1 Tesalonicenses 5:6 - Dios Iwene

⁶ Jo̧kwajabetjö̧, wanedö yötawa: Kwo̧'wo̧ luwo̧duwi jawama, ju'wedö tjaba̧li̧danöma daba̧laduwoko chömöledö, möle eda̧ladödanö dö̧jo, 'dukwachinö jö̧könö.

1 Tesalonicenses 5:6 ပူးပေါင်းရင်းမြစ်များ

Proverbios 19:15

Ja̧danö, ju'wibi yötawa: 'Du̧wekwo̧ma otidökönö, aba̧löda aba̧lo̧ bötisinö. Isabenö a̧wi̧chinö ö̧jakwo̧ 'du̧wekwo̧ma otidokobetjö̧.

Isaías 56:10

Jau, wene jwiinö kwujuluwaduwobö jo̧be, israel jojojodötjö eda̧lö tjöbeba̧ladöma tjöbajale tjewawadö tjö̧jobetjö̧, ja̧danö bakobe wajwibadö tjö̧jobetjö̧. Jau, jobadöma awi̧li̧dö wi̧ibedö, luböködödanö ichejekwadö, labidö tjichiawö lutjo jö̧tja̧lijayonö, luböködö. Jau, eda̧lö tjöbeba̧lökönö, bakobe bamatö, abibö tji̧'wi̧dikwobö ösödadö.

Mateo 13:25

Jo̧kwaijayonö, yö̧te okobe deinö tjabonö, jo̧ba öpöjojoma ichö, sula'wosa'ye ödebiyabi ikwö ujuninobe, trigosa'ye 'da̧de pokwobö. Ja̧danö ikwajo̧, ȩwa̧jinobe.

Mateo 24:42

Jo̧kwajabetjö̧, te'ada̧lönö kwö̧jaduwo chömöledö, kwuluwo̧ yemidanö ichakwa̧ möle wajwiköbaduwobetjö̧.

Mateo 25:13

Jau chömöledö, ö'wiakwawönö te'ada̧lö ja̧nö kwite'ada̧laduwo, yemidanö chichakwa̧ möle, ja̧danö yemidanö chichakwa̧ hora wajwiköbaduwobetjö̧— jö̧ba̧lö yöawinobe Jesúsma.

Mateo 25:5

Ja̧danö, ilekwonö emajo̧ ichakwa̧ tjite'ada̧lijayonö, juluwanö ichinokobe, lekwamachinobe, jo̧kwajabetjö̧ jobadö te'ada̧ladöma bö̧ti̧löjachibawö̧ tjabibinobe.

Mateo 26:38

ja̧danö iteda öba̧ja̧di̧ waisachadönö yöawinobe: —Jwiinö o̧'wo̧ tjo̧acho̧sa, cho̧'wo̧ tjo̧achi̧tjö ö'wö batibenanö— jö̧ba̧lö yöawinobe. Ja̧danö, jobadönö weinobe: —Bena ja̧nö abökönö kwite'ada̧laduwo— jö̧ba̧lö.

Marcos 13:37

Ökwödönö yötawi̧ma okobe deinö jojodönöbi tjöwaisobö chösöda. Otiwanö tjöbeba̧lakwawö kwuju̧kwaduwo—jö̧ba̧lö wanedö yöbawijetö Jesúsma öba̧ja̧di̧ waisachadönöma.

Lucas 12:37

Ja̧danö, tjuluwo̧ ichibena ina eda̧lö̧ tjite'ada̧litjö̧ma, isabenö tjo̧'wo̧ ösöwanö tjö̧jakwedö joba̧ ömöayedöma chömöledö. Isabenö yötawaduwakwö chömöledö, ina te'ada̧lö tjö̧jiökwe, tjuluwo̧ma jobadönö ösödö iteda otidadö 'dutjawado̧ kamijido̧ 'duawena, ja̧danö iteda ömöayedönö weena, mesasötenö ba̧nö jo̧bada ite'ada̧lonö tjukwobö.

