Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Tesalonicenses 4:9 - Dios Iwene

9-10 Chömöledö, Diosma ida̧ökö ökwödönö öba̧ja̧dobe, kwömöledöduwi Jesúsnö ösödadönö ösödabikwawö kwö̧jaduwobö. Ja̧danö, jo̧ba öba̧ja̧di̧danö isabenö okobe deinö kwömöledöduwi kwiteboduwi Macedonia nijinö ju̧kwadönö ösödadöja. Jo̧kwajabetjö̧, Aaa, ja̧ jawa ba̧ja̧dö chiwȩyudo jö̧ba̧löma chomukwatökö chömöledö, ida̧ökö jejenö ja̧bö kwö̧jaduwobetjö̧. Jo̧kwaijayonö, yayonö ökwödönö budekwödanö wedobe chömöledö, jemi tupakwönönö ösödabikwawö kwö̧jaduwo jö̧ba̧lö.

အခန်းကိုကြည့်ပါ။ ကော်ပီ




1 Tesalonicenses 4:9
30 ပူးပေါင်းရင်းမြစ်များ  

Tajawedö ötjö, ökwödönö otidina, Isabenö Jo̧ Diosnö kwo̧'wo jwikibinaduwada chömöledö? Ötjöma isabenö juluwo̧sa, ötjödasa mölȩjȩ sedatö nöninama, ja̧danö ötjödasa bö̧jȩ la'aka lödinama, ötjönö kwomukwataduwo jö̧ka̧laduwajabe. Jo̧kwaijayonö, kwöpöjojodöduwi usula kwemawaduwinö ja̧badö tjölabena, ja̧danö ökwödönö söbebö lotjobö jö̧tja̧lenama, ötjönö omukwatökönö, bakobe yebabinö ja̧döja. Jobadönö yekabiduwobö jwiobe chömöledö, ökwödönö labinadöma ida̧ökö debi batjibajabe.


Ja̧danö ikena wei̧ma baikwö laebobe: Ökwöda ile nibebö kwösödakwawi̧danö, kwömöledöso̧nö kwösödo, jö̧ba̧lö.


Ja̧danö, chȩwa̧jabe okobema Dabe'do Dios, ötjö Chabe'doma ökwödönö weakobe jelo̧nö, ötjönö balekwo̧nö, Pjabato̧nöma. Jo̧bama Dios O̧'wo̧ Luwo̧. Ökwödönö okobe jwiinö öba̧ja̧da̧lakwo̧. Jo̧bama ötjö chöba̧ja̧dinabi kwomukwataduwobö pjaatakwo̧— yöawinobe Jesúsma—.


Okobe deinö Jesúsnö ösödadöma tjomajadenö tjo̧'wo̧ luwo̧nö otiwanö bakwainö omukwatijadötö. Tju̧kwa teatjöbi ö'wiawökönö ju̧kwiabijadötö, okobe jwiinö dujuna̧li̧kwenama, Okobe deinö bakwainö du̧kwa tea, jö̧ba̧lö.


Ja̧danö, kwömöledö Jesúsnö ösödadönö kwösödaduwo, ökwöda kwöjawo̧danö, ja̧danö kwömöledöduwinö otiwanö kwomukwataduwo, ökwödada kwomukwatakwawemi o̧penönö jobadö kwömöledöduwinö otiwanö kwomukwataduwo, jobadönö ösödö.


Chömöledö, ökwödönö ida̧ökö chöwaisa, tjo̧wi̧ kwiyaduwobö omukwatadöja jö̧ba̧lö, jo̧kwajabetjö̧ Aaa, Corintio jojodönö chiwȩyudo iyawa tjomukwato jö̧ba̧löma chomukwatökö. Jau chömöledö, chöwaisa ökwödönö, ida̧ökö kwiyaduwobö omukwatö juninadöja jö̧ba̧lö, ja̧danö okobe jwiinö Macedonia niji kwetachenama, ökwödö Acaya nijinö ju̧kwadö Corintio jojodö kwiyaduwobö kwomukwataduwi̧ wene yöbawo̧sa chömöledö, Acaya nijinö ju̧kwadöma, madasabatjö jamatö baikwö bajalenö Jerusalénnö ju̧kwadö Jesúsnö ösödadö usula emawadönö balada tjiyobö omukwatö juninadö, jö̧ba̧lö. Jau chömöledö, jobekwö yötawobe ökwödönö, ja̧danö ba̧jekwadö ko̧ko̧kwö tjö̧baji̧tenia ju̧kwadöma, ökwödö kwiyaduwakwa̧ wene a̧ja̧kwö, jobadöbi tjiyobö tjomukwatobe.


