1 Tesalonicenses 4:13 - Dios Iwene

^13-14 Chömöledö, wajwiköbaduwapji jö̧ba̧lö, Jesúsnö ösödö wobinadönö yötawa. Jobadönö yötawa chömöledö, kwo̧'wo̧ tjo̧achaduwapji jö̧ba̧lö, Jesúsnö ösödöködö tjo̧'wo̧ tjo̧achi̧danö. Jobadö Jesúsnö ösödöködöma, Aaa, yemidanö dömöledönö dedakwedösa, jö̧ba̧lö Diosnö tjo̧'wo̧ tjöwana̧loböma jwibadö chömöledö, jo̧kwaijayonö ökwödö Jesúsnö ösödadöma jejenö do̧'wo̧ döwana̧lobö jo̧be. Jau chömöledö, Jesús wobajo̧, yemidanö woawatjö tjeachajina wene dösödobe, ¿jö̧tö? Ja̧danö, biya̧ wenebi dösödobe chömöledö, Jesúsnö ösödö wobinadönöbi tjetjachajinö ja̧akwo̧ Diosma Jesúskwö batjibanö, jö̧ba̧lö.

1 Tesalonicenses 4:13 ပူးပေါင်းရင်းမြစ်များ

Génesis 37:35

Okobe deinö i̧tji̧muma ömadöbi, ya̧döbi tjabe'donö dösölö̧jinö yöba̧lijadötö o̧'wo söawobö pjabatö. Jejenö pjabatö yötja̧lijayonö o̧'wo söawinokokobe. Ja̧danö jö̧ba̧lijetö: —Isabenö debö chi̧'yenanö kabatö chitji̧kwö yemidanö chö̧jobö ina cho̧'wo̧ tjo̧tekwakwo̧sa— jö̧ba̧lijetö. Ja̧danö, lekwe möle budekwabijetö, itji̧ Josénö omukwata̧lö.

2 Samuel 18:33

Jejenö yöawökwe, jwiinö o̧'wo tjo̧achinobe Davidma, ja̧danö o̧'wo tjo̧achö, apjude wamesȩko̧be budekwö önöchinobe. Ja̧danö 'ya̧nö, —Chitji̧ Absalonwe, chitji̧ Absalonwe, ökwö 'yaba̧lo̧ kwö̧jonö ötjöda ö'wö batibatjö̧ma, otiwo jö̧a̧lajena, chitji̧we, chitji̧we, —jö̧ba̧lö o̧'wo tjoachö ubudekwinobe Davidma.

1 Reyes 1:21

Ja̧danö, kwö̧baja̧ ikena la'aka luwo̧ baibakwo̧nö yökawökötjö̧ma, isabenö wene baibakobe chuluwo̧. Jau, chitji̧ Salomonda inesö la'aka luwo̧ baibakwo̧, jö̧ba̧lö yöbawö kwujuninajayonö, ö'wö bakibaja̧ ikena wainö baledena, Adoniasda la'aka luwo̧ ö̧bobetjö̧, ötjönöbi chitji̧ Salomonnöbi kwabö lotjena, –Bidöma la'aka luwo̧ Adonias öpöjojodö, —jö̧ba̧lö yöjawinobe Betsabema.

1 Reyes 2:10

Jemi ikenama, a'dödökwö babibö, ö'wö baibinobe Davidma, ja̧danö ö'wö babibajo̧nö tjo̧tjinobe Jerusalennö, ju'wi imi David itebo comunidadnö.

Diosnö ösödo̧ Job mikwo̧ usula emawina jawa 1:21

—Chojo'do ötjönö jemenama, chitea jwibo̧nö jemijatö, ja̧danö ö'wö batibenama, chitea jwibö chȩwa̧jakwo̧sa. Chujuna̧linama, Isabenö Jo̧ chujuna̧lobö iyinobe, ja̧danö babe Isabenö Jo̧ma chujuna̧lina 'döebajabe. Isabenö Jo̧nö dösödobö jobe, –Otiwo̧ja, –jö̧ba̧lö, —Diosnö ösödö yöa̧linobe Jobma.