Lucas 12:39

Ja̧danö, biya̧ wene kwöwaisaduwobö jo̧be chömöledö, chichibakwa̧ wajwiköbaduwakobe, babe ichibakobe jö̧ba̧löma. Baikwö wanedö yötawa chömöledö: Eju luwo̧ma, naukwabo̧ ichibakwa̧ hora öwaisitjö̧ma, ja̧ hora te'ada̧lö ö̧jena, naukwabo̧ tebachö önaukwapji jö̧ba̧lö, ¿jö̧tö?

Lucas 21:36

Jau chömöledö, ökwödöma ba̧kwȩlö̧jatebö eda̧lö ja̧nö Diosnö akebaduwo kwujuluwachibaduwanö pjaatobö, yötawaja̧ baledakwa̧ jawa baledenama, otiwanö kwöbaledaduwakobetjö̧, ja̧danö baledajadö ötjö jojo baibanö jeminökwe chöba a'otjö otiwanö kwö̧jaduwakobetjö̧— jö̧ba̧lö yöawinobe Jesúsma.

Lucas 22:46

Ja̧danö, jejenö abibajadönö edö, Jesúsma jobadönö yöa̧linobe: —¿Tajawedö kwabekwaduwa? A̧laibö Diosnö abebaduwi, sulabenö ja̧köbaduwojobö jö̧ba̧lö ökwödönö baledenama, kwujuluwaduwachibanö pjaatobö, sulabenö ja̧köbaduwapji jö̧ba̧lö— yöa̧linobe Jesúsma.

Hechos 20:31

Jo̧kwaobetjö̧ yöta̧la chömöledö, otiwanö kwite'ada̧laduwo ökwödödabi, ökwödö kwite'ada̧laduwawö̧nöbi. Kwomukwataduwo, ötjöma wa̧pötakwa o̧biya jenanö mölebi, yö̧tebi budekwabinö lȩbebö yöbawiachijatö. Kwite'ada̧laduwo ökwödödabi, ökwödö kwite'ada̧laduwawö̧nöbi— yöbawijetö Pabloma.

1 Corintios 15:34

Sulabenö ja̧köbaduwi̧ kabatibö, tjekachajaduwo chömöledö, yemidanö jweinö kwomukwataduwo jö̧ba̧lö. Isabenö yötawaduwakwö chömöledö, ökwödötjö ju'wedöma Diosnö wajwibadöja chömöledö, ja̧danö jo̧banö wajwiköbaduwobetjö̧, kwötabakwaduwobö jo̧be.

1 Corintios 16:13

Chömöledö, te'ada̧lönö kwö̧jaduwo, ja̧danö 'diinö kwö̧jaduwo Jesúsnö ösödö dö̧ji̧ma, ja̧danö yebabökönö kwö̧jaduwo, ja̧danö kwujuluwachibaduwo chömöledö.

Efesios 2:3

Jau chömöledö, ajayinöma Diosnö öpöjödadö ja̧tji̧danö ökwödöbi okobe deinö sulabenö ja̧bö ju̧kwiadinobe, Diosnö öpöjödö, domajade okwanö sulabe wei̧da ja̧bö. Ökwödö sulabe dösödi̧da, sulabe domukwati̧da ja̧bö ju̧kwiadinobe. Jo̧kwaobetjö̧ ökwödöma Diostjö 'da̧bachibö ja̧döma Dios lȩebi̧tjö lȩebakwawö̧da ji̧nadösa, chömöledö, okobe deinö Diostjö 'da̧bachibö böjȩnö ju̧kwadödanö.

Efesios 5:14

Jejenö omukwatö bakwo̧ma damötjö wȩyudijetö biya̧, damötjö lo̧awadanö: Wilubaduwi ökwödö aba̧ladödanö ju̧kwadöma. Yemidanö 'yabibajaduwi ökwödö wobinadödanö ju̧kwadöma. Cristoma ökwödö kwo̧'wo̧ luwo̧duwi okwanö dewinö idejatakobe kwöwaisachibaduwobö. Jejenö wȩyudijetö damötjö.

