1 Samuel 6:17 - Dios Iwene

¹⁷ Filisteo jojodö Isabenö Jo̧nö tjiyina, kwöba a'otjö isabenö wene juna̧ladösa jö̧ba̧lö tjiyinama, baikwö laebobe. Tutiyu orotjö otikwa o̧'wo jawama, bakwamu jawa wetjinobe, Asdodtjö bakwayu, Gazatjö bakwayu, Ascalóntjö bakwayu, Gattjö bakwayu, Ecróntjö bakwayu.

1 Samuel 6:17 ပူးပေါင်းရင်းမြစ်များ

2 Samuel 1:20

Baledina wene yöbawökönaduwi döpöjojodö tjitebo comunidad Gatnöma, Ascalon comunidad mananö kwebachö yöbawökönaduwi. Jobadö filisteo jojodö tjitebo comunidadnö yöbawökönaduwi, filisteo jojodötjö ya̧döma tjo̧'wo ösöwachibanö tja̧ja̧kwapji jö̧ba̧lö, ja̧danö a̧ja̧kwajadö, jobadö Diosnö öpöjödadötjö ya̧döma tjo̧'wo ösöwanö jwötjeba̧lapji jö̧ba̧lö, –Israel jojodönö dujuluwajabe, –jö̧ba̧löma.

2 Samuel 21:22

Jobadö ö'wejemu jojodö ödöbaedöma, damötjö jinadö ödöbaedö tji̧tji̧mu tupadanö jojodö tjö̧jinobe Gat comunidadnö, ja̧danö Davidbi, ömöayedöbi, jobadönö kwabö lotjinobe.

2 Reyes 1:2

Acab ikena la'aka luwo̧ma, Acab itji̧ Ocozias mikwo̧ma, israel niji inesö la'aka luwo̧ ö̧jinobe. Ja̧danö ju'wi möle, itebo comunidad Samarianö ja̧nö, eju mösȩko̧nö ö̧jemi ja'ötjö, ventanasa'do 'daobe meinobe Ocoziasma, jwiinö inia tjöbo̧ baibanö. Jo̧kwajabetjö̧, inia tjöbo̧ ja̧nö, baledakwa̧ öwaisotö jö̧ba̧lö, iteda ömöayedönö weinobe, —Filisteo jojodö tjitebo comunidad Ecron jojodö tjösödökwe Baal Zebubnö abebö a̧ja̧kwö kwi̧'yaduwo, bi̧ya inia tjöbo̧ chö̧ji̧tjö̧ chö̧bibakwojobö jö̧ba̧lö yötjawakobetjö̧, —jö̧ba̧lö. Ja̧danö weawö̧, abebö tja̧ja̧kwotö jö̧ba̧lö tji̧'yinobe.

Deuteronomio 28:27

—Ju'wibi, ökwödönö suli̧ waedö, kwi̧sȩdoduwinö tutiyubiya saduwaibobö weakobe Isabenö Jo̧ma, damötjö Egipto jojodönö saduwaibobö weinadanö, ja̧danö ju'wi tutiyubiyabi, wale'debiyabi, kö'öwi̧bi usula kwemawaduwobö weakobe, ja̧danö ja̧tjö bi̧bajökönö kwö̧jaduwakwedöja.

Jueces 1:18

Ju'wibi Juda jojodöma Gaza comunidadbi, ö'öbö pjei̧ comunidadteniabi tjujuluwinobe, ja̧danö Ascalon comunidadbi, ö'öbö pjei̧ comunidadteniabi, ja̧danö Ecron comunidadbi, ö'öbö pjei̧ comunidadteniabi.

