1 Tesalonicenses 5:19 - Dios Iwene19 Chömöledö, Dios O̧'wo̧ Luwo̧ma kwo̧'wo̧ luwo̧duwinö ja̧nö ökwödönö öba̧ja̧dobe, ¿jö̧tö? Jo̧ba öba̧ja̧di̧ma kwöpöjödaduwa chömöledö. အခန်းကိုကြည့်ပါ။ |
Ju'wibi yötawa chömöledö, ökwödönöma. Dios O̧'wo̧ Luwo̧ o̧'wo̧ tjo̧ekwinöma ja̧köbaduwoko. Ökwödöma seyu dobawedödanöbedösa Dios O̧'wo̧ Luwo̧ tebachibö öjamatinobetjö̧. Ja̧danö, Dios O̧'wo̧ Luwo̧ ökwödö do̧'wo̧ luwo̧nö ö̧ji̧ma i̧sebobe, Bidöma Dios ömöledö babibinadö, Dios lȩebi̧tjö emökönö, ba̧kwȩlö̧jatebö Dioskwö tjuju̧kwakwedö, jö̧ba̧lö. Jo̧kwaobetjö̧, Dios O̧'wo̧ Luwo̧ o̧'wo̧ tjo̧ekwinöma ja̧köbaduwa.
Ju'wi jawabi tjöbeba̧lakwawö kwö̧jaduwobö yötawaduwakwö. Chömöledö, sulabo̧ Awetjama ökwödönö sulabenö ja̧otö jö̧ba̧lö webo̧ ¿jö̧tö? Jo̧kwaijayonö Jesúsnö kwösödaduwobetjö̧, jo̧banö kwo̧'wo̧duwi wana̧lö tjöbeba̧lakwawö kwuju̧kwaduwobe, Awetja wei̧ teachibökönö. Ju'wi wanedö yötawa: 'Bötjabikwawakwedöma 'dii̧ jawatjö otikwapi do̧ba̧lö tjöbeba̧lakwawö 'ya̧dö, tjöpöjojodö 'bötjena tjöeba̧lapi. Ja̧danö, ökwödöbi Jesúsnö kwo̧'wo̧duwi kwöwana̧laduwi̧nöda tjöbeba̧lakwawö 'ya̧duwi chömöledö, Awetja wei̧ma teachibökönö.
Ja̧danö, Dios ökwönö ja̧bö kwö̧jo jö̧ba̧lö ökwönö iyinama, iyinadanö ja̧bö kwö̧jo. Damötjö Jesúsnö ösödadönö te'ada̧lakwawa luwedö kwuunö tjömamu 'bibeba̧lö ja̧tjenama, Dios yöawi̧ yöbawadöma ökwö ja̧bö kwö̧jakwa̧ wene yötjawinobe. Ja̧danö, jejenö yötjawenama, Diosma ökwönö iyinobe, jo̧banö ösödö ja̧bö kwö̧jakwa̧ma. Ja̧ ökwönö iyina, biya̧ ja̧bö ötjönö kwösödo jö̧ba̧lö iyinama, ja'yubebi junibökönö ja̧bö kwö̧jo Diosnö ösödö.