawö chiwȩyudaja̧ma dömöledönö Jesúsnö ösödadönö yökawitjö̧ma otiwena, kwuluwo̧ Cristo Jesús ömöayo̧ otiwo̧ kwö̧jena. Ja̧danö, kwo̧'wo̧ luwo̧nö kwöda̧peacho jö̧ba̧lö, kabatökönö waisachö kwö̧jo, isabenö wene, otiwa jawa Jesús jawa wene, a̧ja̧kwö kwösödina wenema.

1 Timoteo 4:6 ပူးပေါင်းရင်းမြစ်များ

Proverbios 4:2

Ötjö yötawi̧ma ökwödönö otiwanö öbibö yötawobetjö̧ kakatibaduwoko, kwösödaduwo, otiwa, jö̧ba̧lö.

Mateo 13:52

Tupakwö yöawinobe Jesúsma: —Chömöledö, Moisés iwȩyudina jawa ba̧ja̧dadötjö mölejȩbe jo̧ yöbawö weena jawabi waisachibajadöma, isabenö otiwanö tjöba̧ja̧dakwedö, damötjö tjiwȩyudina jawa nöinö mikwawi̧ jawakwö, 'yayi̧ jawa tja̧ja̧kwaja̧ jawakwö otiwanö tjöba̧ja̧dobetjö̧— jö̧ba̧lö.

Lucas 1:3

ja̧danö ötjöbi jejenö chiwȩyudobe ökwönö. Okobe jwiinö ja̧ Jesús ö̧jina wene jawa chöwaisachajabe, ajayitjö baikwö bajalenö, ja̧danö jweinö ajayitjö baikwö bajalenö ja̧ baledina wene chiwȩyudobö chomukwatobe ökwö Teófilo mikwo̧nö.

Hechos 1:15

Ju'wi möle jobadö tjoko̧ko̧kwena, ciento veinte jenanö ju̧kwijadötö. Pedroma jobadö tjö'da̧denö jamatö yöbawijetö:

Hechos 20:31

Jo̧kwaobetjö̧ yöta̧la chömöledö, otiwanö kwite'ada̧laduwo ökwödödabi, ökwödö kwite'ada̧laduwawö̧nöbi. Kwomukwataduwo, ötjöma wa̧pötakwa o̧biya jenanö mölebi, yö̧tebi budekwabinö lȩbebö yöbawiachijatö. Kwite'ada̧laduwo ökwödödabi, ökwödö kwite'ada̧laduwawö̧nöbi— yöbawijetö Pabloma.

Hechos 20:35

Jejenö ökwödönö i̧sebö chotidijatö chömöledö, ökwödöbi ötjö chotidobe edö kwomukwataduwobö, Aaa, ja̧danö ökwödöbi dotido, demaja̧ baladanö diyo usula jojodönö pjabatö, jö̧ba̧lö. Kwomukwataduwo chömöledö Duluwo̧ Jesús yöa̧linama. Jo̧bama baikwö yöba̧lijetö: Isabenö ju'wedönö pjabatö ja̧bo̧ma o̧'wo̧ ösöwanö jo̧. Jo̧bama jelo̧ tjiyökwe o̧'wo̧ ösöwanö ö̧jemitjö̧ o̧penönö o̧'wo̧ ösöwanö jo̧. Jejenö Duluwo̧ Jesús yöba̧lijetö—yöbawijetö Pabloma.

Romanos 15:15

Jo̧kwaijayonö, ida̧ökö waisadöja jö̧ba̧lö chomukwatijayonö, ina wȩyudö weta ökwödönöma biya̧ jawa kwomukwataduwobö, biya̧ jawa kwo̧'wo̧ jwikibaduwapji jö̧ba̧lö. Diosma otiwa jawa iyö judío jojodöböködönö yötawobö weinobetjö̧, yebabökönö wȩyudö wetajabe, Diosma ötjönö 'da̧batö ujuninobetjö̧ judío jojodöböködönö yöbawo̧ batibanö. Jau chömöledö, Cristo Jesús ömöayo̧sa, ja̧danö jo̧ba wei̧ ja̧bö judío jojodöböködönö pjatatobe. Wanedö yötawa, Jjudío jojodöböködönö pjatati̧ma: Diostjö judío jojodöböködötjö ö'weje pjabato̧danö chichejekwa chömöledö, jobadönö otiwa jawa wene yötawobetjö̧. Ja̧danö, ö'weje jojo chotidobema, judío jojodöböködönö Dios ö̧jobekwö ötibobedanö ichejekwa. Ja̧danö, jobadönö chiyobedanö ichejekwa Diosnöma, jobadönö edö iteda ömöledö batjibanö ösödö emo jö̧ba̧lö. Ja̧danö, Dios O̧'wo̧ Luwo̧ jobadönö 'da̧batö ujunobetjö̧, Diosma jobadönö emö ösödobe chömöledö.

