1 Timoteo 4:11 - Dios Iwene

¹¹ Timoteo, biya̧ ökwönö yötawaja̧ma, Jesúsnö ösödadönö yöbawi, ökwönö yötawaja̧danö ja̧bö tjö̧jo jö̧ba̧lö.

1 Timoteo 4:11 ပူးပေါင်းရင်းမြစ်များ

1 Timoteo 5:7

Biya̧ wobekwinadö jawa yötawaja̧ma wobekwinadönöbi, tjömöledönöbi yöbawö weköbo, ju'wedö jobadönö sulabenö tjomukwatapji jö̧ba̧lö.

1 Timoteo 6:2

Ja̧danö, tjuluwedöbi Cristonö ösödadö tjö̧jitjö̧ma, tjuluwedönö sulabenö tjomukwatoko, bitema chömöledöso̧obetjö̧, ötjönö weoko jö̧ba̧lö. Jejenö omukwatökönö, ajayi wetji̧ ja̧bö tjö̧ji̧tjö o̧penönö otiwanö ja̧bö tjö̧jobö jo̧be, bite chösödökwe chömöledöso̧nö pjatatobe jö̧ba̧lö. Jau Timoteo, okobe jwiinö biya̧ ökwönö yötawaja̧ma, Cristonö ösödadönö yökawodönö. Ja̧danö, jobadönö yöbawö weköbo, yötawaja̧danö ja̧bö tjö̧jobö.

2 Timoteo 4:2

Dios iwene yökawo jö̧ba̧lö. Ja̧danö ja̧ yökawo jö̧ta̧laja̧ma, sule wene jwienadamaökö, wene jwienabi, wene jȩnabi yayonö yökawobö jo̧be. Jau Timoteo, ba̧kwȩlö̧jatebö kwo̧'wo̧ 'dibachibö ja̧nö, otiwanö kwöba̧ja̧dobö jo̧be jojodönö. Baikwö yötawa: Jwekebobö baibenama, jwekebobö jo̧be, ja̧danö lȩkebobö baibenama, lȩkebobö jo̧be, ja̧danö tjujuluwachibanö yökawobö baibenama, tjujuluwachibanö yökawobö jo̧be.

Tito 2:15

Tito, biya̧ ökwönö yötawaja̧ma, jojodönö yöbawi. Ja̧danö, Diosda ökwönö ujuninobetjö̧, yebabökönö a̧ja̧kwajadönö lȩbeböbi lȩkebo, tjujuluwachibanö yöbawöbi yökawo. Ja̧danö, okobe deinö Jesúsnö ösödadö yökawi̧ otiwanö tja̧ja̧kwobö webidönö Tito.

Tito 3:8

Jau Tito, biya̧ yötawaja̧ma, jweinö yötawajabe. Tito, biya̧ ökwönö yötawaja̧ma, Jesúsnö ösödadönö yökawobö chösöda. Ja̧danö, otiwanö tja̧ja̧kwobö webidönö, jobadö Diosnö ösödadöma jwaikwöda otiwanö ja̧awa ja̧badö batjibanö tjuju̧kwakobetjö̧. Jejenö ja̧bö ja̧kwawama otiwa, ja̧danö jojodönö pjaatakwawa ji̧.