1 Samuel 20:14 - Dios Iwene

¹⁴ Ja̧danö luwo̧ kwö̧jenama, ötjöma ina yaba̧lo̧ chö̧jitjö̧ma, ötjönö dösölö̧jinö ösödö kwö̧jo, Isabenö Jo̧ ötjönö dösölö̧jinö ösödö ö̧jidanö. Jau David, la'aka luwo̧ bakibenama, ötjönö kwabö lobökönui.

1 Samuel 20:14 ပူးပေါင်းရင်းမြစ်များ

Génesis 40:14

Jo̧kwaobetjö̧, I request of you: kwȩwa̧jenama ¡ötjönö kwo̧'wo̧ jwikiboko! Kwuluwo̧ faraónnö yö̧kawo belö labebö lotjo weo ötjönö.

2 Samuel 9:1

Ja̧danö ju'wi möle Davidma abebö a̧ja̧kwinobe, —Ina Saul i̧tji̧mutjö jelo̧ öjobeji̧? Jo̧ba itji̧ Jonatanma yöne chömöledöso̧ öjinobetjö̧, jo̧ba ömöledönö dösölö̧jinö pjatatobö chösöda, —jö̧ba̧lö.

2 Samuel 9:3

Atadökwe la'aka luwo̧ Davidma abebö a̧ja̧kwinobe, —Dios öba a'otjö Jonatannö yöbawö chujunijatö, ömöledönö dösölö̧jinö pjatatakwa̧ wenema, jo̧kwajabetjö̧ abebö cha̧ja̧kwakwö, Saul ömöledötjö ina jelo̧ ö̧jobeji̧, jo̧banö dösölö̧jinö pjatatoböma? —jö̧ba̧lö. Abebö a̧ja̧kwökwe Sibama atadinobe, —Jonatan i̧tji̧mutjö bakwo̧ ina ya̧a̧lobe, ömasapiya suli̧ waekwinama, —jö̧ba̧lö.

1 Samuel 20:13

Ja̧danö ju'wibi isabenö yötawakwö David, chabe'do ökwönö suli̧ öwaedobö ösöditjö̧bi, ja̧bi isabenö yötawocha, belö labebö, wene jwiobekwö otiwanö dökibajobö, baikwö yötawa: Chabe'do ökwönö suli̧ öwaedobö omukwati̧ waisachibajo̧, ökwönö yötawökötjö̧ma, Isabenö Jo̧ Dios ötjö Jonatannö labinö lȩebobö jȩna. Jau David isabenö tojökönö yötawocha. Isabenö chösödi̧ma baikwö yötawakwö chömöledöso̧ David, Isabenö Jo̧ ökwökwö ja̧nö pjaatobö chösöda, bakwainö chabe'dokwö ja̧nö pjaatinadanö.

1 Samuel 20:15

Ja̧danö debö chi̧'yaja̧ okobe luwo̧ bakibitjö̧ma, ba̧kwelöjatebö chitji̧munöbi, chi̧tji̧mu tupadanö jojodönöbi ötjönö kwösödo jö̧ka̧li̧danö jobadönö dösölö̧jinö ösödö kwö̧jobö. Jau David, chöwaisa, Isabenö Jo̧ma okobe deinö kwöpöjojodönö jwiinö söbebö loakobe, ja̧danö la'akatjöda chi̧tji̧munö, –Chöpöjojodö, –jö̧ba̧lö omukwatökönö, ba̧kwelöjatebö jobadönö dösölö̧jinö ösödö kwö̧jo, —jö̧ba̧lö aebinobe Jonatanma, Davidnö.

1 Samuel 20:23

Ja̧danö jo̧da dö̧ja̧kwa̧ wene yöbawö dujunaja̧ma, Isabenö Jo̧ma dö̧'da̧de ja̧nö a̧ja̧kwajabe, ja̧danö jo̧bada eda̧lö pjaatakobe, yöbawö dujunaja̧danö ba̧kwelöjatebö ja̧bö dö̧jobö, —jö̧ba̧lö yöa̧linobe Jonatanma.

1 Samuel 24:21

Jo̧kwajabetjö̧ Isabenö Jo̧ öba a'otjö chi̧tji̧mu tupadanö jojodönö otiwanö ja̧köbakwa̧ wene yöbawö kwujunobö atebakwö. Jau David, ju'wedö ajayi luwo̧ i̧tji̧munö kwabö lobö ja̧biatji̧danö ja̧bökönö, chi̧tji̧mu tupadanö jojodonö dösölö̧jinö ja̧köbakwa̧ wene yöbawö kwujunobö atebakwö, chi̧tji̧mu tupadanö jojodöma okobe deinö debö tji̧'yapji jö̧ba̧lö.