1 Samuel 9:2 - Dios Iwene

² Ja̧danö jo̧ba Cisma, itji̧nö ujuna̧linobe, jwiinö otiwo̧, okobe deinö ju'wedö israel jojodötjö bajalekwönönö otiwo̧nö, Saul mikwo̧nö. Ju'wibi, jo̧ba Saulma okobe deinö ju'wedö israel jojodötjö bajalekwönönö möbo̧ ö̧jinobe, ju'wedöma sule Saul öböbe'onönö tjichibinobe.

1 Samuel 9:2 ပူးပေါင်းရင်းမြစ်များ

Génesis 6:2

Ja̧danö, ja̧ mölema baikwö baledijetö: Mölejȩnö ju̧kwadö ángelesdötjö sulabedö ángelesdöma böjȩnö ju̧kwadö ya̧dönö tjedemi, jwiinö otiwadö jö̧ba̧lö, tji̧lȩkwa̧munö tjemotö jö̧ba̧lö ösödijadötö. Jejenö tjösödobetjö̧ jobadö sulabedö ángelesdöma böjȩnö ju̧kwadö ya̧dönö emijadötö, jobadötjö bakwo̧nökwena tjösödokokwena.

1 Crónicas 8:33

Ja̧danö Nerma Cis mikwo̧ abe'doinobe. Ja̧danö Cisma la'aka luwo̧ Saul mikwo̧ abe'doinobe. Ja̧danö Saulma Jonatan mikwo̧bi, Malquisua mikwo̧bi, Abinadab mikwo̧bi, Es-baal mikwo̧bi tjabe'doinobe.

1 Samuel 10:21

Ikenama Samuel weinobe Benjaminsaso ajayinö jinadö tjömöledökwena yö̧ne tjichibobö, ja̧danö Matrimine i̧tji̧mu tupadanö jojodönö i̧sebinobe Diosma, —Bidötjö bakwo̧nö omudawö chujunajabe, —jö̧ba̧lö. Ja̧danö jemi ikenama, —Cis itji̧ Saul mikwo̧nö omudawö chujunajabe, —jö̧ba̧lö i̧sebinobe Diosma. Jo̧kwaijayonö, Saulnö tjisakwenama, tjöbadekwajinokobe.

1 Samuel 16:7

Jo̧kwaijayonö, jejenö omukwatiökwe, Isabenö Jo̧ma Samuelnö yöa̧linobe, —Jo̧banö edö wame jawa omukwatökönui, Aaa, bitema otiwo̧, otiwanö möbo̧ jö̧ba̧lö. Ötjöma jo̧banö omudawö junö̧kö̧sa. Ötjö Isabenö Jo̧ma jojodö wamenö tjedi̧danöma edö̧kö̧sa, ötjöma jojodö tjomajadenö tjomukwati̧ edo̧sa, —jö̧ba̧lö yöa̧linobe Diosma Samuelnö, bitemaökö jö̧ba̧lö.

1 Samuel 17:4

Ja̧danö, jejenö tjö̧jonö, filisteo jojodö tjö̧jelö bakwo̧ Goliat mikwo̧, Gat comunidad jojoma ömöledö tjö̧jelö, tjö̧'da̧detjö laebinobe. Jo̧ba Goliatma, ölakwabikwawa waisina, ja̧danö jwiinö möbo̧, wapötakwa metros bajalekwönönö möbo̧.

1 Samuel 9:3

Ja̧danö, ja̧ möle baikwö baledinobe. Cis ajwimu bu̧lö̧dötjö ju'wedöma tjiledewinobe, ja̧danö jejenö tjile'dewiökwe, Cisma itji̧ Saulnö weinobe: —Saul, chömöayedötjö bakwo̧nö öbibö, chajwimu bu̧lö̧dönö kwisakwaduwo, —jö̧ba̧lö.