Proverbios 14:32

Ja̧danö, ju'wibi yötawa: Dios wei̧ a̧ja̧kwö jo̧ma, otiwanö ja̧bö ö̧ji̧ma jo̧banö ite'ada̧li̧danö te'ada̧lobe labi̧ jawatjö ö̧jibinö. Jobekwö baledokobe sulabenö omukwato̧nöma. Sulabenö omukwato̧ ö̧ji̧ma itenöda nöinö wene jwöebakwa̧, wene ujuna̧li̧tjö̧ ö̧jibökönö.

Daniel 12:2

Ja̧danö ja̧ mölema, ba̧jekwadö ö'wö babibinadötjö tjebachajö wilutjakobe. Ja̧danö, wilubajadötjö ju'wedöma ba̧kwȩlö̧jatebö Dioskwö tjö̧jakwedö, ja̧danö jobadötjö ju'wedöma Dios lȩebawö̧ ba̧kwȩlö̧jatebö taba lö̧jawö̧ tjö̧jakwedö.

Mateo 27:52

Ja̧danö wobiakotjö, jojodönö tjo̧tjinemi po̧ebinobe, ja̧danö ba̧jekwadö Dios ömöledötjö wobinadöma yemidanö 'yatjibajinobe.

Juan 11:24

—Jau Duluwo̧, chöwaisa. Isabenö ju'winö bajaliya möle, wobinadö tjetjachaji̧ mölema chöjawo̧bi yemidanö tjeachajakobe—jö̧ja̧lökwe:

Hechos 13:36

Chömöledö isabenö döwaisa, Davidminema, Dios wei̧ a̧ja̧kwö ömöledönö pjabatö webo̧ma wobijetö. Ja̧danö, wobajo̧nöma ödijadötö. Damötjö ödijadötö Davidminenöma. Jo̧bama okobe jwiinö damötjöda 'dolobijetö chömöledö. Ja̧ Dios iwenetjö laebi̧ma Davidminema itedadama wȩyudö yöawakwawijökötö.

Hechos 7:60

Ikenama, u̧yu̧ju̧ki̧junö jamatö, labinö jwöbijetö, Chuluwo̧, bidö ötjönö sulabenö ja̧tji̧ma omukwatöma lȩkeboko, jö̧ba̧lö. Jejenö jö̧a̧laja̧ ikena ö'wö babibijetö Estebanma.

Romanos 1:13

Kwöwaisachibaduwobö yötawaduwakwö chömöledö, lekwe möleda jobe chichoböma chomukwa̧lajabe, ökwödönö edö Romanö ju̧kwadönöma. Ökwödönöbi pjatatobö jö̧ta̧la Jesúsnö kwösödaduwobö, ju'wedö judío jojodöböködönö pjatatinadanö. Ökwödönö pjatatotö jö̧ba̧lö jobe chi̧'yo jö̧ta̧lemi waekwobe ichejekwa chömöledö. Diosma ina weökö ökwödönö jobe Romanö ju̧kwadönö edö chichoböma chömöledö.

1 Corintios 10:1

Chömöledö, kwomukwataduwobö wanedö yötawaduwakwö, ökwödö judío jojodö da'dödömine jawama: Judío jojodö da'dödöminema, okobe deinö Moiséskwö kwetjachinobe, ¿jö̧tö? Ja̧danö, Dios önina'wo ojwiyo'woma, jobadönö okobe deinö tjöeba̧la'wo ji̧nobe, ¿jö̧tö? Ja̧danö, jobadö okobe deinö ojwe duwödö tjöbaledinobe, ¿jö̧tö?

1 Corintios 12:1

Ja̧danö, ju'wibi yötawaduwakwö chömöledö. Dios iteda ömöledönö ja̧bö tjö̧jo jö̧ba̧lö Dios iyi̧ jawa yötawa, ja̧ jawa kwöwaisaduwobö chösödobetjö̧.