1 Corintios 4:17

Ja̧danö, jejenö ötjö ja̧bö chö̧ji̧danö ja̧bö kwö̧jaduwo jö̧ba̧lö, chitji̧danöbo̧ chösödökwe Timoteonö wetajabe ökwödönö pjaatobö chömöledö. Jau chömöledö, bakobe Jesúsnö ösödö dö̧jobetjö̧, ötjöda chitji̧danö ichejekwobe Timoteoma, ja̧danö jo̧bama jwaikwöda Duluwo̧ wei̧ ja̧bö jo̧. Jo̧bama ökwödönö pjaatakobe, Cristonö ösödö chö̧ji̧ kwomukwatibaduwobö. Jau chömöledö, okobe deinö ko̧ko̧kwö tjö̧bajitenia Cristonö ösödadönö yötawenama, bakweminö Cristonö ösödö ja̧kwawa yötawobe. Ja̧ chöba̧ja̧di̧ jawa kwomukwatibaduwobö pjaatakwo̧ Timoteoma.

2 Corintios 11:23

Ja̧danö jobadöma yötja̧lobe, ökwödödasa Cristo ömöayedö otiwadö jö̧ba̧lö, ¿jö̧tö? Wame jawa omukwato̧ yöa̧li̧danö baikwö atadö yöta̧la, ötjöma jobadötjö bajalekwönönö Cristo ömöayo̧ otiwo̧sa, baikwö yöta̧la: Tjotidi̧tjö bajalekwönönö nöinö chotidobe, ka̧lena tjö̧bi̧tjö bajalekwönönö nöinö ka̧lena chö̧bobe, ja̧danö jobadötjö bajalekwönönö chöba̧ja̧dökenanö kwakwatjajökwe chö̧jobe, ja̧danö jobadötjö bajalekwönönö nöinö woto jö̧ta̧lobe.

2 Corintios 3:6

Jo̧bada ökwödönö ujuninobe, iteda yöbawö ujunina wene 'yayi̧ wene otidadö badibanö, ja̧danö jo̧bada pjaatobetjö̧, otiwanö yöbawadösa, ökwödöbi, ju'wedöbi isabenö ja̧kwawa kwujuna̧laduwobö. Ja̧danö, yödawi̧ wene, Dios yöbawö ujunina wene 'yayi̧ wenema, Moisés iwȩyudina Dios weina jawamaökö chömöledö, Dios O̧'wo̧ Luwo̧ jawada. Jau chömöledö, Moisés iwȩyudina laebi̧danö jojodö ja̧bö tjö̧jokobetjö̧, lȩekwa jo̧be jobadönö, jo̧kwajabetjö̧ Moisés iwȩyudinama sule wobaleda iyobe, ¿jö̧tö? Jo̧kwaijayonö Dios O̧'wo̧ Luwo̧ma, ja̧kwawa iyo̧.

2 Corintios 6:4

Jau chömöledö, okobe jwiinö ja̧bö ja̧nö di̧sebobe, isabenö Dios ömöayedösa jö̧ba̧lö. Baikwö yötawa jejenö di̧sebi̧ma chömöledö: Do̧'wo̧ 'dibachibö ja̧nö, nöinö wene baledadösa, ja̧danö ju'wibi usula emawakwawa baledadösa, ja̧danö ju'wibi ökwödönö sulabenö baledi̧ baledadösa.

Efesios 6:21

Chömöledö, döjawo̧ Tíquico mikwo̧, Duluwo̧ weina ja̧bo̧ma yöawakobe okobe jwiinö ötjö chö̧ji̧bi, ja̧ti̧bi bena chö̧jobema, kwöwaisachibaduwobö ötjönö baledi̧ma.