Okobe deinö do̧'wo̧ luwo̧nö da̧peachinadöma jejenö Cristonö döwaisobö disakwo chömöledö, ja̧danö, ökwödötjö ju'wedö ina jejenö kwisakwaduwobö kwomukwataduwökötjö̧ma, Diosma i̧sebakobe ökwödönö, Cristonö kwöwaisaduwobö isakwö kwö̧jaduwo, jö̧ba̧lö.


Chömöledö, Duluwo̧ ichakwa̧ möle jawa ida̧ökö kwöwaisaduwa, jojodö wajwitjonö Duluwo̧ ichakwa̧ möle badekwachakobe jö̧ba̧lö. Jo̧kwajabetjö̧, Aaa, biya̧ möle baledakobe, ja̧danö, Aaa biya̧ baledaja̧ okobe baledakobe jö̧ba̧lö ba̧ja̧dö chiwȩyudoböma jwia, ida̧ökö kwöwaisaduwobetjö̧. Jau chömöledö, wanedö yötawa: Yö̧te naukwabo̧ma, jojodö tjomukwatokonö tebachö naukwo̧, ¿jö̧tö? Ja̧danö, jojodö tjomukwatokonö Duluwo̧ ichakwa̧ möle badekwachakobe.


Ju'wi möle, ajayi yöbawö chujunina söbebö lobö, 'yayi̧ balekwa yöbawö junö yötawakwo̧sa chömöledönö. Ja̧danö, ja̧ 'yayi̧ balekwa yöbawö junö weti̧ma chömöledö tjomajade okwa a̧jakobe. Ja̧danö, jobadö tjomukwati̧ okwanöbi chiwȩyudi̧danö wȩyukwachakobe, ötjö 'yayi̧ balekwa yöbawö junö weti̧ma.


Chömöledö yötawaduwakwö. Babe kwö̧ja̧wo̧döduwinö ösödabikwawö kwö̧jaduwi̧danö jemi tupakwöbi jwaikwöda ösödabikwawö kwi̧'yaduwo.


Ja̧danö, bajaleapo okobe deinö ökwödönö baikwö yötawa chömöledö: Bakwainö omukwatö, lȩlö̧jinö kwomukwatakwawaduwo. Jau chömöledö, kwömöledöduwinö ösödabikwawö kwö̧jaduwo, ja̧danö, Aaa, otiwo̧sa, jö̧ba̧lö omukwatökönö, dösölö̧jinö ja̧bö kwö̧jaduwo kwömöledöduwinö.


Ja̧danö inesö mikwawi̧ ja̧bö kwö̧jaduwobö yötawaduwakwö chömöledö, jwaikwöda kwömöledö Jesúsnö ösödadönö ösödabikwawö kwö̧jaduwo jö̧ba̧lö. Ja̧ma, ju'wi jayetjö bajalekwönönö inesö mikwawi̧ chömöledö, jejenö ösödabikwawö kwö̧jaduwitjö̧ma, kwömöledö sulabenö ja̧tjaja̧ omukwatökönö jobadönö ösödö kwö̧jaduwakobetjö̧.


Ja̧danö jemi tupakwö kwömöledöduwinö ösödabikwawö kwö̧jaduwobö kwisakwaduwo, Ja̧danö jemi tupakwö okobe deinö jojodönö isabenö kwösödaduwobö kwisakwaduwo chömöledö.


Ja̧danö chö̧ja̧wo̧dö, ida̧ökö kwa̧ja̧kwinaduwobe, Ökwödö Jesúsnö ösödadöma kwö̧ja̧wo̧dökwö ösödabikwawö kwö̧jaduwo, jö̧ba̧lö. Cristonö ajayinö do̧batö kweminaduwemitjö baikwö ja̧ wei̧ma kwa̧ja̧kwinaduwobe. Chömöledö, ja̧ wei̧ a̧ja̧kwö dö̧jaduwo, dö̧ja̧wo̧dökwö ösödabikwawö.


Ja̧danö, Dios wei̧ma dötölataja jawa. Abönö jawa biya̧: Jesucristonö dösödobö weobe, Jesucristoma Dios Itji̧, jwiinö inesö jo̧, jö̧ba̧lö. Ikenama jawa, Dios wei̧ma biya̧: Ökwödöda ösödabikwawö dö̧jobö weobe.


Chö̧ja̧wo̧dö, Dios wei̧ma biya̧: Ötjönö ösödö ju̧kwadöma tjö̧ja̧wo̧dökwö ösödabikwawö tjö̧jobö jo̧be. Jo̧kwaobetjö̧ chömöledö, ökwödöma dö̧ja̧wo̧dökwö ösödabikwawö dö̧jaduwo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