1 Tesalonicenses 3:6 - Dios Iwene

⁶ Ja̧danö, Timoteoma ida̧ökö edö ȩwa̧jabe, ja̧danö otiwa wene yöawajabe ökwödönö, Tesalónicanö ju̧kwadöma Jesúsnö ösödö tjö̧jobetö jö̧ba̧lö, ja̧danö tjömöledönö ösödabikwawö tjö̧jobetö jö̧ba̧lö. Ja̧danö, ökwödönö yöawajabe, kabatökönö ökwödönö otiwanö kwomukwataduwi̧ma. Ja̧danö, ökwödönö dedobö nöinö dösödi̧danö, bakweminö ökwödönö kwedaduwobö kwösödaduwi̧ wene yöawajabe.

1 Tesalonicenses 3:6 ပူးပေါင်းရင်းမြစ်များ

Proverbios 25:25

Ja̧danö, ju'wibi yötawa: Jelobe ödötjö otiwanö baledina yötjawi̧ a̧ja̧kwö jwiinö dösödobe. Wanedö yötawa: Jwiinö ojwiyo o̧ti̧ lö̧a̧jabena ojwiyo tiyuwobu tjowi̧danö dösödobe ödötjö otiwanö baledina yötjawi̧ a̧ja̧kwö.

Isaías 52:7

Ayö, otiwa jawa wene yötjawakwedö tjichi̧ma jwiinö otiwobe, mösa'ijutjö tjömasapiya edö, —Jwiinö otiwobe, —jö̧ba̧lö edadösa. Jau, wene jwiinö dö̧jakwa̧ wene yöbawö ichadö, do̧'wo ösöwachibanö ja̧kwawa jawa yöbawö ichadö, otiwanö dö̧ji̧bakwa̧ jawa yöbawö ichadönö edö ösödadösa. Jau, Sion mösa'o ju̧kwadönö yöbawadö, —Kwuluwo̧ Diosma webö jo̧, —jö̧ba̧lö, ja̧danö ja̧ wene yöbawadö tjichi̧ma do̧'wo ösöwachibanö edadösa.

Hechos 16:1

Ikenama Pablo, Silas 'ya̧jadöma Derbenö ichibijadötö. Jemi ikenama jobetjö labebö 'ya̧jadö Listranö ichibijadötö. Jobe bakwo̧ ji̧jetö, Timoteo mikwo̧, Jesúsnö ösödo̧ma. Jo̧ba ojo'doma Jesúsnö ösöduju. Jobujuma judío jojosujujijayonö jilekwema, Timoteo abe'doma griegoso̧, judíoso̧bökö.

Hechos 18:1

Ikenama Pabloma Atenastjö labebö Corinto comunidadbe 'yi̧jetö.

Hechos 18:5

Ja̧danö, ju'wi möle Silás, Timoteo Macedoniatjö labebö Pablo ö̧jobekwö 'yi̧jadötö, Corintobe. Tjichibaja̧ ikena jemi tupakwöbi Pabloma ba̧kwȩlö̧jatebö yöbawöda yöbawiabijetö. Yöbawiabijetö, Jesúsda Dios weinökwema, jö̧ba̧lö. Dö̧jibinö pjabato̧ma Jesúsda, jö̧ba̧lö, yöbawiabijetö Pabloma judío jojodönöma.

1 Corintios 11:2

Chömöledö, ökwödöma otiwanö kwomukwataduwobe ötjö ja̧bö chö̧jinama, ja̧danö ökwödönö wetina jawama otiwanö ja̧bö kwö̧jaduwobe, baikwö ja̧bö kwö̧jaduwo jö̧ba̧lö ökwödönö wetina jawama. Ja̧danö, jejenöobetjö̧, otiwa jö̧ba̧lö yötawaduwakwö chömöledö.

1 Corintios 13:13

Ja̧danö, wa̧pötakwa jawa 'dö̧ibökö jawa jo̧be chömöledö, biya̧: Dios yöawi̧ ösödakwawabi, Dios jö̧a̧li̧danö otiwanö baibakobe jö̧ba̧lö te'ada̧lakwawa, ju'wedönö ösödabikwawö ja̧kwawabi. Ja̧danö, baikwö yötawaduwakwö chömöledö: Ja̧ wa̧pötakwa jawatjö, bajalekwönönö mikwawi̧ma, ju'wedönö ösödabikwawö ja̧kwawada chömöledö.

Gálatas 5:6

Jau chömöledö, Cristo Jesúskwö dötewadö ja̧nö, Dios edemi dötade bajalesado̧ 'wibekwadö dö̧ji̧bi, 'wibekwöködö dö̧ji̧bi mikwawokobe chömöledö, ju'wida mikwawi̧ma. Jau chömöledö, Dios edemi jo̧ba yöawi̧ dösödi̧da mikwawi̧ma, ja̧danö dömöledö Jesúsnö ösödadönö ösödabikwawö ja̧nö di̧sebobe Dios yöawi̧ dösödi̧ma.

Filipenses 1:8

Jau chömöledö, isabenö ökwödönö chösödaduwakwö. Isabenö chösödi̧ edö waiso̧ma Diosda, Cristo Jesús ökwödönö ösödi̧danö chösödaduwakwö jö̧ba̧lö.

Colosenses 4:18

Ötjö Pabloma biya̧ bajaleapo jawa chömamunö chiwȩyuda, ötjö Pabloma detawobedanö dokwa jö̧ba̧lö ateba. Chömöledö, ötjö ka̧lena chö̧bi̧ma kwo̧'wo̧ jwibibökönaduwi. Diosma ökwödönö lȩlö̧jinö edobö chösöda chömöledö. Biya̧data.

