1 Samuel 26:12 - Dios Iwene

¹² Ja̧danö, yöba̧lajo̧, Saul otokwötebi, ojwiyosa̧pja̧bi emibö, latjebinobe. Ja̧danö, jejenö baledonö, Saul ömöayedö wajwitjinobe. Bakwo̧bi edinokobe, ja̧danö bakwo̧bi wiluinokobe, okobe deinö aböda tjabinobe. Jejenö tjabi̧ma, Isabenö Jo̧da weinobe, bö̧ti̧söinö tjabobö.

1 Samuel 26:12 ပူးပေါင်းရင်းမြစ်များ

Génesis 15:12

Jemi ikenama, ja̧wo̧ meajena Abramma abibijetö, dö̧bachibajo̧danö jwiinö bötisinö abö. Abonö ¡ayö! o̧'wo luwo̧ okwanö isa'wo yȩa'wo isa'wodanö meobedanö meinobe, Abramnö jwiinö yebeabinö.

Génesis 2:21

Ikenama Isabenö Jo̧ Diosma iso̧nöma bö̧ti söinö abibanö ja̧bijetö. Ja̧danö, jejenö ja̧ajökwenöma aba̧lo̧nö Isabenö Jo̧ Diosma ometupasö'itjö bakwö'i 'yebijetö. Jejenö 'yebajo̧ma iteba'oma yemidanö woachibanö ja̧bijetö.

Isaías 29:10

Jau chömöledö, jobekwö kwö̧jaduwi̧ma, baikwö labebö lobö yötawaduwakwö: Isabenö Jo̧ma ökwödötjö iteda yöawi̧ yöbawadö tjöbajale yi̧tjatobö weajabe, jadanö tupakwö baledakwa̧ edadö tjuu umuchebajabe, ja̧danö jobekwö weobetjö̧, jwiinö bö̧ti̧ lö̧jinö kwö̧jaduwobö weajabe.

1 Samuel 24:4

Jejenö jo̧dawa'ye teachiawö̧, David ömöayedöma Davidnö yötja̧linobe, —Edi, damötjö Isabenö Jo̧ ökwönö yöa̧linadanö baledajabe. Damötjö yöa̧linobe, –Ökwö kwöpöjojonö ökwö kwujuluwobö chiyocha, ökwöda kwösödi̧danö jo̧banö ja̧köbobö, –jö̧ba̧lö. Jejenö Dios yöa̧linama babeda badekwachajabe, kwöpöjojonö wene jwiinö kwabö loköbobö baibajabe, —jö̧ba̧lö yötja̧linobe. Yötja̧lökwe, Davidma tjo'omanö wi̧inö i̧'yinobe, Saul ö̧jobekwö, ja̧danö ichibö, Saul ökamiji̧do̧ bajale 'wiebinobe, ja̧danö 'wibebajo̧, ömöayedökwö ȩwa̧bijinobe.

1 Samuel 26:13

Ikenama, Davidbi Abisaibi labebö, tupakwö badeibö jele'o mösa'onö ja̧nö tji̧'yinobe, Saul ö̧jelö ödö ja̧nö.

1 Samuel 26:7

Ikenama, jejenö yutubajö, Davidbi Abisaibi yö̧te ja'ö tjichibinobe Saul ömöaeyedökwö abobe. Ja̧danö ichibö tjedinobe, Saul ömöayedö tjösawibö tjabonö, Saulma tjö̧'da̧denö abo̧nö tjedinobe. Ja̧danö uu ö'öbönö, Saul itea tokwöte nijinö tibatö junawöte tjedinobe. Ja̧danö, Abnerbi, ju'wedö Saul ömöayedöbi tjösawibö tjabobe tjedinobe.