1 Samuel 28:18 - Dios Iwene

¹⁸ Jau Saul, kwöwaisa, damötjö Isabenö Jo̧ma amalecita jojodönö jwiinö ödameakwinobe, ja̧danö ökwönö weinobe, jobadönö bakwo̧bi ö̧ji̧bökönö kwabawö loköbobö, ¿jö̧tö? Jo̧kwaijayonö Isabenö Jo̧ ökwönö weina a̧ja̧kwökönö, jobadönö Dios inesö ödameakwi̧ lȩbebökönö ja̧köbinobe, jo̧kwajabetjö̧ babe baledi̧ ökwönö baledobö weajabe.

1 Samuel 28:18 ပူးပေါင်းရင်းမြစ်များ

1 Reyes 20:42

Jemi ikenama Dios yöawi̧ yöbawo̧ jo̧banö yöawinobe, —Baikwö yöbawo̧ Isabenö Jo̧ma ökwönö, –Ötjöma omudawö chujunijatö, Ben-adadma isabenö ö'wö baiböbö jo̧be, –jö̧ba̧lö, jo̧kwaijayonö, jejenö omudawö chujuninajayonö, jo̧banö kwabö lobökönö, ejatö loköbajabe. Jo̧kwajabetjö̧, jo̧ba ö'wö baibo jö̧a̧linemi, ökwöda ö'wö bakibobö ja̧kobe, ja̧danö jo̧ba ömöledö usula tjemawo jö̧tja̧linemi, ökwöda kwömöledöda usula tjemawakwedö, —jö̧ba̧lö.

1 Crónicas 10:13

Saul jobekwö ö'wö baibina, —Tajawedö ö'wö baibinajö, —jö̧ba̧lö labebö loawama baikwö laebobe: Otiwanö Isabenö Jo̧ wei̧ a̧ja̧kwö ö̧jo jö̧a̧linajayonö, Saulma a̧ja̧kwökönö sulabenö ja̧inobe. Ju'wibi, Isabenö Jo̧ Diosnöda abebö a̧ja̧kwo jö̧a̧linajayonö, filisteo jojodökwö ölakwabikwawakwa̧ jawa öwaisachibobö jö̧a̧lenama, Diosnö abebökönö, ö'wö babibajadökwö yöba̧lujunöda abebö a̧ja̧kwinobe, sulabenö. Ja̧danö, jobekwö sulabenö ja̧iökwe, ö'wö baibobö weinobe Isabenö Jo̧ma, ja̧danö Saul la'aka luwo̧ ö̧jinemi, balekwo̧ Isai itji̧ David mikwo̧nö ujuninobe, Davidda Israel jojodötjö inesö la'aka luwo̧ ö̧jakobetjö̧.

1 Samuel 13:9

Jejenö balediökwe, Diosnö juwö iyobö jwiinajayonö, Saulma weinobe, —Diosnö iyawa jwiinö ubinö iyawabi, ju'wi Dioskwö ösökwö ja̧kwawa iyawabi baikwö ichejebaduwi, ötjöda kwabö juwö chiyobö, —jö̧ba̧lö. Weawö̧, tjichejebinobe, ja̧danö Saulda jwiinö ubinö iyawa kwabö juwö Diosnö iyinobe.

1 Samuel 15:20

Yöa̧lökwe, Saul atadinobe, —Isabenö otiwanö Isabenö Jo̧ wei̧ cha̧ja̧kwajabe. Jo̧ba weaja̧danö isabenö amalecita jojodönö söbebö lobö chȩwa̧jabe. Amalecita jojodö la'aka tjuluwo̧ Agag mikwo̧nö do̧batajo̧ baikwö öbibö chichejebajabe, ja̧danö okobe deinö jojodönö kwabawö lotajabe, Isabenö Jo̧ weaja̧danö.

1 Samuel 15:28

Kȩachajiökwe, Samuelma Saulnö yöawinobe, —Babe bi̧do̧ kȩebö loköbaja̧danö, Isabenö Jo̧ma israel jojodö la'aka tjuluwo̧ kwö̧ji̧ma ökwötjö kȩebö loajabe, kwömöledö israel jojodötjö jelo̧nöda iyobö, ökwötjö bajalekwönönö otiwo̧nö.

1 Samuel 15:9

Ju'wedö jojodönö kwabawö lotjinajayonö, Saulbi, ömöayedö ölakwabikwawa jojodöbi la'aka luwo̧ Agag mikwo̧nö kwabö lotjinokobe, ja̧danö ju'wibi, tjajwimutjö otiwadönö kwabawö lotjoböma tjöpöjödinobe. Amalecita jojodö tjajwimu 'dalukadönö, ja̧danö ju'wedö tjöpöjödawö̧nö kwabawö lotjinobe, jo̧kwaijayonö tjajwimutjö inesö otiwadö, obejadönöbi, pa̧kayadönöbi, o̧tewadö ja̧danö ju'wedö tjösödawö̧nöbi kwabawö lobökönö, idöda tjajwimu batjibanö tjeminobe.