Yöa̧lökwe, Samuel atadinobe, —Yetabi, jejenö omudawö kwujunajökwenö o̧te tobebö chi̧'yitjö̧ma, Saulma a̧ja̧kwena, ja̧danö a̧ja̧kwö, ötjönö kwabö loena, —jö̧ba̧lö. Atadökwe, Isabenö Jo̧ma yöa̧linobe, —Baikwö ja̧bi, o̧te tobebö kwi̧'yi̧ wene Saul öwaisachibapji jö̧ba̧lö. Pakayasujunö la'akatjöda metu'wo jö̧kujunö öbibö kwi̧'yo Belentjö kwabö juwö kwiyobö, ja̧danö yökawo, –Baikwö chichajabe, belö kwabö juwö Isabenö Jo̧nö chiyobö, –jö̧ba̧lö.
1 Samuel 20:29 - Dios Iwene29 Baikwö yöba̧lö aebijatö, –Chömöledöma Belentjö Diosnö tjiyakwedö, ja̧danö chöpöema chȩwa̧jobö weajabe, jo̧kwajabetjö̧ isabenö ötjönö kwösöditjö̧ma, jobadökwö ja̧ ba'ali chujunobö webitjö, –jö̧ba̧lö David aeba̧linobe. Jo̧kwajabetjö̧, jobe ȩwa̧jinobetjö̧, bai ökwökwö kwö̧kö̧, —jö̧ba̧lö atadinobe Jonatanma. အခန်းကိုကြည့်ပါ။ |
1 Samuel 20:29
4 ပူးပေါင်းရင်းမြစ်များ
David jojodönö yöa̧lemi, David öpöe Eliabma a̧ja̧kwinobe, ja̧danö a̧ja̧kwö, Davidnö ölabinobe, ja̧danö Davidnö yöa̧linobe: —Tajawedö baikwö kwichaja̧da? Obejadö ja'yubeda kwajwimunö kwiteada̧lo̧ jö̧ka̧lijayonö, jobadönö le'dedibö kwichaji̧? Ökwönö chöwaisökweja, chöjawo̧, otiwo̧sa jö̧ba̧lö kwomukwati̧ma, ja̧danö kwomajadenö sulabenö kwomukwati̧ma. Ökwöma sule ölakwabikwawö kwakwatjakwawi̧ kwedotö jö̧ba̧lö baikwö sulabenö ichajo̧ja, —jö̧ba̧lö yöa̧linobe Eliabma, öjawo̧ Davidnö.
Jejenö atadiökwe, Saulma jwiinö ödameakwinobe, ja̧danö dameakwö Jonatannö yöa̧linobe, —Ökwöma sulabo̧ja, jilekwebö̧kö̧kwö sulabenö ja̧buju jitji̧ja. Chöwaisa, ökwöma Isai itji̧ Davidnö pjakatöbö omukwatö kwujunajabe. Isabenö jo̧banö pjakatobetjö̧ taba lö̧jakwo̧ja, ja̧danö kwojo'doma taba lö̧jakwuju, –La'akatjöda Jonatannö 'yatebinökötjö̧bö, –jö̧ba̧lö.
ကြော်ငြာတွေ