Filipenses 2:20

Jo̧ba Timoteonöda wetobö jo̧be chömöledö, jelo̧ jo̧bajayo̧ wetakwo̧ deobetjö̧. Jau chömöledö, jo̧ba Timoteoda ötjödanö omukwato̧ma, ja̧danö ökwödönö chösödi̧danö jo̧babi ökwödönö ösödobe.

Filipenses 2:22

jo̧kwaijayonö Timoteonö kwöwaisaduwökwe, bakwo̧ iteda abe'dokwö otidaji̧danö, Timoteoma bakobe ötjökwö otiwa jawa wene otidajibo̧ jö̧ba̧lö.

Filipenses 3:16

Ja̧danö chömöledö, baikwö yötawaduwakwö, ja̧bö dö̧jo jö̧ba̧lö döwaisachibinama, okobe deinö bakwo̧nökwena, ja̧ ida̧ökö döwaisachibina jawa ja̧bö dö̧jobö jo̧be.

Colosenses 2:19

ja̧danö Cristonö dötewö tjö̧jokobetjö̧ jejenö tjomukwatobe chömöledö. Jau chömöledö, ökwödö Cristonö ösödadöma Cristo iteba'obedösa, ja̧danö Cristoda jo̧ba iteba'obedötjö uudanö jo̧ma. Ja̧danö wanedö yötawa: Ökwödö jo̧ba iteba'obedöma, bakobe jo̧ba uudanö jo̧kwö dötewadö dö̧jobetjö̧, jo̧batjö ja̧kwawa jawa emö döda̧peachobe. Jau chömöledö, ja̧ döda̧peachi̧ma, ökwödö jawaokobe, Diostjöda ichi̧ jejenö döda̧peachi̧ma.

Colosenses 3:16

Chömöledö, Cristo jawa wene kwomajadeduwinö omukwatö kwö̧jaduwo, jo̧kwajabetjö̧ waisanö yökawakwawaduwo, ja̧danö waisanö kwöba̧ja̧dakwawaduwo kwömöledöduwikwö. Ja̧danö otiwanö pjabato̧ja jö̧ba̧lö, Diosnö ösödö lo̧köbaduwo, Salmos jawa lo̧awabi, Jesús jawa lo̧awabi, Dios O̧'wo̧ Luwo̧tjö öba̧ja̧di̧ lo̧awabi.

Colosenses 4:7

Chömöledö, Tíquico mikwo̧ma kwiteboduwibe i̧'yakwo̧. Jo̧ba Tíquicoma dösödökwe chömöledö, döjawo̧ Jesúsnö ösödo̧ jö̧ba̧lö, ja̧danö ökwödökwö jwaikwöda Duluwo̧ jawa otido̧ jo̧bama. Jo̧bama kwiteboduwibe ichibö ökwödönö yöawakobe okobe jwiinö ötjönö baledi̧ wenema.

1 Tesalonicenses 3:2

Timoteonö wedijatö ökwödönö edö i̧'yobö. Jo̧ba Timoteoma do̧'wo̧ luwo̧nö döjawo̧, ja̧danö Dioskwö otidö Cristo jawa otiwa jawa wene yöbawö jo̧ jo̧bama. Jo̧banö wedijatö kwo̧'wo̧ luwo̧duwi kwujuluwachibaduwanö tupakwö pjaatobö, ja̧danö Jesúsnö ösödö kwö̧jaduwi̧ pjaatobö,

1 Timoteo 1:10

tji̧lȩkwa̧muböködökwö ja̧badönöbi, ömadö ömadökwö, ja̧danö ya̧dö ya̧dökwö ja̧badönöbi, jojodönö do̧batö naukwabidönöbi, omöna yöba̧ladönöbi, la'aka luwedö tjöba a'otjö ja̧nö jojodö ja̧tjina jawa omöna yöba̧ladönöbi, ja̧danö okobe jwiinö ju'wi jaye isabenö wene laeböködanö ja̧badönöbi webö iwȩyudinobe Moisésma, tjusula tjöwaisachibo jö̧ba̧lö.