Efesios 6:18

Ja̧danö chömöledö, ba̧kwȩlö̧jatebö Dios O̧'wo̧ Luwo̧ ökwödö kwo̧'wo̧ luwo̧duwinö öba̧ja̧da̧lonö a̧ja̧kwö akebaduwo Diosnöma, okobe jwiinö pjaataduwokwö. Kwö'wachibaduwoko chömöledö, Diosnö aekwama. Ba̧kwȩlö̧jatebö, ö'wachibökönö akebaduwo Diosnöma, iteda ömöledö babibadönöma pjaatobö.

Filipenses 4:5

Duluwo̧ma ökwödökwö yöne ö̧jobe chömöledö, jo̧kwajabetjö̧ okobe deinö jojodönö dösölö̧jinö ja̧bö kwö̧jaduwo.

Colosenses 4:2

Ba̧kwȩlö̧jatebö Diosnö abebö kwö̧jaduwo. Jau chömöledö, te'ada̧lönö ja̧nö, Diosnö abebö kwö̧jaduwo, ja̧danö, Otiwanö pjaatajabe, jö̧ba̧lö Diosnö ösödö akebaduwonö.

1 Tesalonicenses 4:13

Chömöledö, wajwiköbaduwapji jö̧ba̧lö, Jesúsnö ösödö wobinadönö yötawa. Jobadönö yötawa chömöledö, kwo̧'wo̧ tjo̧achaduwapji jö̧ba̧lö, Jesúsnö ösödöködö tjo̧'wo̧ tjo̧achi̧danö. Jobadö Jesúsnö ösödöködöma, Aaa, yemidanö dömöledönö dedakwedösa, jö̧ba̧lö Diosnö tjo̧'wo̧ tjöwana̧loböma jwibadö chömöledö, jo̧kwaijayonö ökwödö Jesúsnö ösödadöma jejenö do̧'wo̧ döwana̧lobö jo̧be. Jau chömöledö, Jesús wobajo̧, yemidanö woawatjö tjeachajina wene dösödobe, ¿jö̧tö? Ja̧danö, biya̧ wenebi dösödobe chömöledö, Jesúsnö ösödö wobinadönöbi tjetjachajinö ja̧akwo̧ Diosma Jesúskwö batjibanö, jö̧ba̧lö.

1 Tesalonicenses 5:10

Jo̧ba Jesucristoma dö̧jibobö midawö woinobe, woditjö̧böbi, 'yada̧litjö̧böbi jo̧bakwö dö̧jakobetjö̧.

1 Tesalonicenses 5:8

Jo̧kwaijayonö, ökwödöma möle jojodösa chömöledö, jo̧kwajabetjö̧ 'dukwachinöma dö̧joko. Wanedö yötawa: Döpöjojo ökwödönö ölakwabikwawö ö̧jobetjö̧, guardia jojo omuko tjöekwado̧ 'duawi̧danö, Dios yöawi̧ ösödakwawi̧bi, dömöledönö ösödabikwawi̧bi 'dudawo, tjöekwado̧ baibanö. Ja̧danö, guardia jojo tjöekwaka bötjawaka ubutjawi̧danö, dö̧jibinö pjabato̧ jö̧ba̧lö Diosnö do̧'wo̧ döwana̧li̧ma dubutjawaduwo, tjöekwaka baibanö.

1 Timoteo 2:15

Jo̧kwaijayonö, ya̧döbi tjö̧jibobö jo̧be, jojo baibanö jeminökwenö tjösöditjö̧ma. Ja̧danö, ya̧döbi tjö̧jibakwedö, Jesúsnö ösödö ja̧nö, ja̧danö tjömöledönö ösödö ja̧nö, ja̧danö Aaa, otiwadösa jö̧ba̧lö omukwatökönö ja̧nö, ja̧danö Dios ösödi̧danö ja̧bö tjö̧jitjö̧ma.

