1 Timoteo 3:14 - Dios Iwene

¹⁴ Timoteo, chedemi juluwanö chi̧'yena, kwö̧jobe Éfesobema, jo̧kwaijayonö, juluwanö chi̧'yobö chomukwatijayonö, ina biya̧ jawa chiwȩyudobe.

1 Timoteo 3:14 ပူးပေါင်းရင်းမြစ်များ

1 Corintios 11:34

Ja̧danö, a̧wi̧chi̧lö̧jitjö̧ma, kwejuduwitjöda abönö kwukwaduwo, ko̧ko̧kwö kwukwaduwenama sulabenö ja̧köbiökwe Dios lȩebapji jö̧ba̧lö. Ja̧danö ju'wijaye abebö kwa̧ja̧kwinaduwa jawama, jobe Corintiobe chichibenada ökwödönö atadö yötawocha, ja̧bö kwö̧jaduwo jö̧ba̧lö.

1 Tesalonicenses 2:18

Kwö̧jaduwobe yemidanö tjedachajobö disakwijatö, ja̧danö ötjöma yemidanö, yemidanö chi̧'yobö chisakwijatö chömöledö, jo̧kwaijayonö Awetjama tjöeba̧linobe, di̧'yökönö.

1 Timoteo 3:13

Jau Timoteo, pjaatakwawa luwedö otiwanö otidadöma, jojodö otiwanö jobadönö tjomukwatobö jo̧be. Ja̧danö, yebabökönö yötjawena Cristo Jesúsnö ösödakwawa jawama, pjaatakwawa luwedö otiwanö otidadöma.

1 Timoteo 3:15

Ja̧danö, chi̧'yobö chomukwati̧ waekwitjö̧ma, böja kwialusöja chiwȩyudobetjö̧, Dios ömöledö otiwanö ja̧bö tjö̧ji̧ma kwöwaisena. Jau Timoteo, ökwödö Jesúsnö ösödadöma Dios ömöledöbedösa, ja̧danö isabenö wene te'ada̧ladösa, ju'wedö sulabenö yötja̧lapji jö̧ba̧lö.

1 Timoteo 4:13

Kabatökönö Dios iwenesa'ye yöka̧lo jojodönöma, ja̧danö kabatökönö Dios iwene yökawo jojodönöma. Ja̧danö, kabatökönö ja̧ jawa ba̧ja̧dö kwö̧jo, ökwökwö chichibenanö kabatö.

Filemón 1:22

Ja̧danö, ja̧ atebaja̧ jawakwö, ju'wibi atebakwö Filemón, ötjö jobe chabakwȩko̧bi kwotidobö ateba. Jau Filemón, chöwaisa, ökwödöma ida̧ökö Diosnö abebadöja ötjönö. Ja̧danö jejenö akebaduwitjö̧, Diosnö cho̧'wo̧ chöwana̧lobe, isabenö akebaduwi̧danö ka̧lena chö̧bi̧tjö labebö, kwö̧jaduwobekwö tjetachajobö Dios weakobe jö̧ba̧lö. Ja̧danö, jejenö cho̧'wo̧ chöwana̧lobetjö̧, jobe chabakwȩko̧ kwotidobö atebakwö.

Hebreos 13:23

Ju'wibi kwöwaisaduwobö chösöda, döjawo̧ Timoteonöma. Jo̧banöma latjebinobe ka̧lena ba̧kwaweju okwatjö. Ja̧danö, chö̧jobekwö juluwanö ichitjö̧ma jo̧bakwö chi̧'yena ökwödönö edö.

2 Juan 1:12

Chö̧ja̧wo̧dö, ina nöinö yöta̧lo jö̧ta̧lijayonö̧ kwialusöjanö wȩyudö yöta̧lo jö̧ta̧lökö. Kwö̧jaduwobe chichobö chosöda, ökwödönö ediakwawö yöta̧lobö. Jejenö ökwödönö ediakwawöda yöta̧lobö jö̧ta̧la, do̧'wo̧ ösöwanö dö̧jobö.

3 Juan 1:14

Te'ada̧lökönö chichobö chösöda kwö̧jobema, ökwönö ediakwawö yöta̧lobö. Gayo, Diosma kwo̧'wo̧ luwo̧nö wene jwiinö kwö̧jobö pjaatakwo̧ja. Bena ju̧kwadö kwö̧ja̧wo̧döma debawö atjebobe, Dokwa, jö̧ba̧lö. Ja̧danö, ötjöbi jobe ju̧kwadö chö̧ja̧wo̧dönö debawö ateba, Dokwa, jö̧ba̧lö, bakwo̧nökwena. Tjo̧wi̧ta biya̧da yöbawö chiwȩyuda.