1 Tesalonicenses 2:17

Chömöledö, ökwödö kwö̧jaduwelö ja'yubeda lekwajabetjö 'da̧bachibö dö̧jajabema, jwiinö ökwödönö dedobö dösödijatö. Ja̧ 'da̧bachibö dö̧ji̧ma, do̧'wo̧ luwo̧tjöma la'akatjöda 'da̧bachibö dö̧jijökötö chömöledö. Jo̧kwaijayonö diteba'otjö 'da̧bachibö dö̧jobetjö̧, dömöledönö dedowe jö̧ba̧lö ökwödönö yemidanö döbabiyakwena dediakwawobö disakwijatö chömöledö.

1 Tesalonicenses 2:9

Jau chömöledö, kwomukwataduwena ökwödökwö ja̧nö dotidinama. Ökwödönö Dios jawa otiwa jawa wene yöbawö dö̧jonö, ju'wibi ökwödöda du̧kwa kwakwawa demo jö̧ba̧lö dotidijatö chömöledö, usula emawö. Jau chömöledö, ökwödönö te'ada̧lakwawama ökwödö Tesalónica jojodönö baibapji jö̧ba̧lö, mölebi yö̧tebi dotidijatö.

1 Tesalonicenses 3:7

Jau chömöledö, Timoteo ja̧ otiwa wene ökwödönö yöawobetjö̧, wene döbaledijayonö, ja̧danö usula demawijayonö, do̧'wo̧ luwo̧ma ujuluwachibajabe ökwödönö omukwatö. Jau chömöledö, ökwödö Jesúsnö ösödö kwö̧jaduwi̧ma do̧'wo̧ luwo̧nö ujuluwachibanö ja̧ajabe.

2 Tesalonicenses 1:3

Chö̧ja̧wo̧dö, Diosma ökwödönö pjaatobetjö̧, jo̧banö dösödobö jo̧be, ja̧danö dösödo jö̧da̧li̧danö kabatökönö otiwanö Diosnö ösödö yöda̧lobe, otiwanö Tesalónicanö ju̧kwadönö pjabato̧ja jö̧ba̧lö. Jau chömöledö, ökwödönö pjaatobetjö̧, Jesúsnö kwösödaduwi̧ma nöachobedanö ichejekwa, ja̧danö kwömöledö Jesúsnö ösödadönö kwösödabikwawaduwi̧bi nöachobedanö ichejekwa. Ja̧danö jejenö pjaatinobetjö̧, otiwanö pjabato̧ja jö̧ba̧lö yöta̧lanö chömöledö.

1 Timoteo 1:5

Jau Timoteo, jobadönö kwöba̧ja̧do, sulabenö tjomukwati̧ kabatibö, tjömöledö Jesúsnö ösödadönö tjösödo jö̧ba̧lö. Ja̧danö, tjomajadenö sulabenö omukwatökönö tjuju̧kwobetjö̧, ja̧danö: Aaa, biya̧ma otiwanö ja̧awa jö̧ba̧lö tjomajadenö tjöwaisi̧danö ja̧bö tjuju̧kwobetjö̧, ja̧danö isabenö Diosnö ösödö tjuju̧kwobetjö̧, tjömöledö Jesúsnö ösödadönö ösödö tjö̧jena.

2 Timoteo 1:3

Timoteo, kabatökönö ökwönö omukwatö Diosnö ösödö yöta̧lobe, otiwa jö̧ba̧lö. Jau Timoteo, cha'dödömine otiwanö Dios wei̧ ja̧bö tjö̧jinadanö, ötjöbi chomajadenö otiwanö chöwaisi̧danö, jwaikwöda Dios wei̧ ja̧bö jo̧sa. Ja̧danö jo̧ba wei̧ ja̧bö chö̧jonö, mölebi, yö̧tebi kabatökönö ökwönö omukwatö atebobe chuluwo̧ Diosnö.

Hebreos 13:3

Ja̧danö, kwö̧ja̧wo̧döduwi ka̧lena ba̧kwawejunö ba̧jadönö pjakataduwo. Jobadönö kwo̧'wo̧duwi tjo̧bekwö edö, Ökwödöbi domajade okwanö jobadökwö bakobe usula emawö tjö̧baji̧danö ka̧lena ba̧kwawejunö ba̧jadösa, jö̧ba̧lö. Ja̧danö, ju'wedö usula emawadönöbi jejenö kwomukwataduwo, Jobadökwö bakobe usula tjemawi̧danö usula emawadösa domajade okwanö, jö̧ba̧lö. Chömöledö, ökwödöbi jojodököbaduwobetjö̧ kwöwaisaduwa, ja̧ usula emawakwawama jwiinö nii̧, jö̧ba̧lö.

Hebreos 13:7

Chömöledö, kwomukwataduwo ökwödönö ajayinö Jesús yöawina wene yöbawinadönö, kwöwaisachibaduwinö pjabatinadönöma. Jobadö Diosnö tjo̧'wo̧ wana̧lö tji̧'yina kwomukwataduwo. Jobadöma okobe jwiinö tjö̧ji̧ma, wotjenanö baibanö, Diosnö tjo̧'wo̧ wana̧lö tji̧'yinobe. Chömöledö, jobadö tjö̧jinadanö ökwödöbi kwö̧jaduwo, Diosnö kwo̧'wo̧duwi wana̧lö. Ja̧danö, jobadö yöbawinadöma jweinö yötjawinobe Jesucristonöma.

1 Juan 3:23

Ja̧danö, Dios wei̧ma dötölataja jawa. Abönö jawa biya̧: Jesucristonö dösödobö weobe, Jesucristoma Dios Itji̧, jwiinö inesö jo̧, jö̧ba̧lö. Ikenama jawa, Dios wei̧ma biya̧: Ökwödöda ösödabikwawö dö̧jobö weobe.