1 Corintios 15:6

Ikenama bakobe quinientosnö jo̧banö ösödadönö öwawachinobe. Jau chömöledö, jobadö quinientosnö Jesúsnö edinadötjö, ja'yubeda ida̧ökö wotjinajayonö, ba̧jekwadö ina 'yaba̧ladö tjuju̧kwobe babebi.

2 Corintios 1:8

Jau chömöledö, baikwö yötawa Asia nijinö ja̧nö Dios ökwödönö pjaatina wenema, a̧ja̧kwö Dios isabenö otiwanö pjaati̧ wene kwöwaisaduwakobetjö̧. Asia nijinö ja̧nö, nöinö usula demawijatö chömöledö, döbaledökenanö usula demawijatö, ja̧danö nöinö do̧'wo̧ tjo̧dekwijatö, biya̧tjö ö'wö badibena jö̧ba̧lö.

Efesios 2:3

Jau chömöledö, ajayinöma Diosnö öpöjödadö ja̧tji̧danö ökwödöbi okobe deinö sulabenö ja̧bö ju̧kwiadinobe, Diosnö öpöjödö, domajade okwanö sulabe wei̧da ja̧bö. Ökwödö sulabe dösödi̧da, sulabe domukwati̧da ja̧bö ju̧kwiadinobe. Jo̧kwaobetjö̧ ökwödöma Diostjö 'da̧bachibö ja̧döma Dios lȩebi̧tjö lȩebakwawö̧da ji̧nadösa, chömöledö, okobe deinö Diostjö 'da̧bachibö böjȩnö ju̧kwadödanö.

1 Tesalonicenses 4:15

Jau chömöledö, Duluwo̧ yöawi̧ ökwödönö yödawobe, baikwö: Duluwo̧ yemidanö ichakwa̧ möle badekwachenama, ökwödötjö ina 'yaba̧ladöma ökwödötjö wobinadö tjabönöma dȩwa̧jökakobe chömöledö.

1 Tesalonicenses 5:10

Jo̧ba Jesucristoma dö̧jibobö midawö woinobe, woditjö̧böbi, 'yada̧litjö̧böbi jo̧bakwö dö̧jakobetjö̧.

1 Tesalonicenses 5:6

Jo̧kwajabetjö̧, wanedö yötawa: Kwo̧'wo̧ luwo̧duwi jawama, ju'wedö tjaba̧li̧danöma daba̧laduwoko chömöledö, möle eda̧ladödanö dö̧jo, 'dukwachinö jö̧könö.

2 Pedro 3:4

yötja̧lakobe: Cristoma, yemidanö chichakobe jö̧a̧linajayonö, ichö̧kö̧, ökwödönö lȩebökakobe Cristoma. La'akatjöda da'dödö wotjinemitjö jamatö baikwö bajalenö okobe jwiinö böjȩ jawama balewachokobe. Okobe jwiinö böjȩma, ina Dios ajayinö otidinadanö ina bakwainö jo̧be, la'akatjöda böjȩ jojodönö lȩebinokobe Diosma, jo̧kwajabetjö̧ jo̧ba lȩebakwa̧ yedaboböma jwiobe jö̧ba̧lö yötja̧lakobe. Jau chömöledö, ökwödönö otjakobe, Cristo yemidanö chichakwo̧sa jö̧ba̧lö yöawina kwösödaduwi̧ma, omöna wene ösödadöja jö̧ba̧lö.

2 Pedro 3:8

Jau chömöledö, lekwe ichokobe jö̧ba̧lö ichejekwijayonö, isabenö lekwökö, baikwö inesö mikwawi̧ wene labebö lobö yötawaduwakwö, kwomukwataduwobö: Diosma ba̧kwȩlö̧jatebö jo̧obetjö̧, ökwödönö lekwe ji̧ma lekwokobe jo̧banöma. Baikwö yötawa: Dios edemi, mil o̧biyama, bakwöta möledanö ichejekwobe, ja̧danö bakwöta mölema, mil o̧biyadanö ichejekwobe, bakwaiobe jo̧banö chömöledö. Jo̧kwajabetjö̧ ökwödönö lekwe ichokobe jö̧ba̧lö ichejekwijayonö, Dios edemi lekwokobe chömöledö.