1 Timoteo 4:16

Otiwanö ja̧bö kwö̧ji̧bi, ja̧danö Dios iwene yöbawö kwö̧ji̧bi omukwatönö kwö̧jo, Dios ösödi̧danö ja̧bö kwö̧jobö, ja̧danö jwaikwöda ökwönö yötawaja̧danö ja̧bö kwö̧jobö. Jejenö ja̧bö kwö̧jitjö̧ma, ökwöbi ja̧danö yökawi̧ a̧ja̧kwadöbi kwö̧jibaduwakwedöja.

1 Timoteo 6:3

Ju'wedöma yötawaja̧danöma yöbawöködö, ja̧danö Duluwo̧ Jesucristo yöawi̧ öpöjödadö, ja̧danö Cristonö ösödadö ja̧bö tjö̧jo jö̧ba̧lö döba̧ja̧di̧ wene öpöjödadö.

2 Timoteo 1:6

Ja̧danö, jejenö chöwaisobetjö̧, kwujuluwachibanö yötawakwö, Dios ja̧bö kwö̧jobö iyinama, ajayitjö bajalekwönönö jwaikwöda ja̧bö kwö̧jo jö̧ba̧lö. Jau Timoteo, damötjö chömamiju kwuunö 'bibeba̧lö ja̧tinenama, Diosma ja̧bö kwö̧jobö iyinobe, ja̧danö ajayitjö bajalekwönönö ja̧ ja̧bö kwö̧jobö yötawakwö.

2 Timoteo 3:10

Timoteo, ökwöma lekwe möle yötawi̧ kwa̧ja̧kwajabe, ja̧danö ja̧bö chö̧ji̧ kwedajabe, ja̧danö jwaikwöda chisakwi̧ kwedajabe, ja̧danö Dios yöawi̧ chösödi̧ kwedajabe, ja̧danö cho̧'wo̧ 'dibachibö chöbaledi̧ kwedajabe, ja̧danö ösödabikwawö chö̧ji̧ kwedajabe, ja̧danö me'dawachibökönö chö̧ji̧ kwedajabe.

2 Timoteo 4:3

Jau Timoteo, isabenö kwo̧'wo̧ 'dibachibö yökawobö ja̧kobe, baikwö yötawa: Ja'yubenö lekwajabetjö jojodöma otiwanö ba̧ja̧dakwawa tja̧ja̧kwobö tjöpöjödachibakobe, tjo̧wi̧ta, da̧ja̧kwökö jö̧ba̧lö. Ja̧danö, jejenö öpöjödö, idöda tjösödi̧da yöbawadönö tjisakwakobe, tjösödi̧ jawada yöbawadönöma.

Tito 2:1

Tito, ökwöma ju'wedö sulabenö yötjawi̧danöma yökawoko, bakwainö isabenö wene laebi̧ jawada yökawo.

1 Pedro 2:2

Jau chömöledö, ja̧ jawa kabatibö, balekwa̧da kwösödaduwo chömöledö. Wanedö yötawa, tjemu iya̧nö tjeminawö̧danö, kwo̧'wo̧ luwo̧ jawa lechedanö ji̧ma kwösödaduwo chömöledö, otiwanö kwöda̧peachaduwobö.

2 Juan 1:9

Ja̧danö chö̧ja̧wo̧dö, Cristo yöawina kabatibö, idöda tjomukwati̧da 'ya̧döma Dioskwö dötewinö 'yö̧ködö. Jo̧kwaijayonö Cristo yöawina ösödö 'ya̧döma isabenö Dabe'do Dioskwöbi, iteda Itji̧ Jesucristokwöbi dötewinö 'ya̧dö.

Judas 1:5

Isabenö Duluwo̧ lȩebakwawö̧ jobadönö chömöledö, damötjö sulabedönö lȩebinadanö. Jau chömöledö, ida̧ökö kwöwaisaduwijayonö, yayonö yemidanö kwomukwatibaduwobö yötawaduwakwö damötjö baledina jawa, baikwö: Damötjö Duluwo̧ma okobe deinö Israel jojodönö tjö̧jibinö pjaatinobe, Egipto nijitjö latjebobö, ¿jö̧tö? Ja̧danö, ajayinö Egipto nijitjö latjebobö pjaatinajayonö, jemi ikenama jobadö pjaatinajawö̧tjö yöawi̧ öpöjödadönö söbebö loinobe, ¿jö̧tö?