1 Samuel 30:17 - Dios Iwene17 Jemi ikenama, yȩayi̧ i̧yanö dewachenama, Davidbi ömöayedöbi amalecita jojodönö kwabawö metji̧binobe, ja̧danö möle baledibanö jobadönö ölakwabikwawö tjujuluwinobe, yi̧ibena baibanö. Jwiinö jobadönö juluwö kwabawö lotjinobe, okobe deinö jobadö amalecita jojodötjö sule cuatrocientos ömadöda Davidtjö tjö̧jibinobe. Jobadöma tjajwimu kameyu̧dönö wanö 'dötjibajinobe. အခန်းကိုကြည့်ပါ။ |
Jwiinö ba̧jȩkwadö madianitas jojodöbi, amalecitas jojodöbi, ju'wedö jawo̧ laebobekwötjö ichajadöbi tjö̧ba̧jekwinobe wabekonö, jwiinö tjö̧ba̧jȩkwobetjö̧ ma̧la̧ka̧yu tjö̧ba̧jekwi̧danö ichejekwinobe, ja̧danö tja̧jwi̧mu ka̧meyudöbi ba̧ja̧dakwawökenanö tjö̧jinobe, jwaibalawa ö'öbö so̧bi̧apu ba̧jȩkwi̧danö.
Ikenama, ikena möle yȩayi ina dewachapji, Saulma jojodönö wapösokwanö 'da̧batö ujuninobe, ja̧danö amonitas jojodö tjabakwemi tebachö, jobadönö kwabawö lotjinobe, möle ja'ö tubenanö kabatö. Jwiinö jobadö amonita jojodönö tjujuluwinobe, ji̧badö jwiinö tjipjelekwachinö. Isabenö jwiinö jobadönö tjipjelekwachinö tjujuluwinobe, ji̧badötjö du̧ju̧tajabi bakobe tjö̧jökenanö baibanö.
Jo̧kwajabetjö̧ baikwö wetakwö, kwömöayedö ölakwabikwawa jojodökwö jobadö amalecita jojodönö kwabawö loköbaduwonö, jobadötjö bakwo̧bi ö̧ji̧bökönö. Okobe deinö amalecita jojodönö kwabö loköbo, ömadönöbi, ya̧dönöbi, tjemunöbi, i̧ya̧nö tjemajawö̧nöbi. Ja̧danö ju'wibi okobe deinö tjajwimunöbi kwabawö loköbo, pa̧ka̧yadönöbi, obejadönöbi, kameyudönöbi, bu̧lö̧dönöbi, jwaikwöda okobe deinö amalecita jojodönöbi tja̧jwi̧munöbi kwabawö loköbo, bakwo̧bi ö̧ji̧bökönö, —jö̧ba̧lö Dios wei̧ yöawinobe Samuelma Saulnö.