1 Timoteo 2:9

Ja̧danö, ya̧dö Jesúsnö ösödadönöbi weta: Ya̧dö kamijido̧ 'dutjawenama, ömadö jobadönö ösödö tjedo jö̧ba̧löma 'dutjawoko, otiwanö ja̧bö ju̧kwadö ya̧dö 'dutjawi̧danö 'dutjawo. Ja̧danö, ya̧dö tjotikwobö jo̧be. Ja̧ tjotikwobö yöta̧li̧ma, nöinö sasiyu tjönönawo jö̧ba̧lö yöta̧lökö, ja̧danö nöinö tjöwö'ye di̧batakwawö ja̧tjo jö̧ba̧lö yöta̧lökö, ja̧danö nöinö oro jawa tjönönawo jö̧ba̧lö yöta̧lökö, ja̧danö nöinö mikwawi̧ kamijido̧ 'dutjawo jö̧ba̧lö yöta̧lökö. Wanedö yöta̧la tjotikwi̧ma, jobadö otiwanö ja̧bö tjö̧ji̧ma, tjotikwobedanö ji̧, ja̧danö, ya̧dö Diosnö ösödadösa jö̧ba̧lö yöba̧ladöma, otiwanö ja̧bö tjö̧jobö jo̧be.

1 Timoteo 3:11

Pjaatakwawa luwo̧ baibanö otidakwo̧ ilekwobi ja̧danö, otiwanö ja̧bö ju̧ju. Ja̧danö, jojodönö sulabenö yöba̧lökuju, ja̧danö nöinö nio ojwiyo owa̧lökuju.

1 Timoteo 3:2

Ja̧danö, te'ada̧lakwawa luwedö jawa yötawa. Te'ada̧lakwawa luwo̧ baibanö otidakwo̧ma, otiwanö ja̧bö jo̧. Ja̧danö, otiwanö ja̧bö ö̧jobetjö̧, jojodö sulabenö yötja̧loböma jwibo̧. Ja̧danö, ilekwo bakwujunöda junalo̧, ja̧danö jobujukwöda jo̧. Ja̧danö, ja̧bö ö̧ji̧ma, bakweminö omukwatö jo̧. Ja̧danö, Aaa, biya̧ma otiwanö ja̧awa, jö̧ba̧lö öwaisi̧danö ja̧bö jo̧. Ja̧danö jojodö, Aaa, bitema otiwanö ja̧bö jo̧, jö̧ba̧lö tjöwaisökweda. Ja̧danö, jelobetjö ichajadö tjichenama, ejutjö dösölö̧jinö tebatö pjabato̧, ja̧danö, Dios iwene ba̧ja̧dakwawa waiso̧.

2 Timoteo 4:5

Timoteo, ba̧kwȩlö̧jatebö jweinö omukwatö kwö̧jo, ja̧danö usula kwemawenama, kwo̧'wo̧ 'dibachibö kwöbaledo. Otiwa jawa wene yöbawö kwotido, ja̧danö ju'wi Dios ökwönö wei̧bi otidö kwö̧jo.

Tito 2:12

Ja̧danö, ja̧ Dios mikwa jwiinö otiwa jawa iyi̧ma ökwödönö ba̧ja̧dobe Diosnö öpöjödö ja̧kwawama kadatibobö, ja̧danö böjȩ jojodö sulabe dösödi̧ jawa ja̧bökönö kabatibö ja̧dobö. Ja̧danö, tupakwö ba̧ja̧dobe ökwödönö, Dios mikwa jwiinö otiwa jawa iyi̧ma, obökönö dö̧jobö, ja̧danö sulabenö ja̧bökönö dö̧jobö, ja̧danö Diosnö ösödö dö̧jobö ina böjȩnö dö̧jayi.

