1 Tesalonicenses 5:22 - Dios Iwene

²² Ja̧danö okobe jwiinö suli̧tjöma kwöpöjödaduwo sulabenö ja̧bökönö.

1 Tesalonicenses 5:22 ပူးပေါင်းရင်းမြစ်များ

Éxodo 23:7

Ja̧danö, ju'wi wanedö yötawa: Ökwödöma jelo̧nö, sulabenö ja̧ököjayonö waneda̧löma yöka̧laduwoko, lȩekwa omukwatö juna̧dönöma, bitema sulabenö ja̧bo̧, jö̧ba̧lö. Lȩekwa omukwatö junadöma ö'öbönö omukwatö lȩtjebapji, jö̧ba̧lö, bitenöma kwabö lotjobö omukwatö dujuna, jö̧ba̧lö, jweinöda yöka̧laduwo. Omöna yöbalo̧nöma ötjöda balekwa mikwa lȩtebakwo̧sa, debö i'yobö.

Isaías 33:15

—Baikwö yötawa, ötjökwö wene jwiinö ju̧kwadöma bidö: Weti̧ a̧ja̧kwö ja̧nö, yötja̧lo jö̧tja̧li̧danö yöba̧ladöda. Ja̧danö jojodönö usula tjemawinö webö, balada tjemotö jö̧ba̧lö isakwöködöda. Ja̧danö tjimidi̧ balada, –Sulabenö ja̧köbitjö̧ma dimidakwö, –jö̧ba̧lö tjimidobö jö̧tja̧li̧ balada emökönö, ja̧tjo̧ jö̧tja̧lidanö ja̧bö ju̧kwadöda. Ja̧danö ju'wedönö kwabö lotjoböma omukwatö junöködöda. Ja̧danö ju'wedönö suli̧ tjöwaedobö isakwö jö̧ködöda.

Romanos 12:17

Bakwo̧ ökwönö sulabenö ja̧itjö̧ma, balekwa mikwa sulabenöma ja̧bökönaduwi chömöledö, jwaikwöda otiwanö ja̧böda kwö̧jaduwo okobe deinö, Aaa, biya̧ma otiwanö ja̧awa, jö̧ba̧lö tjöwaisinö.

1 Corintios 8:13

Jejenöobetjö̧, baikwö yötawaduwakwö chömöledö: Jejenö chu̧kwa kwakwawama chöjawo̧nö töbö meobö ja̧ena jö̧ba̧lö chomukwatitjö̧ma, ja'yubebi itebiya chukwökena wotenanö baibanö, chöjawo̧nö meobö ja̧tapji jö̧ba̧lö.

2 Corintios 6:3

Jau chömöledö, otiwa jawa wene jojodönö yödawobe, Dios otiwanö pjaati̧ tjösödobö. Ja̧danö, isabenö tjösödobö jö̧da̧lobetjö̧, te'ada̧lönö otiwanö ja̧bö dö̧jobe, ja̧bö dö̧ji̧ edö ja'yubebi otiwa jawa wene tjöpöjödapji jö̧ba̧lö. Jau chömöledö, yöbawö dö̧jonö sulabenö ja̧bö dö̧jitjö̧ma, jojodö ökwödönö edö otiwa jawa wene tjöpöjödena, jo̧kwajabetjö̧ te'ada̧lönö ja̧bö dö̧jobe, ökwödönö edö mikwawökö weneda yöba̧ladö jö̧ba̧lö tjöpöjödapji jö̧ba̧lö.

Filipenses 4:8

Bajaleapo yötawi̧ma baikwö yötawaduwakwö, otiwi̧ jawada, jojodö biya̧ma otiwa jö̧ba̧lö tjomukwato jö̧tja̧li̧ jawada kwomukwataduwo jö̧ba̧lö. Jau chömöledö, isabenö ji̧ jawada, ja̧danö otiwanö tjomukwati̧ jawada, ja̧danö jwei̧ jawada, ja̧danö bakwainö wene jwii̧ jawada, ja̧danö tjo̧'wo̧ ösöwi̧ jawada, ja̧danö jojodö tja̧ja̧kwobö otiwi̧ jawada omukwatö kwö̧jaduwo.

1 Tesalonicenses 4:12

Jejenö ja̧bö kwö̧jaduwitjö̧ma, Jesúsnö öpöjödadöbi otiwanö tjomukwatena ökwödönö, ja̧danö kwo̧'wo̧li̧ jawa kwujuna̧laduwena, ju'wedötjö abebökönö.

1 Tesalonicenses 5:21

Jo̧kwaijayonö, okobe jwiinö kwa̧ja̧kwaduwi̧ma, otiwojobö jweojobö jö̧ba̧lö kwisakwaduwo, ja̧danö kwa̧ja̧kwaduwaja̧ otiwitjö̧ma 'diinö do̧ka̧laduwo.

1 Tesalonicenses 5:23

Chömöledö, do̧'wo̧ luwo̧nö wene jwiinö dö̧jobö pjabato̧ Diosnö ateba, kwiteba'oduwitjöbi, kwomajadeduwitjöbi, kwo̧'wo̧ luwo̧duwitjöbi bakwainö sulabe jwibadö bakibaduwanö ja̧o jö̧ba̧lö. Ja̧danö, jejenö ja̧obetjö̧, Duluwo̧ Jesucristo ichakwa̧ möle badekwachenama, ja'yubebi wene jwiinö kwö̧jaduwakwedöja.

Judas 1:23

Ja̧danö ju'wedönöbi pjakataduwo. Wanedö yötawa: Ökwöla nöola ö'öbö tjö̧ji̧tjö tjö̧jibanö do̧kataduwodönö. Ja̧danö, ju'wedö inesö sulabenö ja̧bö ju̧kwadönöbi lȩlö̧jinö edö pjakataduwo chömöledö, ja̧danö jejenö pjakataduwenama, te'ada̧lönö yebabinö kwö̧jaduwo, sulabenö ja̧tji̧danö ökwödöbi sulabenö ja̧köbaduwapji jö̧ba̧lö. Jau chömöledö, jobadönö lȩlö̧jinö edö kwösödaduwijayonö, ja̧tji̧ma kwösödaduwoko yelösöda, isabenö Dios öpöjödi̧ jawa jö̧ba̧lö.