Jueces 14:19

Ikenama Isabenö Jo̧ o̧'wo luwo̧ma juluwanö Sansonnö ujuluwachibanö ichibinobe, ja̧danö Sansonma Ascalon comunidadbe i̧'yinobe. Jobe ichibajo̧, Ascalon comunidad ömadö filisteo jojodötjö treintabedönö kwabawö loinobe Sansonma, ja̧danö kwabö lobajo̧, tjiteajama 'döbebö eminobe. Ikenama, emajo̧, tjiteaja̧ kamijido̧ e'ewö ȩwa̧bijinobe Timnat comunidadbe, ja̧danö yöa̧lakwawa labebö lobinadönö iyinobe, —Chiyocha, —jö̧ba̧lö yöa̧lina badekwachinö. Ikenama, jwiinö dameakwö, ilekwonö le'dedibö ȩwa̧jinobe Sansonma, iteda abe'do ejube.

Jueces 16:1

Ju'wi möle, Sansonma filisteo jojodö tjitebo comunidad Gazabe i̧'yinobe, ja̧danö jobe bakwuju jilekwamuböködökwö 'da̧'da̧bakwawö ju̧junö edinobe, ja̧danö edajo̧, jeju teachinobe, jobujukwö ö̧jobö.

Jueces 16:21

Ja̧danö, ujulu jwiiawö̧, filisteo jojodöma Sansonnö do̧tja̧tinobe, ja̧danö do̧batajadö, öbajalebiya kelebö lotjinobe. Ja̧danö, Gaza comunidadbe tje'ewinobe Sansonnö, broncetjö otikwa ka̧lenasonö jo̧banö yö̧tjebinobe, jadanö ka̧lena ba̧kwawejunö tjödinobe. Jobe ka̧lena ba̧kwawejunö ja̧nö, jo̧banö wetjinobe, trigoso̧pja otikwawa inawa jalatö otidobö, trigoso̧pja otidö.

1 Samuel 5:1

Filisteo jojodöma Dios iteapjo israel jojodötjö 'dötjebinobe, Ebenezertjö israel jojodönö tjujuluwenama, ja̧danö 'döbebajadö, tjitebo comunidad Asdodbe tje'ewinobe.

1 Samuel 5:10

Jejenö balediawö̧, Dios iteapjo wetjinobe Ecrón comunidadbe. Jo̧kwaijayonö, Dios iteapjo Ecrónbe ichibenama, Ecrón jojodöma juluwanö yebabinö jwötjeba̧linobe, —Ayö, Israel jojodö tjösödökwe Dios iteapjo tjichejebajabe, Diosma ökwödönöbi, dömöledönöbi kwabö loakobe jö̧ba̧lö, —yebabinö jwötjeba̧linobe Ecrón comunidad jojodöma.

1 Samuel 5:8

Jo̧kwajabetjö̧ wetjinobe okobe deinö filisteo jojodötjö la'aka luwedö tjo̧ko̧ko̧kwobö, ja̧danö ko̧ko̧kwajadönö abebö tja̧ja̧kwinobe, —Dakwö ja̧dakwa̧da Israel jojodö tjösödökwe Dios iteapjoma, dai wedakwa̧da? —jö̧balö̧. Abebö a̧ja̧kwawö̧, luwedöma tjatadinobe, —Gat comunidadbe tje'ewobö jo̧be jö̧ba̧lö. Jo̧kwajabetjö̧ Israel jojodö tjösödökwe Dios iteapjo tje'ewinobe Gatbe.

1 Samuel 6:4

Tjatadiawö̧: —¿Dios öba a'otjö wene juna̧ladösa jö̧ba̧lö i̧sekwi̧ iyawama, di̧ya wedakwa̧da? —jö̧ba̧lö, abebö tja̧ja̧kwawö: —Bakwamu jawa orotjö otikwa tutiyu o̧'wo jawabi, bakwamubedö orotjö otikwa ö'i duwo o̧'wo jawabi weköbaduwo. Ökwödö filisteo jojodötjö luwedöma bakwamu luwedö tjö̧jobetjö̧, o̧'wo jawa bakwamu jawa weköbaduwo. Jau, kwöwaisaduwa, ökwödö bakwamu jawa ditebokwena jojodöbi, ditebokwena luwedöbi, bakwainö ö'i du̧wö̧tjöbi, tutiyutjöbi usula emawadösa, ¿jö̧tö?