Tito 2:6

Ja̧danö, ömadö ina möayedödanö ja̧dönöbi ba̧ja̧di, tjösödi̧ jawama ja̧tjokobö, biya̧ma otiwanö ja̧awa jö̧ba̧lö tjöwaisi̧da ja̧bö tjö̧jobö.

1 Pedro 1:13

Ja̧ wenema isabenö wene chömöledö, ja̧danö ja̧ wene omukwatö kwö̧jaduwo, otiwanö ja̧bö kwö̧jaduwakobetjö̧. Ja̧danö jweinö omukwatö jwaikwöda ja̧ Dios ökwödönö iyakwa̧ jawa kwo̧'wo̧ kwöwana̧laduwo chömöledö, isabenö Jesucristo yemidanö ichenama, Dios otiwanö iyakwawö̧sa jö̧ba̧lö.

1 Pedro 4:7

Ja̧danö chömöledö, 'dö̧ibaji̧ möle yöneawachibobe. Jo̧kwajabetjö̧, jweinö omukwatö eda̧lakwawö kwö̧jaduwo, ja̧danö waisanö omukwatö Diosnö abebö kwö̧jaduwo.

1 Pedro 5:8

Jweinö omukwatö eda̧lö kwö̧jaduwo chömöledö, kwöpöjojo Awetjama, ökwödönö suli̧ öwaedobö isakwobetjö̧. Kwöpöjojonö baikwö wanedö yötawa chömöledö: Didiba nöbo̧ma tulubö kwebacho̧, ukwakwo̧nö isakwö, ¿jö̧tö? Ja̧danö, Awetjama ökwödönö suli̧ öwaedobö isakwo̧ chömöledö, jo̧kwajabetjö̧ jweinö omukwatö eda̧lö kwö̧jaduwobö jo̧be.

Apocalipsis 16:15

Damötjö, Duluwo̧ Jesucristoma ja̧ möle baledakwa̧ma baikwö yöawijatö: A̧ja̧kwaduwitjö. Ö'wiawakwawalö̧jönö ja̧nö eda̧lö te'ada̧lakwawö ju̧kwaduwi, ötjö chichakwa̧ma. Ötjöma, naukwabo̧ ichi̧danö chichakwo̧sa, jojodö wajwitjemi okwanö. Wanedö yötawa: Bakwo̧ kamijido̧ jwibo̧, yenada juna̧lo̧ma, ju'wedö tjichitjö̧ma omönanö emibö 'duawena, kamijido̧ jwibo̧ jö̧könö. Jo̧bama taba jwiinö jo̧. Jejenö ö̧jena, bakwo̧ ötjö chichakwa̧ ö'wiawakwawalö̧jönö ja̧nö eda̧löda te'ada̧lo̧ma. Chichenama otiwanö ö̧jakwo̧, taba̧lökönö, jö̧ba̧lö wanedö yöawijatö Jesúsma, damötjöma.

Apocalipsis 3:2

Yötawaduwakwö. Wilubakwawaduwi, kwo̧'wo̧ luwo̧duwi okwanö ö'wiawakwawalö̧jönö kwö̧jaduwobö. Ina kwo̧'wo̧ luwo̧duwi okwanö ja'yubeda kwujuna̧laduwena otiwanö kwomukwataduwi̧ma. Jo̧kwaobetjö̧, ö'wiawakwawalö̧jönö ja̧nö, kwo̧'wo̧ luwo̧duwi okwanö kwujuluwaduwo, ja'yubebi otiwanö kwomukwataduwi̧ma jwiinö baibapji jö̧ba̧lö. Chömöledö, Chuluwo̧ Diosma okobe jwiinö ja̧köbaduwobe edo̧. Ja̧danö, chedemi jo̧ba wei̧ kakatibinaduwobe, iteda ja̧bö kwö̧jaduwobö wei̧ma.